DANIEL 9:26 - Pathien Lekhabu Inthieng (BSI)

²⁶ Chun, hapta sâwmruk pahni hnunga chun Messie chu sât thlâk nîng a ta, ama ta dingin ni lovin, chun, lal mihai hung dinghai chun khawpui le Hmun Inthiengtak chu suksieng an ta, a tâwpna chu tuilêt nîng a ta, a tâwpa chun indona nîng a tih; sukrêma umna ding chu ruot a ni ta si a.

DANIEL 9:26 ပူးပေါင်းရင်းမြစ်များ

2 SAMUEL 21:5

Chun, lal kuoma chun, “A mi sukbohmangtu le Israel ram sûng hrim hrima khawm um loa, sukbohmang dinga a mi phiertu chu,

INPÂKNA HLABU 22:15

Ka tha hi bekawihâr angin a ṭâwl zo vawng a, Ka lei khawm hi ka dangah a kawp ta tlat a; Nangin thina pilvuta hin i mi ṭhuoi lût tah a ni hi.

ISAI 28:2

Ngai ta, Lalpa chun mi hrât thilthawtheitak a nei a; ama chun riel nasatak tla dur dur, thlipui thil sukse rem rum ang le, tuilien nasatak lien zur zur ang elin, hnuoiah pei chawr a tih.

ISAI 28:22

Chuongchun, mi hmusit hmangtuhai ni ta naw ro, chuong naw chun, in kawl bunhai chu ringumtakin siem rawi an tih; tâwpna, tâwpna tlung ngei dinga ruot tlat chu, hnuoi pumpui chunga a tlung ding thu, Lalpa, sipaihai Lalpa kuoma inthawk chun ka hriet si a.

ISAI 53:8

Nêksâwrna le rorêlna lâk hmangin a um a; a dam ruolpuihai lem chun tuin am mi hring rama inthawka sukbohmanga a um chu ngaituo hrim an ta? Ka mihai bawsietna leiin lungngaina invurkhumin a um a nih.

ISAI 8:7

ngai ta, Lalpa chun Vadungpui tui, hrâttakhai le tamtakhai, (Assuria lal le a ropuina po po chu) an chungah inluongtir a tih; chuongchun, a kuong po po chu hung liem dûl dûlin, a pang po poa chun hung liem dûl dûl a tih;

JEREMIA 46:7

Nile vadung, vadungpuihai ang ela tuihai invawr let anga ngîr dawk chu tu am a na?

JEREMIA 51:42

Babulon chunga chun tuisuoriet chu a hung luong a, tuifâwn tamtakhai chun a hung inkhum ta a.

DANIEL 11:10

A naupasalhai chun sipai ropuitak tamtak el khâwm an ta, do an ta, chu chu hung an ta, a luongin hung luong liem an ta, fe thleng an tih; chun, hung kîr nâwk an ta, a kul ngei chu hung do an tih.

DANIEL 11:17

A hmêl chu amaa mi ngîlhai le, a ram pumpui hrâtna le hung dingin nghâng a ta; a nuom nuom thâwng a ta, nuhmei naunuhai chu sukkhawhlo dingin ama chu pêng a ta; nisienlakhawm, amanu chu a kuomah ngîr naw ni a, a ta ni thei bawk naw ni.

DANIEL 11:22

Ama hmaa chun tuilêt hrâtnain anni chu la hmang a ta, suksiet nîng an tih; anih, thuthlung hotu ngei khawm chu suksiet nîng a tih.

DANIEL 11:36

“Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîkthlâk a ni hmakhat chu hlawtling pei a tih.

DANIEL 9:27

Chun, hapta khat chu mi tamtak leh thuthlung dettak siem a ta, chun, chu hapta chenve kâr chun inthâwina le thilinhlân chu suktâwp a tih; chun, tirdakumna thla chunga chun sukrêmtu inumtirtu ding chu hung a ta, a tâwpna ding ruot chen chun; chun, sukrêmtu chunga chun lunginsenna chu buok ni tâng a tih,” tiin.

HOSEA 1:9

Chun, Lalpa chun hieng hin a ti a, “A hmingah Lo-ammi sak rawh, nangni hi ka mihai in ni si naw a; chun, kei khawm in Pathien ni naw ning,” a ta.

