DANIEL 9:24 - Pathien Lekhabu Inthieng (BSI)

²⁴ Hapta sâwm sarihai chu i mihai le khaw inthieng ta dinga bawsietnahai insûmna ding le suolnahai bânsanna ding le, khawhlona ta dinga inremna siema, kumkhuoa felna chu insuona ding le, thilhmulâwk le hrillâwkna chu khârkhumna ding le, Hmun Inthiengtak chu hriek nâlna hun dinga pêk a nih.

DANIEL 9:24 ပူးပေါင်းရင်းမြစ်များ

2 CHANCHIN SUINA 29:24

thiempuhai chun an that a, an thisen chun maichâm chunga chun suol thilinhlân chu an inhlân ta a, Israel mi po po ta dinga intlanna siempêk dingin pumrawhmang thilinhlân le suol thilinhlân chu Israel mi po po ta dinga thaw ding a nih tiin lal chun thu a lo pêk ta si a.

INPÂKNA HLABU 2:6

“Keima ngeiin ka tlâng inthieng Ziona chun, Ka lal siem chu kân ṭhungtir tah a nih” a ti a.

INPÂKNA HLABU 45:7

Felna chu i ngaina a, rîtlona chu i theida kha; Chuleiin, Pathien, i Pathien chun i ruolhai nêka nasain, Hlimna hriek a nâl ta che hi.

ISAI 42:4

Hnuoia hin rorêlna ân umtir hmakhat chun ama chu châu naw ni a, beidawng bawk naw nih; chun, thlierkârhai chun a dân thu chu nghâk zing an tih.

ISAI 51:6

Vân tienga hai khin in mit hang inlên unla, hnuoi tienga leihnuoi chu en ro: vân khi meikhu angin lân zâm hmang a ta, leihnuoi hi silfên angin la hlui a tih, a sûnga umhai chu chuong ang bawk chun la thîng an tih; ka sandamna ruok hi chu kumkhuoin um a ta, ka felna khawm hi sukboin um naw ni.

ISAI 51:8

Hângthimin silfên a fâk siet vawng angin anni chu a fâk siet vawng ding a ni si a, a ngein sahmul a fâk angin anni chu a fâk ding a ni si a; ka felna ruok chu kumkhuoin um a tih, ka sandamna chu suon po po chenin um bawk a tih.

ISAI 56:1

Lalpa chun hieng ang hin a tih, “Rorêl zâwm unla, feltakin thaw ro, ka sandamna chu a hung tlung vâng vângin, ka felna chu a hung inlang ṭêp ta si a.

ISAI 61:1

Mi rimsihai kuoma chanchin ṭha hril dingin Lalpain hriek a mi nâl leiin, Lalpa Pathien thlarau chu ka chungah a um a; ama chun, lungril nahai sukdam ding dâm, salhai kuoma suokna thu le mi intânghai kuoma intângna in hawngna ding thu hril ding dâm,

ṬAP HLA 4:22

Aw Zion naunu, i suolna hremna chu a famkim ta a nih; Sal ninaa chun hrên zing ta naw ni che a, Aw Edom naunu, i rîtlona chu hung hrem a ta; I suolnahai chu hmusuok a tih.

EZEKIEL 28:12

“Mihriem naupa, Tura lal ta dingin sûnna hla siem la, a kuoma chun, Lalpa Pathien chun hieng hin a ti a nih: Ṭha famkim, varnaa sip le mawinaa famkim i na,

EZEKIEL 4:5

An suol kum zât chu i ta ding chun i ni dingin, ni za thum le sâwmkuo ni dingin ka ruot ta si a, chuongchun, Israel sûngkaw suolna chu i phur ding a nih.

EZEKIEL 4:6

Chun, hi hi i thaw vawng pha chun, i changtieng pang delin zâl nâwk i ta; Juda sûngkaw suolna chu phur thung tâng i tih; ni sâwmli sûng, ni tin chu kum khata dingin, i ta dingin hieng ang hin ka ruot ta si a.

LEVI DÂN 25:8

“Chun, châwl kum kum sari tiem i ta, kum sari hmun sari nîng a ta, châwl kum kum sari sûng chu kum sâwmli pakuo nîng a ta.

LEVI DÂN 8:15

Mosie chun a that a; thisen chu a lâk a, intlanna siemna dingin, maichâm kihaia chun a kutpârin a vêlin a nâl a, maichâm chu ân hlân thieng a, maichâm bula chun thisen chu a bunthlâk a, a sukthieng ta a.

ZEKARIA 4:14

Chun, ama chun, “Hieng hi hrieknâl naupasal pahnihai chu an nih, leihnuoi po po Lalpa sîra ngîr hlakhai chu an nih,” a ta.

NAMBAR 14:34

Ram in va enthlâk ni zât; ni sâwmli chu, ni khat aiah kum khat pei, kum sâwmli sûng zet in bawsietna chu tuor phâng in ta, chuongchun, ka lungni nawzie hi hre tâng in tih.

MATTHAI 1:21

Naupasal nei a ta, a hmingah Isu sak i tih; ama chun a mihai an thil suksuolnaa inthawkin a sandam ding a ni si a”, a ta.

