DÂN PAHNINA 13:2 - Pathien Lekhabu Inthieng (BSI)

² inchikna amanih, thilmak amanih an inentir cheu chu a hung tlung a, in hriet ngai naw, ‘Pathien dang zui ei tiu khai, an rawng bâwl ei tiu,’ in kuoma an ti chun,

DÂN PAHNINA 13:2 ပူးပေါင်းရင်းမြစ်များ

1 LALHAI 13:3

Chun, chu ni ma chun inchikna a pêk a, “Hi hi Lalpain inchikna ding a ti chu a nih, ‘Ngai ta, maichâm hi la kawi phawk a ta, a chunga meivâmhai hi lân baw vawng a tih,’ ti hi,” tiin.

FESUOKNA 22:19

“Tukhawm ran rîm taphawt chu sukhlum a ni ngei ding a nih.

FESUOKNA 7:22

Chun, Aiguptaa aisânthiemhai khawm chun dawi hmangin chuong ang tak chun an thaw ve a. Pharao lungril chu sukngarin a um zing a, Lalpain a hril ta ang khan an thu chu a ngai naw a.

JEREMIA 23:32

Ngai ta u, mang indik lohai hrila, anni kuoma khawm hrila, an khêlhrilhai le, an uongna teplohaia ka mihai insuksuoltirtu zâwlneihai chu ka kal a nih, Lalpa chun a tih; anni chu ka tir naw a, thu khawm ka pêk naw a; hi hnam hi suksâwt chuong dêr bawk naw ni hai, Lalpa chun a tih.”

JEREMIA 27:9

Nisienlakhawm, nangni chungthu ruoka chun, in zâwlneihai, in khawhri zâwlhai, in manghai, in dawithiemhai, in aisân thiemhai “Babulon lal rawng chu bâwl naw ti niu,” tituhai chu ngai naw ro;

JEREMIA 28:9

Zâwlnei thlamuongna thu hriltu chu, chu zâwlnei thuhril chu a hung tlung pha chun, chu zâwlnei chu Lalpa chun ama chu a tir taktak a nih ti hriet a nih,” tiin.

ZEKARIA 10:2

Milim chun teplo mei mei a hril a, a lo dawngtuhai khawm chun khêl thu chu an hmu si a; manga mangtuhai khawm chun khêl mei mei an mang a, a thlâwn elin an insukthlamuong a nih; chuleiin, berâm angin anni lampui chu an hraw a, sukrimsikin an um hlak, berâmpu a um naw leiin.

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

DÂN PAHNINA 13:13

nangni laia mi dukdaklo ṭhenkhat hung suokin, chu khawpuia mihai chu in hriet ngai lo pathien danghai be dingin an ṭhuoi hmang ti thu hril in hriet chun,

DÂN PAHNINA 13:6

“I unaupa, in pa naupa amanih, in nu naupa amanih, i naupa amanih, i naunu amanih, i nuhmei pawmlai amanih, i ruol ṭhatak khawmin a rûkin, “Pathien dang rawng bâwl ei tiu khai’ tia nang amanih, in thlatuhai la hriet naw,

DÂN PAHNINA 18:20

Ka hminga hril dinga ka pêk naw hril luitu zâwlnei amanih, pathien danghai hminga thuhriltu zâwlnei amanih, chu zâwlnei chu sukhlum ding a nih,’

DÂN PAHNINA 18:22

zâwlneiin Lalpa hminga thu a hril a, a thu hril chu a hung tlung naw a, a hlawtling naw chun, chu chu a nih Lalpa ihril naw chu; zâwlnei chun uongtakin a hril mei mei a ni lem, ama chu in ṭi ding a ni nawh.