AMOS 8:8

Hi hi lei hin ram chu ân thinin, a sûnga um taphawthai chu an lungngai naw ding am a nih? Anih, Vadung ang chun hung lien vawng a ta, Aigupta ram Vadung angin hung buoiin hung kang a tih.

AMOS 9:5

Ram chu tâwk a, suktuiraltu chu Lalpa, sipaihai Pathien chu a ni si a; chun, chutaka um po pohai chu lungngai an tih; chun, Vadung angin hung lien a ta, Aigupta Vadung angin kang nâwk a tih;

NAHUM 1:8

Amiruokchu, tui lien luong liemna hmangin chu hmun bohmang vawngna chu intlungtir a ta, hmêlmahai chu inthimnaah hnawt lût a tih.

MATTHAI 22:2

“Vân ram chu lal tu amanih, a naupa ta dinga inneina ruoiṭhena siem le chun tekhi a nih.

MATTHAI 22:7

Chuongchun, lal chu a lunginsen ta a; a sipaihai a tir a, chuong tuolthathai chu a sukbo a, an khuo khawm a rawpêk ta a.

MATTHAI 23:38

En ta u, in in chu a ruoka mâksan cheuin a um tah.

MATTHAI 24:2

Chun, a inchûktirhai chu Pathien biekinhai inentir dingin a kuomah an hung a. Ama ruok chun, an kuomah, “Hieng po po hi in hmu maw? Titakzetin ka hril cheu hi, sukchim loa lung inthuo hrim hrim hitaka hin um naw ni,” a ta, a dawn a.

MARKA 13:2

Chun, Isûn a kuomah, “Hieng in nasatak hi in hmu maw? Sukchim lova lung inthuo hrim hrim hitaka hin um naw ni,” a ta.

MARKA 13:7

Chun, indo thu le indo thuthang dâm in hriet pha leh lunginzing naw ro; chuongchu hung tlung ding hrim a nih; nisienlakhawm, tâwpna chu la ni hri naw ni.

MARKA 9:12

Ama chun an kuomah, “Elija chu hung hmasa hrim a ta, iengkim a siem ṭha ding a nih: thil tamtak tuorin, mi hmusitin a um ding a nih ti Mihriem Naupa chanchin iengtiziea ziek am an na?

LUKA 21:24

Chun, kâwlhnâmin thîng an ta, hnam tin kuomah sala ṭhuoiin um an tih; chun, Jentailhai ni a kim hmâkhat chu Jerusalem chu Jentailhai sirdein um a tih.

LUKA 21:6

“Hieng in thil hmu hi, sukchim lova lung inthuo hrim hrim hitaka hin um naw ni; chuong ang ni chu la tlung a tih,” a ta.

LUKA 24:26

Kristain chuong thil chu tuorin a ropuinaah a lût ding a ni hrim naw am a nih?” a ta.

LUKA 24:46

chun, an kuomah, “Hieng ang hin ziek a nih, ‘Krista chun rinum tuor a ta, ni thum niin mithi laia inthawkin thonâwk a tih,

JOHAN 14:30

In kuomah thu hril nâwk mang ta naw ning, khawvêl lal a hung ding a ni si a, ama chun keimaah iengkhawm a nei nawh,

2 KORINTH 5:21

Amaa chun Pathien felna ei hung ni theina dingin suol hrim hrim hre lo chu Pathienin eini leiin suolah a siem a.

GALATI 3:13

Krista chu ei aia ṭawngsephur chu lo niin, Dân ṭawngsiea inthawk chun a mîn tlan suok ta a; (“Thinga khaikâng taphawt chu ṭawngsephur an nih,” ti ziek a ni si a).

1 PETER 2:21

Krista khawm khan a tuorpêk cheu leiin hieng ang hi thaw dinga ko in nih in sawnnaw; a kehnunga in zuina dingin enkhi ding a mâksan pêk cheu kha.

1 PETER 2:24

Suol tiengahai thi tain felna tienga ei hring theina dingin, ama ngeiin a taksain thinga khan ei suolhai a phur a, ama vuokna invuolhai chun sukdamin in um ta a.

1 PETER 3:18

Pathien kuoma a mi ṭhuoi theina dingin Krista chun suolhai leiin vawikhat a tuor bawk si a, mi fel chun mi fel naw aiin a tuor a, taksaa sukhlumin a um a, thlaraua ruok chun sukhringin a um tah.