DÂN PAHNINA 12:3 - Pathien Lekhabu Inthieng (BSI)

³ An maichâmhai sukchim in ta, an lungphunhai suknâwi vawng in ta, an Asera dâm chu in raw ding a nih; an pathien lim siem fâwmhai chu phûrpêk in ta, chutaka an hming chu in thaihmang ding a nih.

DÂN PAHNINA 12:3 ပူးပေါင်းရင်းမြစ်များ

1 LALHAI 14:15

Lalpa chun tuia phairuong kûng inhnîng inhnîng angin Israelhai chu hung vaw hnîng a ta; chuongchun, Lalpa lung suksena an Aserahai chu an siem leiin, an puhai a lo pêk tah, hi ram ṭhataka inthawk hin Israelhai chu la keidawk fai vawng a ta, vadung khêl tienga chun la sukdar vawng a tih.

1 LALHAI 15:13

A pi Maaka khawm chu milim tirdakumtak Asera a siempêk leiin, a lalnu nina chu a bân a; chun, Asa chun a milim siem chu a sât thlûk a, Kidron vadungah a raw a.

2 LALHAI 11:18

Chun, chu rama mi po pohai chu Baal inah an fe a, an sukchim a; a maichâmhai le a limhai chu an suknâwi vawng a; Baal thiempu Mattan khawm chu maichâm bulah an that a. Chun, thiempu chun Lalpa in vêngtu hotuhai a ruot a.

2 LALHAI 18:4

Bâwlhmunhai a sukbo a, lungphunhai a sukchim a, Asera dâm a phûr a; chun, Mosie dâr rûl siemhai chu a suknâwi vawng a; chuong lai hun chen chun Israel mipuihai chun a kuomah riminhnik an la raw rawp hlak a nih; chu chu Nehustan an ti hlak a.

2 LALHAI 23:14

Chun, lungphunhai chu a suknâwi vawng a, Aserahai chu a phûrthlûk a, chuong hmunhaia chun mihriem ru a sie ta a.

2 CHANCHIN SUINA 14:2

Chun, Asa chun a Pathien, Lalpa mithmuah thil indik le ṭhahai chu a thaw a;

2 CHANCHIN SUINA 14:3

bâwlhmunhai le maichâm danglamhai chu a lâk hmang a, lungphunhai chu a sukthliek a, Asera chu a phûr thlûk bawk a;

2 CHANCHIN SUINA 19:3

Amiruokchu, nangmaa hin thil ṭha hmusuok a ni ve bawk a, hi rama inthawka Asera chu sie hmang a, Pathien chu zawng dinga i lungril chu i siem ta leiin,” a ta.

2 CHANCHIN SUINA 31:1

Chun, hieng thil po po hi zo a ni hnung chun, Israel chutaka umhai po po chu Juda khawpuiahai chun an fe a, lungphunhai chu an suknâwi a, Asera chu an phûrthlûk a; Benjamin le Juda ram po poa bâwlhmunhai le maichâmhai chu an vuok chim vawng a; Ephraim le Manasse rama khawm, a rênga an suksiet vawng hmakhat chun an thaw pei a. Chu, Israel mipuihai chu, mi tin mâni hmun nei sengah, mâni khawpui sengah an kîr ta a.

2 CHANCHIN SUINA 34:3

Naupang a la ni laiin, a rorêl a kum rietnaa inthawk chun a thlatu David Pathien chu a zawng ṭan a; chun, kum sâwmpahninaa chun Juda ram le Jerusalem chu Asera dâm, milim a kera kerhai dâm, milim a sunga sunghai dâm le bâwlhmun po poa inthawk chun a sukthieng ṭan ta a.

INPÂKNA HLABU 16:4

Pathien dang thlangtuhai chu an lungngaina sukpungin la um a ta, An dâwn chi thisen inhlânhai chu inhlân ve nâwng ka ta, Ka hmûr khawma an hminghai lam bawk naw ning.

FESUOKNA 23:13

I kuoma ka hril ta po po hi pawisa la, pathien danghai hming hrim chu lam naw la, i baua inthawkin hriet khawm ni bawk naw raw se.

FESUOKNA 23:24

An pathienhai kuoma chun i kûn ding a ni naw a, an rawng khawm i bâwl ding a ni naw a, an sin i thaw ding a ni bawk nawh; anni chu peithla letdêr i ta, an milimhai chu suknâwi vawng i tih.

FESUOKNA 34:13

Amiruokchu, an maichâmhai chu kei chim in ta, an milimhai chu vaw nawi vawng in ta, an pathiennu Asera lim khawm chu phûr thlûng in tih:

ISAI 27:9

Chuleiin, hi hin Jakobhai rîtlona chu sâwpfai nîng a ta, hi hi an suol fe hmangpuina ra ruok a nih; Aserahai le nisa limhai chu tho nâwk ta lo ding khawpin maichâm lung po po chu tlak lung suknawi rem rum ang elin an siem hi.

JEREMIA 17:2

an thlahai chun muol insânghai chunga thing hringhai kâwla an Asera le an maichâmhai chu an hriet zing sûng phawt chun.

HOSEA 2:17

A baua inthawkin Baal hminghai hi ka lâkhmangpêk ding a ni si a; an hming hi sâm ni ta hrim hrim naw nih.

MIKA 5:14

I kuoma inthawk i Aserahai chu phawidawk ka ta, i khawpuihai chu suksieng ka tih.

ZEKARIA 13:2

Sipaihai Lalpa chun a tih, “Chu nia chun hieng hi hung nîng a tih: rama inthawk hin milimhai hming chu pei thlâng ka ta, hriet zing ni ta naw ni hai; chun, zâwlneihai le thlarau inthieng nawhai chu hi rama inthawk hin infe hmangtir ka tih.

NAMBAR 33:52

Kanaan ram in lût pha chun, chu rama um po pohai chu hnawt suok vawng in ta, an lung milimhai po po chu sukse vawng in ta, an milim sunghai khawm sukse vawng in ta, an bâwlhmunhai khawm in ṭhiek vawng ding a nih;

DÂN PAHNINA 12:4

Chuong ang chun Lalpa in Pathien chunga chu in thaw ding a ni nawh.

DÂN PAHNINA 7:25

An Pathien lim siem fâwmhai chu in raw ding a nih, chutaka tangkaruo amanih, rângkachak amanih chu in inhnar ding a ni naw a; in ta dingin in lâk ding a ni bawk nawh, chuong naw chun inâwk el rawi in tih; Lalpa in Pathien ngaiin thil tirdakum an ni si a.

DÂN PAHNINA 7:5

An chungah hieng ang hin in thaw lem ding a nih, an maichâmhai sukchim in ta, an lungphunhai suknâwi in ta, an Aserahai phûr in ta, an milim siemfâwmhai in raw vawng ding a nih.

THUPUONGSUO 13:1

Chun, Sahrâng ki sâwm le lu sari nei, tuipuia hung suok ka hmu a, a kihaia chun lallukhum sâwm a uma, a luhaia chun Pathien hrilsietna hminghai a um bawk a.

RORELTUHAI 2:2

chun hi rama umhai le hin thu thlung naw unla, an maichâmhai chu sukchimpêk ro’, ka ti kha. Nisienlakhawm, ka râwl chu ngai lova, iengdinga hienga hi thaw am in ni a?