DANIEL 6:22 - Pathien Lekhabu Inthieng (BSI)

²² Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm iengkhawm ka sukpawi nawh,” a ta.

DANIEL 6:22 ပူးပေါင်းရင်းမြစ်များ

INṬANNA 40:15

Hebrai mihai rama inthawka miin ân rûka an mîn rûk hmang ka ni a, hi rama khawm hin rip sûnga an mi khumna khawp iengkhawm ka suksuol nawh,” a ti a.

2 SAMUEL 22:7

Ka lunginzîngin Lalpa chu ka ko a, Anih, ka Pathien chu ka ko hlak. Chun, ama chun a biekina inthawk chun ka râwl chu a hriet a, Chun, ka khêkri chu a naa chun a lût ta a.

1 LALHAI 13:28

Chun, a fe ta a, a ruong lampuia inthal dêra lo um le, sabengtung le sakeibaknei ruong bula lo ngîr zing chu a va hmu a; sakeibaknei chun ruong chu a lo la fâk naw a, sabengtung khawm chu a lo la sukpawp naw bawk a.

2 CHANCHIN SUINA 32:21

Chun, Lalpa chun vântirko a hung tir a, ama chun Assuria lal riebûka mi hrât khawkhênghai po po le ṭhuoituhai le hotuhai po po chu a sukhlum a. Chuongchun, hmai thûmtakin a ramah a kîr nâwk ta a. Chun, ama chu a pathien ina a hung lût laiin ama rîla rasuokhai ngei chun chutaka chun kâwlhnâmin an that ta a.

INPÂKNA HLABU 118:28

Nang chu ka Pathien i na, lâwmthu hril ka ti che a, Ka Pathien i na, chawimawi ka ti che.

INPÂKNA HLABU 26:6

Ka kuthai hi demkailonain sâwp ka ta, Chuong ang chun, aw Lalpa, i maichâm chu fe huol ka tih.

INPÂKNA HLABU 31:14

Nisienlakhawm, aw Lalpa, ka ring che a, “Ka Pathien i nih,” ka ti a.

INPÂKNA HLABU 34:7

Ama ṭîtuhai chu an vêla chun Lalpa vântirko chun a um ngha a. A sanhim hlak.

INPÂKNA HLABU 38:21

Aw Lalpa, mi fesan lul naw la, Aw ka Pathien, mîn hlat lul naw rawh.

INPÂKNA HLABU 84:11

Lalpa Pathien chu nisa le phaw a ni si a, Lalpa chun lunginsietna le ropuina pêng a ta, Indiktaka umhai kuoma chun thil ṭha hrim hrim inro naw ni.

ISAI 3:10

Mi fel thua chun, “An la ṭha ding a nih,” ti ro; an thilthaw rahai chu an fâk ding a ni si a.

ISAI 63:9

An lunginzîngna po poa chun ama chu a lunginzîng ve hlak a, vântirko, a hmaa um mi chun, anni chu a sanhim bawk hlak a; a hmangaina le a lunginsietnain ân tlan tâwl ta a; tienlai ni po poa chun anni chu a puokin anni chu a pawm hlak a.

JEREMIA 37:18

Chu nawa khawm lal Zedekia kuomah Jeremia chun, “Nanga chunga amanih, i siehlawhai chunga amanih, hi hnam chunga hin amanih khaw lai am ka suksuola lung ina i mi khum a na?

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

DANIEL 6:20

Daniel kuomah, sakeibakneihai pûk kâwl chu a hung tlung hnai chun, ṭap râwlin a khêk a; lal chun Daniel kuoma chun, “Aw Daniel, Pathien hring siehlawpa, i Pathien a rawng i bâwl zing zing hlak chun sakeibakneihaia inthawkin a sansuok thei che am a nih?” a ta.

DANIEL 6:23

Chun, lal chu nasatakin a lâwm tah a, Daniel chu pûka inthawka la suok ding chun anni chu thu a pêk tah a, chuongchun, Daniel chu pûka inthawk chu lâk suokin a um a, ama chun Pathien chu a ring tlat leiin amaa chun suknatna iengkhawm hmuin a um naw a.

DANIEL 6:4

Chun, hotuhai le biel awptuhai chun ram chungthuah Daniel chunga chun remchâng an zawng ta a; nisienlakhawm, ama chu ring a um a, amaa chun indiknawna le suksuolna hrim hmu a ni naw leiin a suksuolna le hêkna remchâng chu an hmu thei dêr naw a.

DANIEL 6:7

Hi rama hotuhai, ram awptuhai, biel awptuhai, sipai hotuhai le rorêltuhai po po kan inkhâwm a, aw lalpa, ni sâwmthum sûng chu nangma kuoma chau naw chu tukhawmin mi dang amanih, pathien amani kuoma hnina a siem hrim hrim chu, ama chu sakeibakneihai pûka pei lût ni raw se tia dân dettak siem dingin kan inbiekthlûk tah a nih.

MIKA 7:7

Kei ruok chun chu Lalpa en ka ta; ka sandamna Pathien chu nghâk ka tih; ka Pathien chun a mi ngai ding a nih.

NAMBAR 20:16

Chuongchun, Lalpa kan ko a, kan râwl chu a lo hriet a, vântirko a hung tir a, Aigupta rama inthawkin a mi ṭhuoi suok a; chun, ngai ta, i ram dep tak Kadesa hin kan um a.

MATTHAI 27:46

Chun, zânbu suong pha vêl chun, Isu chu râwl inringtakin, “Eli, Eli lama sabakthani” tiin a khêk suok a. (Chu chu, “Ka Pathien, ka Pathien, iengdinga i mi mâksan?” tina a nih.)

THILTHAWHAI 12:11

Chun, Peter chu a har phingleh, “Lalpain a vântirko a tir suok a, Herod kut le Juda mihai beiseina po poa inthawkin a mi sandam ti tuhin indiktakin ka hriet tah,” a ta.

THILTHAWHAI 24:16

Chuleichun, Pathien kuom tienga le mihriem tienga khawm lungril suol naw mawl hi vawn tlat ka tum hlak.

THILTHAWHAI 27:23

A ta ka na, a rawng ka bâwl hlak Pathien kha, ama vântirko pakhat vawizân hin ka kâwlah a hung ngîr a, ka kuomah,

2 KORINTH 1:12

Kan isuong chu hi hi a nih: kan sie le ṭha hrietna thu inhriettir chu, inthiengna le Pathien indikna neiin, tisa varnaah ni lovin, Pathien lunginsietna lemin, khawvêla hin kan châng kha, nangni tiengah kan châng ṭha nâwk zuol a.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 11:33

Chuonghai chun ringnain ramhai an lâk a, thil fel an thaw a, thutiemhai an chang a, sakeibaknei khâkhai an sukchîp a, mei thilthawtheina an sukmit a, kâwlhnâm ngei chenin an pumpel a.

1 SAMUEL 17:37

Chun, David chun, “Sakeibaknei kutbâwra inthawk le, savawm kutbâwra inthawka mi sansuoktu Lalpa chun chu Philistin mi kuta inthawk chun mi sansuok a tih,” a ta. Chun, Saula chun David kuoma chun, “Fe raw le, i kuomah Lalpa um a tih” a ta.

1 SAMUEL 26:18

Chun, “Ieng leiin am ka lalpa hin a siehlaw hi a hnawt a na? Ieng thil am ka thaw a? Ka kuta hin thil suol ieng am a um a?