DANIEL 9:5 - Pathien Lekhabu Inthieng (BSI)

⁵ kan lo suol ta a, indiklotakin kan lo thaw ta a; khawhlotakin kan lo thaw ta a, kan lo hel ta a; i rorêlnahai le thupêkhaia inthawka lo inher hmangin;

DANIEL 9:5 ပူးပေါင်းရင်းမြစ်များ

2 LALHAI 18:12

Lalpa an Pathien thu chu an pawm nuom naw a, a thuthlung chu an bawsiet lem a, Lalpain a siehlaw Mosie thu a pêkhai po pohai ngei kha an pawm nuom naw a, an thaw nuom naw leiin.

2 LALHAI 21:15

an pi le puhai Aigupta rama an hung suoka inthawka vawisûn ni chen hin ka mithmuah thil ṭha nawtak an thaw a, an mi suklungsen lei hin,’ tiin,” a ta.

EZRA 9:6

“Aw ka Pathien, nanga tienga hung nghat khawm hi ka hmai a mâwkin kân zak a nih, ka Pathien, kan khawhlonahai chu kan lu chunga hin a hung pung deu deu a, kan suolhai chun vân a tawng ta a ni hi.

INPÂKNA HLABU 106:6

Kan thlatuhai le khan thil kan suksuol a, Thil suol kan thaw a, suoltakin kan thaw ta a.

INPÂKNA HLABU 119:102

I rorêlnaa inthawk chun ka pêt hmang naw a, Nangin i mîn chûktir leiin.

INPÂKNA HLABU 119:176

Berâm inhmang angin kân vâkhmang a, i siehlaw hi zawng rawh. I thupêkhai chu ka theinghil ngai si nawh.

INPÂKNA HLABU 18:21

Lalpa lampuihai chu ka hraw a, Ka Pathien kuoma inthawkin rilotakin ka fe hmang ngai si naw a.

ISAI 53:6

Ei rêng hin berâm angin ei invâk hmang a, mâni lampui sengah ei pêt a; Lalpa chun ama chunga chun ei rênga khawhlona chu ân nghat ta a.

ISAI 59:13

kan bawsiet dâm, Lalpa kan inphatsan dâm, kan Pathien zui pei lova kan nghatsan dâm, nêksâwr thu le hel thu kan hril dâm, khêl thu kan vawng a, lungrila inthawka kan hril suok hlak hi.

ISAI 64:4

Tienlaia inthawk tah mihaiin, nangma chau naw chu, anni nghâktuhai ta ding thawpêk hlaktu Pathien an hriet ngai si naw a, nain an hriet ngai naw a, mit khawma an hmu ngai bawk nawh.

JEREMIA 14:20

Aw Lalpa, kan suolnahai ka hung inhriettir a, kan thlatuhai suolna leh; nangma chunga chun thil kan lo suksuol ta si a.

JEREMIA 14:7

Kan suolnahai chun keini a mi hêk khawma, Aw Lalpa, i hming leiin nangin sin thaw la, kan hnungtawlnahai chu a tam hle ta si a; i chunga chun thil kan lo suksuol ta a nih.

JEREMIA 3:25

inzakin zâl ei tiu khai, ei muolphona chun mîn khum raw se; Lalpa ei Pathien chunga chun thil ei lo suksuol ta si a; ei tleirâwl laia inthawk tah vawisûn chen hin eini ni leh, ei thlatuhai ni leh; chuongchun, Lalpa ei Pathien râwl chu ei lo awi ta naw a nih.

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

JEREMIA 44:3

lunginsennaa mi chawktho dingin an thlatuhaiin amanih, anni ngei khawma an hriet lohai pathien danghai chu an rawng bâwl ding le, an kuoma riminhnik raw dinga an fe a, chuong khawhlonahai an thawna lei chun,

ṬAP HLA 1:18

Lalpa chu a fel a nih; a thupêk dodâlin ka hel si a; Ngai ta u, ka ngên cheu, nangni hnam po pohai, ka lungngaina hi en ta u, Ka nunghâkhai le ka tlangvâlhai chu salah an fe ta a.

ṬAP HLA 1:20

Ngai ta, aw Lalpa, rimsiin ka um hi; ka phîng sûng a buoi zo tah; Ka lung chu ka sûnga chun ân her a, khawhlotakin ka lo hel ta si a; Kawtthlêra chun kâwlhnâm chun a sukfahra a, ina chun thina a um a.

ṬAP HLA 3:42

Kan bawsiet a, kan hel ta a, nang chun i mi ngaidam naw a.

EZEKIEL 5:6

Hnamhai nêka rîtlona thawin ka rorêl chunga chun a hel ta a; ram a vêla umhai nêkin ka thuruot chunga chun a hel ta bawk a; ka rorêlhai chu an inkîra, ka thuruothai chu zâwm khawm an zâwm nuom nawh.

EZEKIEL 6:9

Chun, nangni laia chuonga suokhai chun, hnamhai sala ṭhuoia an umnahaiah chun mi hre zing an ta, an lungril uire châkna keimaa inthawka ṭhea um ta le, an mithai an milimhai châktaka an enna chun an mi suknatzie hai chu; Chuongchun, an tirdakumna po poa an lo thaw tah, thil ṭhanaw hai lei chun an mithmu ngeia chun intirdak an tih.

DANIEL 9:11

Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

DANIEL 9:15

Tuhin, aw Lalpa kan Pathien, Aigupta rama inthawka i mihai kut hrâttak leh hung ṭhuoi suoka, vawisûn ni chena hming inthangna changtu, kan lo suksuol ta a, rilotakin kan lo thaw tah a nih.

DANIEL 9:9

Zângaina le ngaidamna chu Lalpa kan Pathien ta a nih; ama chunga chun kan lo hel ta si a;

HOSEA 1:2

Hosea hmanga Lalpa thu hril phutna chu. Lalpa chun Hosea kuomah, “Fe la, nawchizawr thla, nawchizawr mi, nuhmeiah va nei rawh, hi ram hin Lalpa chu a uiret hmangsan tah,” a ti a.

MALAKI 3:7

“In thlatuhai hunhaia inthawkin ka thupêkhaia inthawk chun in inher hmang a, in lo pawm ta naw a. Ka kuomah hung kîr unla, kei khawm in kuomah hung kîr ka tih, sipaihai Lalpa chun a tih. Nangni hlak chun, ‘khâwtieng am hung kîr kan ta?’ in ti lem a.

HEBRAIHAI 3:12

Unauhai, fimkhur ro, chuong naw chun, Pathien hring chu bânsan dingin nangni laiah tu sûnga khawm awi nawna lungril suol hung um rawi a tih.