DANIEL 5:28 - Pathien Lekhabu Inthieng (BSI)

²⁸ PERES chu ‘I ram chu ṭhe a ni ta a, Media le Persia mihai kuoma chun pêk a ni tah,’ tina a nih,” tiin.

DANIEL 5:28 ပူးပေါင်းရင်းမြစ်များ

2 CHANCHIN SUINA 36:23

“Persia lal Kura chun hieng ang hin a tih, Vâna Pathien Lalpa chun hnuoi chunga ram po po chu a mi pêk a; Juda rama Jerusalema chun in bâwlpêk dingin a mi ruot ta a. Nangni laia ama mihai taphawt kuoma chun Lalpa a Pathien chu um sienla, hang fe raw se,” tiin.

ISAI 13:17

Ngai ta, Media mihai anni thaw dingin chawktho ka ta, chuonghai chun tangka ngaisak naw ni hai a, rângkachak khawm lâwm naw ni hai.

ISAI 21:2

Inlârna khirkhântak el ka kuomah inhriettir a ni tah; vervêktaka thawtu chun vervêktakin a thaw a, rawktu chun a rawk a. Aw Elam mihai, hang fe ro; aw Media mihai, inhuol ro; an inrûmna po po chu ka sukbo vawng tah.

ISAI 47:11

Chuleiin, thil ṭha naw i chungah hung tlung a ta; invêng dân khawm thiem naw ti ni; vângduoina khawmin hung vur a ti che a, chu chu sukbo thei naw ti nih: rausanna khawm kârlovin i chungah hung tlung thut a ta, chu chu hre lâwk naw ti nih.

JEREMIA 25:13

Chu ram chunga ka thuhai tlung dinga ka hril tah, hi lekhabua ziek ta ngeihai, Jeremia chun hnamhai chu dodala a lo hril tahai ngei chu hung intlungtir ka ta.

JEREMIA 51:28

Ama chunga chun, hnamhai, Media lalhai, an ram awptuhai, an lal aiawtuhai po po, a huop sûng ram po pohai chu buotsai ro.

DANIEL 2:32

Hi milim chung thu chu, a lu chu rângkachak inthieng a na, a âwm le a bânhai chu tangkaruo a nih; a phîng le, a êlpuihai chu dârsen a na,

DANIEL 2:39

Chun, nanga hnunga hin ram dang nanga nêka chîn lem la hung suok a ta; chun, ram pathumna dârsen chun khawvêl chung po poa rorêlna chu nei a tih.

DANIEL 5:31

Chun, Media mi Daria chun ram chu a nei ta a, ama chu kum sâwmruk pahnia upa a nih.

DANIEL 6:28

Chuongchun, Daniel chu Daria rorêl sûng le Persia mi Kura rorêl sûng po chu a hung hlawtling ta hle a.

DANIEL 6:8

Tuhin, aw lalpa, chu dân chu sukdet la, Media le Persia mihai dâna sukdanglam a ni nâwk nawna dingin i hming ziek rawh,” an ta.

DANIEL 8:20

Berâmchal ki pahni nei i hmu kha Media le Persia lalhai an na.

DANIEL 9:1

Kaldai mihai rama lala siema um, Media chi Ahasuera naupa Daria kum khat kum;

THILTHAWHAI 2:9

Ṭhenkhat Parthai hnam dâm, Medai hnam dâm, Elamatai hnam dâm, ei ni si a; Mesopotamia rama um dâm, Judai rama um dâm, Kappadoki rama um dâm, Ponto rama um dâm, Asia rama um dâm,