DANIEL 7:13 - Pathien Lekhabu Inthieng (BSI)

¹³ Zâna thil hmulâwkhai ka hmu a, chun, ngai ta, Mi pakhat mihriem naupa ni âwm tak vân sûmhai le um a hung a, Tienlai mi kuoma ngei chun a hung a, Ama hmaa chun an hung ṭhuoi a.

DANIEL 7:13 ပူးပေါင်းရင်းမြစ်များ

INPÂKNA HLABU 110:2

Lalpa chun i hrâtna hmawl chu Zion tlânga inthawkin tir suok a tih; Nangin nangma dotuhai laia chun rorêl rawh.

INPÂKNA HLABU 2:8

Mi hni rawh, chuongchun, i rohluo dingin hnam tin pêng ka ti che a: Kâwlkil tâwp chenin i ro dingin pe bawk ka ti che.

INPÂKNA HLABU 47:5

Pathien chu khêkri leh a hang fe a, Lalpa chu tawtawrâwt ri leh a hang fe tah.

JEREMIA 49:19

Ngai ta u, ama chu tlatna hmun pângngaia chun Jordan vadung fâwna inthawk chun sakeibaknei ang elin hung a ta; amiruokchu, ama kuoma inthawk chun intlânsiettir vak ka tih; chun, mi tukhawm thlanga um chu, ama chunga chun ruot ka ta, tu am keia ang an um a? Tuin am hun mi ruotpêk a ta? Berâmpu ka hmaa ngîr ding chu tu am a na?

EZEKIEL 1:26

An luhai chunga, vân chunga chun, lalṭhungpha ang, sapphir lung anga inlang a um a; lalṭhungpha angtak chunga chun mihriem anga inlang a um a.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 7:12

Chun, sahrâng danghai ruok kha chu, an ram chu lâkpêk an ni tah a; nisienlakhawm, an hringnahai ruok chu hunbi khat le hun khat chenin suksei a nih.

DANIEL 7:2

Daniel chun a hril a, “Zâna hin ka thil hmulâwkna chun, ngai ta, vân thli hai pali chu tuipui lien chunga an hrâng hi ka hmu a.

DANIEL 7:22

Tienlai mi chu a hung a, Achunghnungtak mi inthienghai chu rorêlna chu a pêk a, mi inthienghaiin ram chu an chang hun a tlung hmakhat chun.

DANIEL 7:9

Ka en zing a. Lalṭhungphahai dâwin a um a, Tienlai mi pakhat hi a hung ṭhung tah a, A silfên chu vûr angin a vâr a, A lua sam chu sahmul inthiengtak ang a nih. A lalṭhungpha chu meichawk ṭiumtak a na, A kekuolhai chu meichawklai a nih.

DANIEL 8:15

Chun, kei Daniel ngei hin, hre dinga ka izawng thilhmulâwk chu ka hmu ta a; chun, ngai ta, ka hmaa chun mihriem hmêlput hi a hung ngîr a.

MATTHAI 13:41

Mihriem Naupa hin a vântirkohai chu tir dawk a ta, a rama inthawka insuksuoltirtuhai le thil suksuoltuhai po po chu thlang dawk an ta,

MATTHAI 24:30

Chu phâ chun Mihriem Naupa inchikna chu vânah inlang a ta, chun, hnuoia um chi tinin an âwmhai chum an ta, Mihriem Naupa hi thilthawtheina le ropuina nasatak leh vân sûm chunga hung hmûng an tih.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MATTHAI 26:64

Isûn a kuomah, “I hril ang chun ka nih; chu nawa khawm, ka hril cheu hi, hi hnung leh Mihriem Naupa hi thilthawtheina changtienga ṭhunga, vân sûm chunga hung in la hmu ding a nih,” a ta.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

MATTHAI 8:20

Isûn a kuomah, “Sihalhaiin kuo an nei a, chunglêng vatehai khawmin bu an nei a, Mihriem Naupa ruok hin chu a lu innghatna a nei nawh,” a ta.

MARKA 13:26

Chu phâ le chun Mihriem Naupa hi thilthawtheina nasatak leh sûm laia hung hmûng an tih.

LUKA 21:27

Chu pha chun Mihriem Naupa hi thilthawtheina leh, ropuina nasatak leh sûm laia hung hmûng an tih.

LUKA 21:36

Chuongchun, chuong thil hung tlung dinghai po po chu pumpel tlâk le Mihriem Naupa hmaa ngîr tlâka ruot in ni theina dingin, ieng lai khawmin ṭawngṭai pumin ngaiven ro,” a ta.

LUKA 24:27

Chun, Mosie le zâwlneihai po po lekhaah a phut a, Pathien Lekha po poa ama chanchin ziek taphawt chu anni a hrilfie pei a.

JOHAN 12:34

Chun, mipui chun a kuomah, “Krista chu chatuonin a um zing ding a nih ti Dân Lekhabuah kan hriet ie, nangin, ‘Mihriem Naupa khaikângin a um ding a nih,’ ieng ti tia ti am i na? Chu Mihriem Naupa chu tu am a na?” an ta, an dawn a.

JOHAN 3:13

Vânah tukhawm an lâwn ngai nawh, vâna inthawka hung ṭum Mihriem Naupa chau naw hi chu.

JOHAN 5:27

chun, Mihriem Naupa a ni leiin a kuomah rorêl ding thu a pêk.

THILTHAWHAI 7:56

“Ngai ta u, vân inhawnghai ka hmu a, Pathien changtienga Mihriem Naupa ngîr khawm ka hmu,” a ta.

1 THESSALONIKA 4:17

Chu hnunga chun eini dama lo la um zinghai hi boruokah Lalpa tuok dingin annihai ruolin sûm laiahai khin zuk lâkin um ei tih; chuongchun, Lalpa kuomah kumkhuoin um tâng ei tih.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

HEBRAIHAI 2:14

Chuongchun, naupanghai hi tisa le thisen changtuhai an ni ni tâwl leiin, ama khawmin chuong ang bawk chun chuong thilhai chu a chang ve ta a; thînain thîna thuneitu (chu chu Diebol a nih), a sukbohmang theina ding le,

HEBRAIHAI 9:24

Krista chu kuta bâwl hmun inthieng a tak angpuia chun a lût si naw a; tuhin Pathien hmaa ei aia ngîr dingin vâna ngei a lût ta lem a;

THUPUONGSUO 1:13

khâwnvar siena lai chun, mi tu amanih mihriem naupa ang, ke lêr chena puon sil, a âwma rângkachak kâwngkhia inkhit ka hmu bawk a.

THUPUONGSUO 1:18

Mi Hring chu ka nih, ka lo thi a, nisienlakhawm, ngai ta, kumkhuoa dingin ka hring nâwk ta a nih. Thina le Mithi Khaw chabihai chu ka nei bawk a.

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.

THUPUONGSUO 14:14

Chun, ka hang en a, sûm vâr tak ka hmu a. Sûm chunga chun mihriem naupa ang tak hi, rângkachak lallukhum khuma, kâwite ngeitak chawia ṭhung ka hmu bawk a.