DÂN PAHNINA 12:2 - Pathien Lekhabu Inthieng (BSI)

² In va hluo ding ram hnamhaiin tlâng lienhai, tlâng chînhai, thing hring tin hnuoi dâma an pathienhai rawng an bâwlna hmun po pohai chu in suksiet vawng ding a nih.

DÂN PAHNINA 12:2 ပူးပေါင်းရင်းမြစ်များ

1 LALHAI 14:23

Tlâng insâng tina le thing hring tin hmuna hin lungphunhai phunin bâwlhmunhai le Aserahai chenin an siem bawk si a,

1 LALHAI 3:2

Mipuihai chu bâwlhmunahai an inthâwi el hlak a, chu hma chun Lalpa hming ta dinga in bâwl a la um hri naw leiin.

2 LALHAI 11:18

Chun, chu rama mi po pohai chu Baal inah an fe a, an sukchim a; a maichâmhai le a limhai chu an suknâwi vawng a; Baal thiempu Mattan khawm chu maichâm bulah an that a. Chun, thiempu chun Lalpa in vêngtu hotuhai a ruot a.

2 LALHAI 16:4

Chun, bâwlhmunahai, tlângahai, thing hring hmun tin hnuoia dâm ân thâwi a, riminhnik a raw a.

2 LALHAI 23:13

Chun, Jerusalem bul sietna tlâng changtieng panga Zidonhai pathien tirdakumtak Astoreth ta ding dâm, Moabhai pathien tirdakumtak Kemos ta ding dâm, Ammon thlahai pathien tirdakumtak Milkom ta ding dâm, Israel lal Solomonin bâwlhmun a siemhai chu lal chun a sukbo vawng a.

INPÂKNA HLABU 78:58

An hmun insânghaiin ama chu an suklungsen hlak si a, An milim siemhaiin an inthîktir bawk a.

FESUOKNA 23:24

An pathienhai kuoma chun i kûn ding a ni naw a, an rawng khawm i bâwl ding a ni naw a, an sin i thaw ding a ni bawk nawh; anni chu peithla letdêr i ta, an milimhai chu suknâwi vawng i tih.

ISAI 36:7

Annawleh, ka kuomah, Lalpa kan Pathien chu a nih kan ring chu, i ti chun, ama chu Hezekia chun Judahai kuoma le Jerusalem mihai kuomah, Hi maichâm hmaa chau hin inbiek ding a nih, tiin, a bâwlhmun le a maichâmhai a lâk hmangpêk kha a ni nâwm a nih?

JEREMIA 17:2

an thlahai chun muol insânghai chunga thing hringhai kâwla an Asera le an maichâmhai chu an hriet zing sûng phawt chun.

JEREMIA 2:20

Inhmâta inthawk khan i rîngkawl chu i sukthliek a, i khuopnahai chu i suktan a, chun, nang chun, ‘Bawse ta naw ningah,’ i ta; muol insâng tinahai le thing hring hnuoi tinahai chun, nawchizawr anga khawsain nang chu i kûn ta si a.

JEREMIA 3:13

I suolna chu hre phawt phawt la, Lalpa i Pathien chunga chun i lo bawsiet ta a, thing hring tin hnuoia chun hmêlmakhai kuomah i lo inphal ta a, ka thu khawm chu i zâwm bawk naw a, Lalpa chun a tih.

JEREMIA 3:2

Bâwlhmun tienghai khi i mithai khan hang thlîr la, en ta; an zâlpui nawna che khaw lai am a um a? Thlalêra Arabia mi ang elin, lampui sîra chun an ta dingin i ṭhung a; i rîtlona le i hurna chun ram chu i sukpawrche ta a nih.

JEREMIA 3:6

Chu nawa khawm chun lal Josia hun lai chun ka kuomah Lalpa chun hieng ang hin a hril a, “Israel hnungtawlin a lo thaw ta hi i hmu am? Tlâng insâng tinahai hang fein le, thing hring tin hnuoia chun; chuongahai chun nawchizawr angin a lo khawsa ta a.

HOSEA 4:13

Tlâng sîphaia chun an inthâwi a, Muolhaia chun riminhnik an raw a; Thingsaisuo le beraw le tarpin thing hnuoia chun, A hlim chu ân hawi leiin. Chuleiin, in naunuhmeihai chun nawchizawr an chîng a, In mohai chun uiret an chîng a nih.

NAMBAR 22:41

Chun, a zinga chun Balak chun Balaam chu a ṭhuoi a; Baal hmun insâng haia chun a hang fe pui a, chutaka inthawk chun, Israel mipui po po a hmu phâk a.

DÂN PAHNINA 7:5

An chungah hieng ang hin in thaw lem ding a nih, an maichâmhai sukchim in ta, an lungphunhai suknâwi in ta, an Aserahai phûr in ta, an milim siemfâwmhai in raw vawng ding a nih.

RORELTUHAI 2:2

chun hi rama umhai le hin thu thlung naw unla, an maichâmhai chu sukchimpêk ro’, ka ti kha. Nisienlakhawm, ka râwl chu ngai lova, iengdinga hienga hi thaw am in ni a?