DÂN PAHNINA 1:2 - Pathien Lekhabu Inthieng (BSI)

² Horeb tlânga inthawkin Kadesbarnea chu Seir tlâng tieng lampuia fein ni sâwmpakhat lam a na.

DÂN PAHNINA 1:2 ပူးပေါင်းရင်းမြစ်များ

INṬANNA 32:3

Chun, Jakob chun Seir rama Edom phûl tienga a u Esau kuoma chun a hmaah palaihai ân tlântir a.

FESUOKNA 17:6

Ngai ta, Horeba lungpui chunga sawn i hmaah ngîr ka ta; chun, lungpui chu vuong i ta, a sûnga inthawkin tui hung suok a tih, mipuiin an dâwn theina dingin,” a ti a. Mosie chun Israel upahai mithmu ngeiah chuong ang tak chun a thaw ta a.

FESUOKNA 3:1

Mosie chun a tarpupa Jethro, Midian mihai thiempupa berâm ruol chu a enkawl a: chun, berâm ruol chu thlalêr tlâktieng pangah a ṭhuoi a, Pathien tlâng Horeba chun a hung a.

LEVI DÂN 2:14

“Rahmasatak fâkmi thilinhlân Lalpa kuoma în hlân chun, i bu thar hmasataka mi, a vui tharlâma mi ngei sukphitin, meia em hminin fâkmi thilinhlân dingin în hlân ding a nih.

LEVI DÂN 9:23

Chun, Mosie le Aron chu intuokna puon ina chun an va lût a; an hung suok nâwk a, mipuihai chu mal an sâwm a; chun, Lalpa ropuina chu mi po po chunga chun a hung inlang ta a.

NAMBAR 13:26

Chuongchun, Paran thlalêra Kades a chun Mosie le Aron le Israel mipui po po kuom chu an hung tlung a, chu ram theihai chu an inentir a.

NAMBAR 32:8

Kades-barneaa inthawka ram va enthla dinga ka ti khan hieng ang bawk hin in puhai chun an ta,

DÂN PAHNINA 1:19

“Chun, Lalpain thu a mi pêk angin Horeb tlânga inthawk chun ei suok a, Amor mihai tlâng ram lampuia thlalêr lientak le râpthlâktak in hmu kha ei fe thleng vawng a, Kades-barneaa chun ei hung tlung a.

DÂN PAHNINA 1:44

Chun, chu tlânga um Amor mihai chun an lo thaw cheu a, khuoi mi hnawt ang elin an lo hnawt cheu a; Seir tlânga inthawka Horma chenin an that cheu a.

DÂN PAHNINA 2:1

“Chun, ei insawn a, Lalpain ka kuoma a hril angin Tuipui Sen tieng Thlalêrah ei lût a; Seir tlâng chu sâwt rei ei vêl a.

DÂN PAHNINA 2:4

Mipuihai chu Seir tlânga um Esau thla in unauhai ramah in fe thleng ding a nih. Anni chun lo ṭîng an ti cheu; chuleiin, fimkhur hle ro.

DÂN PAHNINA 2:8

Chuongchun, Elath le Eziongebera inthawkin Araba lampuia fein, Seir tlânga um Esau thla ei unauhai ram ei fe thleng a. Chun, ei insawn a, Moab thlalêr tieng ei fe a.

DÂN PAHNINA 9:23

Chun, Lalpain, ‘Ram ka pêk cheu chu hang hluo ro’, tia Kadesbarneaa inthawka a tir lai cheu khan Lalpa in Pathien thupêk chu in helsan a, ama chu in ring naw a, a râwl khawm in ngai bawk naw a.

JOSUA 14:6

Chuongchun, Juda thlahai chu Gilgalah Josua kuomah an va fe a, Keniz mi Jephunne naupa Kaleb chun a kuomah, “Kades-barneaa Pathien mi Mosie kuoma Lalpain ka chungchâng le nanga chungchâng thu a hril kha i hriet a.