DANIEL 9:7 - Pathien Lekhabu Inthieng (BSI)

⁷ Aw Lalpa, felna chu nangma ta a na; nisienlakhawm, vawisûn ni ang bawk hin, hmêl hamhaitak chu kan nei lem a; Juda mihai le, Jerusalem hluotuhai le, Israel rama mi po po khawm, i chunga an lo bawsiet ta leia an bawsietna leia anni i lo hnawt suokna ram po po, ram hla le ram hnaia umhai khawm chu angkhat vawng kan nih.

DANIEL 9:7 ပူးပေါင်းရင်းမြစ်များ

EZRA 9:13

Chuong po po hnunga chun kan suol nasatak lei le, kan suksuolnahai leiin kan chungah a hung tlung a, nang kan Pathien hin kan khawhlonahaiin a phutâwk nêka nêp lemin i mi hrem a, a mahla khawm i mi la hlapêk a nih ti hmu zing si hin,

EZRA 9:15

Aw Lalpa, Israel Pathien, nang chu în dik a, a suok a mahla chu i mi lo hlapêk ta si a, vawisûn ni ang chen khawm hin: ngai ta, kan khawhlonahai leh i hmaa hin kan um a ni hi; hi hi lei hin tukhawm i hmaa chun an ngîr thei âwm si naw a,” tiin.

NEHEMIA 9:33

Iengkhawm ni sienla kan chunga thil hung tlung po poa hin, nang chu i fel a; nang chun indiktakin thil i thaw a, keini ruok chun ṭha naw takin kan thaw a nih;

INPÂKNA HLABU 119:137

Aw Lalpa, nang chu i fel a, I rorêlhai khawm ân dik a nih.

INPÂKNA HLABU 44:15

Kân zakna hi sûnnithlâkin ka hmaah a um hlak a, Ka muolphona hin a mîn khum zo tah,

INPÂKNA HLABU 51:14

Aw Pathien, nang ka sandamna Pathien, thisen insuonahaia inthawk chun mi sanhim rawh; Chuongchun, ka lei hin i felna thu hi hlimtakin hlaah sak a tih.

INPÂKNA HLABU 51:4

I chungah, i chung chauah thil ka suksuol a, I mithmuah thil suol ka lo thaw ta a: Thu i hrilin thiem în changtir thei a, Ro i rêlin demkailo i ni theina dingin.

ISAI 11:11

Chun, chu nia chun Lalpa chun a mihai, a thi mahla la um sun, Assuria rama inthawk dâmin, Aigupta rama inthawk dâmin, Pathros rama inthawk dâmin, Kus rama inthawk dâmin, Elam rama inthawk dâmin, Sinar rama inthawk dâmin, Hamath khuoa inthawk dâmin, tuisuoriet thlierkâra inthawk dâma la nâwk dingin a vawi hninaa chun a kut la phar nâwk a tih.

ISAI 45:16

Muolphotakin um an tih, anih, an rêngin inzaktakin um an tih; milim siemtuhai chu inzaknaa chun lût tâwl an tih.

JEREMIA 12:1

Aw Lalpa, nang chu ka hung ngên lai che chun, i fel a, nangma le chun a san chu ei ngaituo tlâng a, mi rilo lampui chu ieng dinga a hlawtling hlak a, khawhlotaka thawtuhai po po chu nuomsaa um am an na?

JEREMIA 23:6

Ama dam sûng chun Juda chu sandam nîng a ta, Israel khawm chu himtakin chêng a tih, chun, hi hi hming ama kona ding chu nîng a ta, “Lalpa chu ei felna a nih,” ti hi.

JEREMIA 24:9

anni chu thil ṭha nawa hnungtieng hmatienga sukṭita um dingin hnuoia lalram po pohai lai chun pe suok ka tih; ṭawngsekawk le, thuvara le hrânghla le inkhâmna ni dingin, anni ka hnawt suokna ding hmun po poahai chun pe suok ka tih.

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 32:32

Juda mihai le Israel mihai suolna po po, mi suklungsenna ding ela, anni le an lalhai le an rorêltuhai le, an thiempuhai le, an zâwlneihai le, Juda rama mihai le Jerusalem hluotuhaiin an lo thaw tahai lei chun.

JEREMIA 33:16

Chuong nihaia chun Juda chu sandam ni tâng a ta, Jerusalem khawm chu himtakin chêng tâng a tih: chun, ‘Lalpa chu ei felna a nih,’ ti hi koa a umna ding hming chu ni ta bawk a tih.

JEREMIA 4:17

Lo vêngtuhai ang elin, a vêlin an umngha a; keia chungah a lo hel ta leiin, Lalpa chun a tih.

JEREMIA 7:19

Kei chu an mi suklungsen am a nih? Lalpa chun a tih; an inzakna dingin, anni le anni chu an insuklungsen a ni nâwm a nih?

EZEKIEL 16:63

Thil i lo thawtahai po poa ka ngaidam pha che chun i hriet zing a, i hmai a mâwk a, în zak leia i bau i kâk dêr ta nawna dingin, Lalpa Pathien chun a tih,” tiin.

EZEKIEL 36:31

Chun, in lampui rilohai le, in thilthaw ṭha nawhai chu hre zing in ta; chuongchun, in tirdakumnahai le in suolnahai leiin in mithmu ngeia chun nangni le nangni chu inten in tih.

EZEKIEL 5:10

Chuongchun, i sûnga chun pahai chun naupahai chu fâng an ta, naupahai chun an pahai chu fa bawk an tih; chun, nangmaa chun rorêl chu hung sukthlûng ka ta, nangmaa la mahlahai po po khawm chu thedar vawng ka tih.

EZEKIEL 6:12

Hlataka umhai chu hripuiin thîng an ta; a hnaia umhai chu kâwlhnâmah tlûng an ta, chun, umhmuna uma inhuol khuma um chu ṭâmin thîng a tih: chuong ang chun ka lungsenna chu an chunga chun ka sukpuitling ding a nih.

DANIEL 9:14

Chuleiin, Lalpa chun thil ṭha naw chu a hmu zing a, kan chungah a hung intlungtir tah a nih; Lalpa kan Pathien chu a sinthaw a thawhai po poa chun a fel a nih, keini ruok chun a râwl chu kan awi naw a.

DANIEL 9:18

Aw ka Pathien, i na hung sit la, hung ngai ta; i mithai hung meng la, sukrêma kan umnahai le, i hming inchawia sak khuo hi hung en ta; kan felnahai ni lovin, amiruokchu, i zângaina leiin kan hninahai chu i hmaah kan hung intlun a ni lem si a.

DANIEL 9:8

Aw Lalpa, i chungah thil kan lo suksuol ta leiin, keini chu kan lalhai leh, kan ṭhuoituhai leh, kan thlatuhai leh hmêl hamhaitak put kan nih.

AMOS 9:9

“Ngai ta u, thu ka pêk ding a ni si a, chun, sihria bu an rel angin, Israel sûngkuohai chu hnam po po lai chun rel ka tih; nisienlakhawm, a mal chîn tak khawm hnuoi chungah tla naw ni.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 6:21

Tuta in thil inzâpui tahaia hin khâng lai khan ra ieng am in lo hmu hlak leh? Khang thil tâwpna kha thina a nih in sawnnaw.

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

DÂN PAHNINA 4:27

Lalpa chun hnam tin lai chun sukdar a ti cheu a, Lalpain ân fe hmangtirna cheu hnamhai lai chun tlâwmte chauin um in tih.