DANIEL 9:20 - Pathien Lekhabu Inthieng (BSI)

²⁰ Chun, ṭawngṭaia, ka suolna le ka mi Israelhai suolna chu thuphachawia, ka Pathien tlâng inthieng ta dinga ka Pathien Lalpa hmaa ka hninahai kân tluna, ka ṭawng lai zing chun,

DANIEL 9:20 ပူးပေါင်းရင်းမြစ်များ

EZRA 10:1

Ezra chu a ṭawngṭai a, thupha a chawi a, Pathien in tuola bawkkhupa a ṭap a ṭap sûng chun, pasal le nuhmei le naupang mipui nasatak el Israel mihai laia mi chu an hung inkhâwm ta ṭeu el a; mipuihai chu nasatakin an ṭap an ṭap el si a.

NEHEMIA 1:6

Israel mipuihai suolna, i chunga kan suolna thupha ka chawi sûng hin i na lo sit la; i mit lo meng la, i siehlaw ṭawngṭaina, i kuoma a sûn a zâna i siehlaw Israel mipuihai ka ngênpêkna hi mi lo ngaithlapêk la; kei le ka pa sûnghai chu kan lo suol ta si a.

INPÂKNA HLABU 145:18

Lalpa chun ama kotuhai po po chu a hnai hlak a, Titakzeta ama kotu po pohai chu.

INPÂKNA HLABU 32:5

Ka suolna chu i kuomah ka puong a, Ka rîtlona chu ka ip ta naw a, “Ka bawsietna chu Lalpa kuomah thupha châwi tâng ka tih,” ka ti a; Chuongchun, ka suol rîtlona chu i lo ngaidam ta kha.

THUHRILTU 7:20

Indiktakin, hnuoi chunga hin mi fel thil ṭha thaw a, thil suksuol ngailo an um nawh.

ISAI 56:7

anni ngei chu ka tlâng inthienga chun ṭhuoi ka ta, ka ṭawngṭâina inah sukhlim ka tih; pumrawhmanga an thilinhlânhai le an inthâwinahai chu ka maichâma chun lâwmin um a tih; ka in chu mi tinrêng ta dingin ṭawngṭaina in an ti ding a ni si a,” tiin.

ISAI 58:9

Chu pha chun ko i ta, chuongchun, Lalpa chun dawn a tih; hang ko i ta, chuongchun, ama chun, ‘Hitaka hin ka um,’ tîng a tih. Nangni laia inthawka rîngkawl dâm, kutchala mi khîk dâm, suoltaka ṭawnghai hi i sukbo a,

ISAI 6:5

Chu phingleh kei chun, “Hmûr tirdakum put mi ka na, hmûr tirdakum put mihai laia um ka ni leiin ka chung a va rik de! Ka bohmang a ni hi, ka mitin, Lal, sipaihai Lalpa chu a hmu ta si a,” ka ti a.

ISAI 65:24

Chun, hieng hi hung nîng a ta, annin an mi ko hma khawmin dawn ka ta; thu an la hril lai zing khawmin ka nain hrieng ka tih.

DANIEL 10:12

Chun, ama chun ka kuomah, “Daniel ṭi naw rawh, i Pathien hmaa nang le nang în sukhnuoi a, a ngaina hre dinga i lungril i siem nia inthawk khan i thuhai chu hriet a lo ni ta a, i thuhai lei chun hi ka hung a nih.

DANIEL 10:2

Chuong nihai lai chun kei Daniel hi hapta thum zet chu lungngaiin ka um a.

DANIEL 11:45

Chun, a lal chêngna puon in chu tlâng inthienga tuipui inkâra chun kei a ta; nisienlakhawm, a tâwpna tlung tho a tih, tukhawma ama chu an ṭhangpui si naw a.

DANIEL 9:16

Aw Lalpa, i felna ang peiin i lunginsenna le i ṭiumna chu i tlâng inthieng, Jerusalem i khuoa inthawk chun, ka hni che hi, herhmang ni raw se. Kan suolnahai lei le, kan thlatuhai khawhlonahai lei chun Jerusalem le i mihai chu kan vêla mi po pohai hrilinsîm kan lo ni ta hi.

ZEKARIA 8:3

Lalpa chun hieng hin a tih, “Ziona chun ka hung kîr a, Jerusalem sûnga chun chêng ka tih; chun, Jerusalem chu, ‘Thudik khawpui,’ ti nîng a ta; sipaihai Lalpa tlâng chu, ‘Tlâng inthieng,’ ti nîng a tih,” tiin.

THILTHAWHAI 4:31

Chun, an ṭawngṭai zo chun an umna in chu a hung inhnîng a, an rêngin Thlarau Inthiengin an hung sip a, huoitakin Pathien thu an hril ta a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 3:23

Mi po poin thil an suksuol vawng ta a, Pathien ropuina an chang zo ta naw a nih.

JAKOB 3:2

Thil tamtaka chun ei rêngin ei suol hlak si a. Tûkhawm thuhril kawnga a suol naw chun, ama chu puitling a nih, a taksa pum khawm vêng thei mi a nih.

THUPUONGSUO 21:10

Chun, ama chun Thlarauin tlâng lientak insângtakah a mifepui a, Jerusalem khaw inthieng chu, Pathien kuoma vâna inthawka hung ṭum a mîn entir a.

THUPUONGSUO 21:2

Chun, khaw inthieng Jerusalem thar chu, mo a pasal ela ân chei angin inzosa hieuin, Pathien kuoma vâna inthawka hung ṭum ka hmu bawk a.