DANIEL 7:15 - Pathien Lekhabu Inthieng (BSI)

¹⁵ “Kei Daniel ruok chu, ka taksa sûnga chun ka lungril chu suknatin a um a, ka lua thil hmulâwkhai chun an mi suklungzîng hle a.

DANIEL 7:15 ပူးပေါင်းရင်းမြစ်များ

INṬANNA 41:8

Chun, zîngtieng chun a lunginzîng ta hle el a; chuongchun, mi a tir a, Aigupta rama mitvaidawithiem po po le mivar po po chu a ko a; Pharao chun a mang chu a lo hril tâwl a: nisienlakhawm, Pharao hrilfie thei tukhawm an um naw a.

JEREMIA 17:16

Keia chungthua chun, nanga hnunga berâmpu ni chu ka tum ṭâl naw a, ni chungpikum khawm chu ka châk bawk naw a, i hriet a, ka hmûra inthawka suokhai chu i hmaihmaa chun a um si a.

DANIEL 10:16

Chun, ngai ta, mi pakhat, mihriem naupahai angtak el hin ka hmûrhai chu a hung them a; chun, ka bau chu ka ka a, ka hmaa ngîr kuoma chun thu ka hril ta a, “Aw ka lalpa, thilhmulâwk lei chun ka lungngainahai chu ka chungah a tla ta a, chuongchun, hrâtna hrim ka nei ta dêr nawh.

DANIEL 2:1

Chun, Nebukadnezzarin ro a rêl a, a kum hninaa chun Nebukadnezzar chun manghai a mang ta a, a lungril chu a hung buoi ta a, in khawm a in ṭha thei ta naw a.

DANIEL 2:3

Lal chun an kuomah, “Mang ka nei a, chu mang chu hre suok nâwk dingin ka lungril a buoi ngawt el a nih,” a ta.

DANIEL 4:19

Chun, Daniel a hming dang Beltesazzar chu chawmkhat tak chu mak ti takin a um a, a ngaituonahai chun ama a sukbuoi vieu a. Lal chun a dawn a; “Beltesazzar, mang chun amanih, a umzie chun amanih sukbuoi naw raw se che.” a ta. Beltesazzar chun a dawn a. “Ka lalpa, mang chu nangma theidatuhai che ta ding a na, a umzie chu i hmêlmahai ta ding a nih.

DANIEL 4:5

Mang mi sukṭi êm êm el chu ka hmu a, ka khum chunga ka ngaituonahai le, ka lua ka thil hmulâwknahai chun a mi suklungzîng êm êm a.

DANIEL 7:1

Babulon lal Belsazzar inlal kum khatnaa chun Daniel chun mang neiin a khum chunga chun a lua thil hmulâwkhai chu a hmu tah a; chun, mang chu a ziek a, chuong thilhai umzie chu a hril bawk a.

DANIEL 7:28

“Hi hi thu tâwpna chu a ni a; kei Daniel ta ding chun ka ngaituonahai chun a mi sukbuoi hle a, ka hmêlputziehai chu a hung danglam a; nisienlakhawm, chu thil chu ka lungrilah ka vawng zing a,”tiin.

DANIEL 8:2

Chun, thil hmulâwka chun ka hmu a; Hieng ang hi a lo ni a, thilhmulâwk ka hmu lai chun, Elam rama lal in, Susaa chun ka lo um a; thil hmulâwka chun ka hmu a; Ulai vadung kâwlah ka lo um a.

DANIEL 8:27

Chun, kei Daniel chu ka châu a, ni iengzât amani chu ka damnaw a; chun, ka tho a, lal sin chu ka thaw ta a: nisienlakhawm, thilhmulâwka chun mak ka ti êm êm a, tukhawma an hriet thiem si naw a.

HABAKKUK 3:16

Ka hriet a, ka phîngsûng chu ân thin a, Ka hmûrhai chu râwlria chun ân thin hlawp hlawp a; Ka ruhaia chun hmawnna a hung lût a, chuongchun, ka hmuna chun kân thin a nih; Buoina nia chun châwl kata, Mipui, sipai pâwl anga mi rûntu chunga an hung tlung pha chun.

2 PETER 1:14

ei Lalpa Isu Kristain a min hriettir ang khan ka bâwktê sie hmang hun chu tlung vak a tih ti ka hriet a.