DANIEL 9:21 - Pathien Lekhabu Inthieng (BSI)

²¹ ṭawngṭaia ka ṭawng lai zing chun, mi pakhat Gabriel, a tîra thil hmulâwka ka hmu khan, zântienga thilinhlân hun lai hin, hrâttaka invuongtira umin a mi them a.

DANIEL 9:21 ပူးပေါင်းရင်းမြစ်များ

1 LALHAI 18:29

Chun, nisa a hung inher chun zân tieng inthâwi hun chen ding hin an hril ruol duol duol zing a, nisienlakhawm, râwl riva hrim hrim a um naw a, dawntu ding hrim hrim amanih, a lo ngaisaktu hrim hrim amani khawm an um bawk naw a.

1 LALHAI 18:36

Chun, zântienga inthâwi hun lai chun zâwlnei Elija chun a va pan hnai a, “Aw Lalpa, Abraham hai, Isaak hai, Israel hai Pathien, nang hi Israel rama Pathien i ni le, kei hi i siehlaw ka na, hieng po po hi nangma thua thaw ka ni ti vawisûn hin hre tâwl raw hai se.

INPÂKNA HLABU 103:20

A vântirkohai, a thu ngaia, a thu zâwma, hrâtnaa ropui hlakhai, Lalpa chu inpâk ro.

INPÂKNA HLABU 104:4

Thlihai chu i vântirkohai în changtir a, Meichawk dur dur hai chu i rawngbâwltuahai în changtir hlak.

INPÂKNA HLABU 141:2

Ka ṭawngṭâina hi thil riminhniktak angin i hmaah suksuokin um sienla, Ka kut phar hi zântienga inthawina angin um raw se.

FESUOKNA 29:39

Berâmte pakhat chu zîngtieng inhlân i ta, berâmte dang chu zântieng inhlân i tih.

ISAI 6:2

A kâwla chun serafîmhai an ngîr a, thla paruk an nei seng a, an thla pahni chun an hmai an inkhum a, pahni chun an kephahai an inkhum a, pahni chun an vuong a.

EZEKIEL 1:11

Chun, a chungtienga chun an thlahai an zâr a; an rêng chun, an thla pahnihai chu an zâr zawm a; pahnihai chun an taksa chu ân khum a.

EZEKIEL 1:14

Chun, thilhringhai chu kâwl inlep var inkhaw ang hin an tlân a, an kîr nâwk a.

EZEKIEL 14:14

hi mi pathumhai Noa, Daniel le Job hai meu khawm hi a sûnga chun umhai sien, an felna chun anni hringna chau chu an sanhim ding a nih, Lalpa Pathien chun a tih.

DANIEL 10:10

Chun, ngai ta, kutin a mi hung them a, chuongchun, dingṭhaṭhuonin ka bawkinvâk a.

DANIEL 10:16

Chun, ngai ta, mi pakhat, mihriem naupahai angtak el hin ka hmûrhai chu a hung them a; chun, ka bau chu ka ka a, ka hmaa ngîr kuoma chun thu ka hril ta a, “Aw ka lalpa, thilhmulâwk lei chun ka lungngainahai chu ka chungah a tla ta a, chuongchun, hrâtna hrim ka nei ta dêr nawh.

DANIEL 10:18

Chun, mihriem hmêl angtak put pakhat hin a mi hung them nâwk a; a mi sukhrât ta a.

DANIEL 8:16

Chun, mihriem râwl hi Ulai vapanghai inkâra chun ka hriet a, chu râwl chu a khêk a, “Gabriel, hi mipa hi thil hmulâwk kha inhriettir rawh,” a ta.

DANIEL 8:18

Ka kuoma thu a hril lai chun ka hmai chu hnuoi tieng innghatin inhniktakin ka in a; nisienlakhawm, a mi them a, a mîn tungtho ta a.

MATTHAI 27:46

Chun, zânbu suong pha vêl chun, Isu chu râwl inringtakin, “Eli, Eli lama sabakthani” tiin a khêk suok a. (Chu chu, “Ka Pathien, ka Pathien, iengdinga i mi mâksan?” tina a nih.)

LUKA 1:19

Vântirko chun a dawn a, a kuomah, “Gabriel, Pathien hmaa ngîr hlak ka na; a be ding che le, chuong thu ṭha chu hril ding chea hung tir ka nih.

LUKA 1:26

Chun, a thla ruknaa chun Pathienin vântirko Gabriel chu Galili rama khuo pakhat Nazareth an tia chun,

THILTHAWHAI 10:3

Chawhnung dâr thum vêlah inlârnain chiengtakin a hmu a; Pathien vântirko pakhat a kuomah a hung a, “Korneli” a hung ti a.

THILTHAWHAI 10:9

Chun, a zînga an fe laia khaw kâwl an tlung laiin, Peter chu ṭawngṭai dingin, sûnbu fâk hun laiin, in chungah a hang lawn a.

THILTHAWHAI 12:7

Chun, ngai ta, Lalpa vântirko pakhat a kâwlah a hung ngîr a, rip sûnga chun var ieng amanih a hung var a, Peter nâkah a khîk har a, “Tho vak rawh,” a ta. Chun, a kuta khaidiethai chu a tla ta a.

THILTHAWHAI 3:1

Chun, Peter le Johan chu chawhnung inher, ṭawngṭai hun lai chun, Pathien biekina lût ding chun an hang fe a.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 1:7

Chun, vântirko chungchâng thua chun hi hi a hril a nih: “Ama chun a vântirkohai chu thliah a siem hlak a, A rawngbâwltuhai chu meichawkah a siem hlak,” ti hi.

THUPUONGSUO 9:17

Chun, inlârnaa chun sakawr le an chunga chuonghai chu hieng ang hin ka hmu a nih, mei le ngên le kât ang hi âwmphaw an nei a, Sakawr luhai chu sakeibaknei lu ang hi a nih, an baua inthawk chun mei le meikhu le kâthai a suok a.