DANIEL 6:27 - Pathien Lekhabu Inthieng (BSI)

²⁷ Ama chun a sansuokin a sanhim a, Hnuoi le vâna khawm thilmakhai le inchiknahai a thaw a, Ama chu sakeibakneihai thilthawtheinaa inthawka Daniel sanhimtu chu a nih,” tiin.

DANIEL 6:27 ပူးပေါင်းရင်းမြစ်များ

JOB LEKHABU (THE BOOK OF JOB) 36:15

Sukrimsia umhai chu a sukrimsiknain a sanhim a, Nêksâwrnain an nahai chu a sukvar ta a.

INPÂKNA HLABU 145:13

I ram chu chatuon ram ding a na, I thuneina chu suon um sûng po poin um zing a tih.

INPÂKNA HLABU 18:48

Ama chun a mi dotuhaia inthawk chun a mi sansuok a, Anih, nangin a mi thawtuhai chungtieng chun i mi dawm kâng a, Mi nunrâwnga inthawk chun i mi sanhim hlak.

INPÂKNA HLABU 18:50

Ama chun hnena ropuitak a lal siem kuoma chun a pêk hlak a, A hrieknâl chungah, David le a thlahai chung ngeia chun, Kumkhawtluongin a ngilneizie inlangtir a tih.

INPÂKNA HLABU 32:7

Nang chu kân bîkhmangna hmun i na, nang chun lunginzîngnaa inthawk mi humhim i ta, Sanhimna hlahaiin mîn huolvêltir i tih.

INPÂKNA HLABU 35:17

Lalpa, nangin ieng chen am i en ding a na? Ka hringna hi suksiet an tumnaa inthawk chun sansuok la; Ka nei suntak hi sakeibakneia inthawk chun sansuok rawh.

INPÂKNA HLABU 97:10

Aw Lalpa hmangaituhai, suol chu theida ro, Ama chun a mi inthienghai hringna chu a vawng ṭha hlak a; Anni chu mi rilohai kuta inthawkin a sanhim hlak.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 4:31

Lalin chuonga thu a hril lai zing chun, vâna inthawkin râwl a hung thla a, “Aw lal Nebukadnezzar, nangma kuoma inthawkin ram chu ṭhe hmang a ni tah ti hi i kuomah hril a nih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

DANIEL 6:20

Daniel kuomah, sakeibakneihai pûk kâwl chu a hung tlung hnai chun, ṭap râwlin a khêk a; lal chun Daniel kuoma chun, “Aw Daniel, Pathien hring siehlawpa, i Pathien a rawng i bâwl zing zing hlak chun sakeibakneihaia inthawkin a sansuok thei che am a nih?” a ta.

JOHAN 4:48

Isûn a kuomah, “Inchiknahai le thilmakhai in hmu naw chun ring tawp naw ti niu,” a ta.

THILTHAWHAI 4:30

mihai sukdam dingin i kut phar bawk rawh; i siehlaw inthieng Isu hmingin inchikna le thilmakhai inthawtir bawk rawh,” an ta.

HEBRAIHAI 2:4

Pathien khawmin inchiknahai le thilmakhai le, thilthawtheina tinrênghai le, ama dit zâwng ang peia Thlarau Inthieng thil semhai le chun, anni chu a hrietpui a.

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.