DÂN PAHNINA 1:11 - Pathien Lekhabu Inthieng (BSI)

¹¹ Lalpa in pi le puhai Pathien chun tuta nêka a let sângin sukpung sienla cheu, a tiem cheu angin malsâwm raw se cheu.

DÂN PAHNINA 1:11 ပူးပေါင်းရင်းမြစ်များ

INPÂKNA HLABU 115:14

Lalpa chun sukpung deu deu raw se cheu, Nangni le in nauhai leh.

INṬANNA 22:17

mal sâwm ngei ngei ka ti che a, vâna arasi zât le tuisuoriet panga phaiphin zâtin i thlahai chu la sukpung ngei ngei ka ta, i thlahai chun an dohai kul kawtkhâr chu neipêk an ta, ka thu i âwi ta leiin,

INṬANNA 26:4

Vâna arasi zâtin i thlahai chu la sukpung ka ta, hieng ram po po hi i thlahai kuomah la pe bawk ka tih; chun, i thlaa chun khawvêla chi tin la thawveng an tih:

NAMBAR 6:27

Chuongchun, Israel mipuihai chunga chun ka hming chu inchuongtir nîng a ta, chun, keiin anni chu malsâwm ka tih,” tiin.

2 SAMUEL 24:3

Chun, Joab chun lal kuomah, “Lalpa i Pathien chun mipuihai sukpungin, ieng zâta tam khawm, a lêt za khawm, lalpa ka pu a hin hmu hman raw se; nisienlakhawm, lalpa ka pu chun chu chu iengdinga hriet ân hâwk am a ni leh?” a ta.

INṬANNA 49:25

I pa Pathien nangma ṭhangpuitu dinga, Iengkimthawthei, Chungtienga vân malsâwmnahai, Hnuoitienga bawk zing tui inthûktak malsâwmnahai, Nene le sul malsâwmnaa Nang malsâwmtu ding ngei sukhrâtin a um a.

NAMBAR 22:12

Pathien chun Balaam kuomah, “An kuoma chun i fe ding a ni nawh. Chuong mihai chu ṭawngsie în phur ding a ni nawh, mi hamṭha an nih,” a ta.

FESUOKNA 32:13

I siehlawhai Abraham, Isak le Israel kuoma nangma le nangma inkhâma, ‘I thlahai chu vâna arasihai angin sukpung ka ta; hi ram po po ka hril ta hi in thlahai kuomah pêng ka ta, kumkhuoin hluong an tih,’ tia i hril kha hre zing rawh,” a ta.

INṬANNA 15:5

Chun, ama chu tuolah a ṭhuoi suok a, “Vân tieng khi en la, arasihai khi i tiem thei chun tiem ta khai,” a ta. Chun, ama bawkin, “I thlahai chu khieng zât khi la nîng an tih,” a ta.

1 CHANCHIN SUINA 21:3

Joab chun, “Lalpa chun a mihai chu an ni hlak zât let za khawma sukpung sienla, ka pu lal, ka pu siehlawhai an ni vawng tho a ni naw am a nih? Iengdingin am ka pu hin hieng ang thil hi a hriet nuom a ni leh? Israel ta dingin iengdingin am rîtlona bul hung ni el a ta?” a ta.

DÂN PAHNINA 1:8

Ngai ta u, ram chu ka pêk dai ta cheu, in pu Abraham hai, Isak hai, Jakob hai le an hnunga an thla nâwk peihai kuoma inkhâma Lalpain a pêk ram chu va hluo ro,’ tiin.

DÂN PAHNINA 1:10

Lalpa in Pathien chun a sukpung cheu a, ngai ta u, tuhin chu in tamzie chu vâna arasi zât zet in hung ni ta a.

DÂN PAHNINA 1:12

Iengtin am keima khât chauin in buoina dâm, in phurrik dâm, in inngâwknahai chu phur zo ka ta?

DÂN PAHNINA 10:22

In pi le puhai chu Aiguptaah sâwmsari an fe thla a; tuhin chu tam tienga chun vâna arasi zâtin Lalpa in Pathienin a sukpung ta cheu a nih.

DÂN PAHNINA 28:62

Vâna arasi zât hiel ni hlak kha tlâwmte bak hung ni tâng in ta, Lalpa in Pathien râwl chu in zâwm naw leiin.

EZEKIEL 16:7

Ramhnuoi hnader anga pung dingin ka siem che a, i hung pung ngei a, i hung ropui a, incheina ṭha bîktak ang chu i hung ni ta a; i nênehai a hung in siem a, i sam dâm khawm a hung ṭo a, amiruokchu, saruok le ruok i la ni tlat el a.