DANIEL 9:11 - Pathien Lekhabu Inthieng (BSI)

¹¹ Anih, Israel mihai po po chun i râwl chu awi lo dinga inherhmangin i Dân chu an lo bawsiet ta a; chuleiin, ṭawngsie chu kan chungah, Pathien siehlaw Mosie dâna inkhâmna zieka um le chun buokin a um ta a; chuonga chun thil kan lo suksuol ta si a.

DANIEL 9:11 ပူးပေါင်းရင်းမြစ်များ

2 LALHAI 18:12

Lalpa an Pathien thu chu an pawm nuom naw a, a thuthlung chu an bawsiet lem a, Lalpain a siehlaw Mosie thu a pêkhai po pohai ngei kha an pawm nuom naw a, an thaw nuom naw leiin.

2 LALHAI 22:16

Lalpain hieng ang hin a tih, Ngai ta, hi hmuna le, a sûnga chênghai chunga hin thil ṭha nawtak ka hung intlungtir ding a nih, Juda lalin lekhabua a thu tiem ang po po kha;

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.

ISAI 43:28

Chuleiin, hmun inthienga mi lienhai chu sukthieng nâwng ka ta, chuongchun, Judahai chu ṭawngsephurah siem ka tih; Israelhai chu insêlna bûrah siem bawk ka tih.

JEREMIA 16:11

nang chun an kuomah, ‘In thlatuhai chun an mi lo nghatsan ta a, Lalpa chun a tih: Pathien danghai chu an zui a, a rawng an bâwl a, anni chu chibai an bûk a, kei chu an mi lo mâksan a, ka dân khawm an lo zâwm ta naw lei khan a nih,

JEREMIA 2:29

“Iengdingin am kei chu mi phût in ta? ka chungah in lo bawsiet vawng ta si a, Lalpa chun a tih.

JEREMIA 30:14

Nangma hmangaituhai po po che hlaka an theinghil che a; an zawng ta naw che a: mi rilo hremna le hmêlma inhliemna chun kân hliem si che a, i suolnahai an pung pei lei chun i khawhlona chu a nasa hle si a.

JEREMIA 32:23

chuongchun, an hung lût a, an nei a, nisienlakhawm, i râwl chu an awi naw a, i dân khawm chu an zâwm bawk naw a; anni chun thaw dinga thu i pêkhai a iengkhawm chu an thaw naw a; chuleiin, thil ṭha naw tinrêng chu an chunga chun în tlungtir a,

JEREMIA 40:3

chuongchun, Lalpa chun a hung intlungtir a, a hril ang ngei chun a hung thaw ta a; Lalpa chunga chun thil in suksuol ta leiin le, a râwl chu in awi naw leiin, hieng thil hi in chungah a hung tlung a ni hi.

JEREMIA 44:22

Thil tirdakum in thawhai lei le, in thilthawhai suol lei chun Lalpa chun a tuor pei ta naw a; vawisûn ni ang chen khawma a ni ang sawn, in ram chu râusan le, maktia um le, ṭawngsekawk, hluotu um lo a lo ni ta kha.

JEREMIA 44:23

Riminhnik chu in raw leiin, Lalpa chungah in lo suksuol ta leiin, Lalpa râwl chu in ngai naw a, a dân khawm in hraw naw a, a thuruothaia le, a thu inhriettirahai chun in um bawk naw a; chuleiin, vawisûn nia a um ang hin, hieng thil ṭha nawhai hi in chungah a hung tlung a ni hi,” tiin.

JEREMIA 6:19

Aw leihnuoi, lo hre ta, ngai ta, ka thuhai chu an ngai naw leiin hi hnam chunga hin thil ṭha naw, an ngaituonahai ra ngei chu kân tlungtir ding a nih; ka dân hlak chu an lo hnâwl a.

JEREMIA 9:26

Aigupta dâm, Juda dâm, Edom dâm, Ammon thlahai le, Moab thlahai, barêp hmul vawa thlalêra chênghai po po le chun, chuong hnamhai po po chu sertan lo an na, Israel sûngkuohai po po chu lungrila sertan lo an nih.

DANIEL 9:13

Mosie Dâna ziek a ni angin hieng thil ṭha naw po po hi kan chungah a hung tlung a nih; chuong khawm chun, i thudik chu chîktaka ngaituona nei ding le kan rîtlonahaia inthawka inher hmang dingin Lalpa kan Pathien ditsakna chu kan hni chuong naw a.

DANIEL 9:5

kan lo suol ta a, indiklotakin kan lo thaw ta a; khawhlotakin kan lo thaw ta a, kan lo hel ta a; i rorêlnahai le thupêkhaia inthawka lo inher hmangin;

ZEKARIA 1:6

Amiruokchu, ka thuhai le ka thuruothai, ka siehlaw zâwlneihai thu ka ipêkhai chu, chuonghai chun in thlatuhai chu an hnawtphâk tah ni lo am a nih? Anni chu an ngha kîr a, ‘ei thilthawhai ang pei le, ei um dân ang peia sipaihai Lalpain ei chunga thaw dinga a ngaituo angtakin, chuong angtak chun ei chungah a thaw a ni hi,’ an ti a,” tiin.

ZEKARIA 7:12

Anih, an lungrilhai chu lungthîr angin an siem a, chuong ni naw sien chu dân le inhmaa zâwlneihai hmanga a thlaraua sipaihai Lalpain a pêk thuhai chu an hriet ta ding bah; chuleiin, sipaihai Lalpaa inthawka lunginsenna nasatak chu a hung tlung ta a.

ZEKARIA 8:13

Chun, hnam tinhai laia ṭawngsephur in ni ang khan, aw Juda sûngkuo le Israel sûngkuo, hung sanhim ka ti cheu a, malsâwmna hung ni tâng in tih: ṭi naw unla, in kuthai chu sukhrât phawt phawt el ro,” tiin.

DÂN PAHNINA 8:20

In hmaa hnam danghai a sukbohmang angin nangni khawm bohmang in tih, Lalpa in Pathien râwl chu ngai nuom lo in ni ding a ni leiin.