MATTHAI 11:13

Zâwlneihai po po le Dân thu chun, Johan hung um chen khan an hril lâwk hlak a nih.

MATTHAI 4:5

Chu zoa chun diebol chun khaw thienghlima chun a ṭhuoi lût a, Pathien biekin sîp zuma chun a sie a;

MARKA 1:24

ama chun, “Nazareth Isu, keini le nang ieng am ei inzâwlna a um a? Mi sukbohmang dingin i hung am a nih? Nang ka hriet che, Pathien mi inthieng i nih,” tiin a khêk suok nghâl ta a.

LUKA 1:35

Chun, vântirko chun a dawn a, a kuomah, “Thlarau Inthieng i chungah hung tlung a ta, Achunghnungtak thilthawtheina chun hliekhûng a che; chuleiin, naupang hung pieng ding khawm chu mi inthieng, Pathien Naupa tîng an tih.

LUKA 21:22

Chuong ni chu phuba lâk ni a nih, thu an ziek po po a hung tlung theina dingin.

JOHAN 1:41

Ama chun a hmasatakin ama unau Simon a hmu a, a kuomah “Messie kan hmu tah,” a ta, (chu chu Krista tina a nih.)

JOHAN 3:34

Pathien itir chun Pathien thu a hril hlak; ama chu Pathienin inkhi kherin Thlarau a pêk si nawh.

THILTHAWHAI 3:14

Mi inthieng le feltak kha in dit naw a, tuolthattu kha in kuoma pêk in ngên ta lem a.

THILTHAWHAI 3:22

Mosie ngeiin, Lalpa Pathienin kei a mi siem ang hin in unauhai lai zâwlnei pakhat siempêk a ti cheu. Ama chun, thu po po in kuoma a hril taphawt chu ngaipêk in tih.

THILTHAWHAI 4:26

Khawvêl lalhaiin an ep huoi huoi a, Hotuhai khawm an pung khâwm a, Lalpa le a Krista chunga chun,’ tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:10

Hmêlma ei ni lai hmana, a Naupa thina leia Pathien le lo inrem tah ei ni chun, inrema ei um ta hnung lem hin chu a hringna leiin sandamin um ngei ei tih.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

PHILIPPI 3:9

Hi lei hin a nih: Amaa ka um theina ding le, mâni felna (Dâna felna) ringawt nei lova, Krista ringna leia felna, (ringna leia Pathiena inthawka felna) chu nei lemin;

KOLOSSA 1:20

a kraws thisen chun inremna hung siemin, amaa chun iengkim, ama ngeia chun hnuoia thil umhai le vâna thil umhai khawm, ama le inremtir hi.

KOLOSSA 2:14

Batna lekha thupêka ziek, ei chunga um a mi kal hlaktu chu a thaibo ta si a; chu ngei chu krawsa hemdein a lâk hmang ta a.

HEBRAIHAI 10:14

Thil inhlân ṭum khat chauin sukthieng tahai chu chatuona dingin a sukfamkim ta si a.

HEBRAIHAI 2:17

Chuongchun, mihai ta dingin suol thuphachawina siempêk dingin, Pathien tieng thilhaia chun, Thiempu Laltak, mi lâinatthei le ringum tak a ni theina dingin, iengkima a unauhai anga hung um chu a ṭûl hrim a nih.

HEBRAIHAI 7:26

Chuong ang, Thiempu Laltak, mi inthieng, sawisêlbo, inthieng nawna kai lo, mi suolhai laia inthawka a tuma um, vânhai nêka chunghnung lema siem ta chu ei ta dingin a âwm hrim si a.

HEBRAIHAI 9:26

chuongchu ni naw sienla leilung insieng tira inthawk vawi tamtak a tuor ta ding a na; nisienlakhawm, tulai hun tâwpa hin inthâwina dinga inhmang fâwmin, suol sukbona dingin vawi khatah a hung inlang ta nghâl a nih.

2 PETER 1:1

Simon Peter, Isu Krista suok le tirko chun: Isu Krista kan Pathien le Sandamtu felna leia ringna hlutak kan chang ang chang vehai kuomah:

1 JOHAN 3:8

Thil suksuoltu chu Diebola suok a nih; Diebol chun a tîra inthawkin thil a suksuol si a, Pathien Naupa hung inlang san tak chu Diebol sinthawhai a sukbohmang theina dingin a nih.

THUPUONGSUO 14:6

Chun, hnuoia umhai kuoma le, hnam tinrêng dâm, chi tinrêng dâm, ṭawng tinrêng dâm kuoma tlânginsampui dinga chatuon Chanchin Ṭha nei vântirko dang vânlaizâwla vuong ka hmu a;

THUPUONGSUO 3:7

“Chun, Philadelphiaa kohran tirko kuoma chun hieng hin ziek rawh: “ ‘Mi inthieng, mi indiktak, David chabi nei, tu ikhâr lo dinga hawnga, tu ihawng lo dinga khârtu khan, hieng thu hi a hril a nih: