DANIEL 5:23 - Pathien Lekhabu Inthieng (BSI)

²³ Vâna Lalpa chu kalin nang le nang în chawisâng ta lem a; a ina bûrlebêlhai chu i hmaa chun an hung lâk a, nang le i lalhai le i nuhmeihai le i thaikêmhai chun chuonga chun uoin in dâwn ta a; chun, tangka le rângkachak dâm, dârsen le thîr dâm, thing le lung dâma a siem pathienhai, hmu thei lo le, hre thei lo le, hrietna neilohai chu in inpâk a; Pathien a kuta i hringna umna le ama i lampui po po neitu chu i chawimawi naw a,

DANIEL 5:23 ပူးပေါင်းရင်းမြစ်များ

INṬANNA 14:19

Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak malsâwmin um sien;

INṬANNA 2:7

Chun, Lalpa Pathienin hnuoia pilvutin mihriem a siem a, a hnâra chun hringna thuok chu ân thuok lût a; chuongchun, mihriem chu mi hring a hung ni ta a.

2 LALHAI 14:10

Nang hin Edom mihai chu i hne ngei luo a, i lungril a hung chapo tah a ni hi, i chapona kha intawmpui ṭawk ṭawk el rawh, nang le Juda ram puma sietna, i ta dinga thil ṭha naw ding iengdingin am i cho suok ding an leh,” tiin mi a tir ve a.

JOB LEKHABU (THE BOOK OF JOB) 12:10

Ama kuta chun thilhring po po hringna chu a um a, Mi chi tinrênghai thlarau leh.

JOB LEKHABU (THE BOOK OF JOB) 31:4

Ka lampuihai chu a hmuin, Ka kalchawihai chu a tiem vawng a ni naw am a nih?

INPÂKNA HLABU 104:29

I hmai i thup a, an lunginzîng hlak a, An thuok chu i lâkpêk a, an thi a, An pilvuta chun an kîr nâwk hlak.

INPÂKNA HLABU 115:16

Vânhai khi Lalpa vânhai a na, Leihnuoi ruok hi chu mihriem nauhai kuomah a pêk a nih.

INPÂKNA HLABU 139:3

Ka fe le ka zâl hi i mi en ngun hlak a, Ka um dân po po hi i hriet vawng a.

INPÂKNA HLABU 146:4

A thuokin a suok san a, ama chu leihnuoiah a kîr nâwk a, Chu ni ngei chun a ngaituonahai chu a bo nghâl a nih.

THUVARHAI 20:24

Mihriem fenahai chu Lalpa ta a na, Chuong a ni chun, miin iengtin am mâni lampui chu hre thei a ta?

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 14:13

I lungrila chun, ‘Vânah hang fêng ka ta, Pathien arasihai chung tienga khin ka lalṭhungpha dawm sâng ka tih; chun, inkhâwmna tlâng, hmâr tâwp rêta uma chun ṭhung ka ta;

ISAI 2:12

Sipaihai Lalpa ni chu inngaisâng le, chapo po po chunga le chawisânga um po pohai chunga chun a la um ding a ni si a; chuongchun, suktlâwmin um a tih;

ISAI 33:10

Lalpa chun, “Tuhin chu tho ka ta, tuhin chu inthawk ka ta, tuhin chu chawisângin um tâng ka tih.

ISAI 37:19

an pathienhai chu meiah an pei bawk a; chuonghai chu Pathien an ni naw hrim a nih; mihriem kuta siem, thing le lung an ni lem; chuleichun, an sukbohmang a nih.

ISAI 37:23

Tu am i sukhmingsietin, i hrilsiet a? Tu chung âm i râwl i sukpuom a, i mit i suksâng? Israel Mi Inthieng chung ngeiah.

ISAI 42:5

Pathien, Lalpa, vân siemtu, keiphartu, hnuoi le a sûnga inthawka suok po po suklientu, a chunga mihai kuoma inthuokna petu chun hieng ang hin a tih:

JEREMIA 10:23

Aw Lalpa, mihriem lampui chu amaa chun a um nawh ti ka hriet a; a kepênhai sukdik dingin mihriema chun infetirtu chu a um nawh.

JEREMIA 48:26

“Ama chu vairui ta u, Lalpa chu dodâlin ama le ama ân chawimawi si a; Moab chu ama luoka ngei chun inbuol a ta, ama chu mi hrilsîm hung ni bawk a tih.

JEREMIA 50:28

“Lalpa ei Pathien phubalâkna a biekin phubalâkna ngei chu Ziona hril ding a nih.

JEREMIA 50:29

“Thalkâptuhai, thalngul kuoi- hai po po chu Babulon chunga chun ko khâwm ro; a vêl el chun riekngha unla, chutaka inthawk chun tukhawm insuokthlengtir naw ro; a sinthaw ang pei chun ama chu thung unla, a lo thaw ta ang tak khan ama chungah thaw ve ro; Lalpa chungah, Israel Mi Inthieng chunga chun a lo chapo ta si a.

EZEKIEL 28:17

I mâwina leiin i lungril a lo insâng ta a, I tlêtna lei chun i varna chu i lo suksiet ta a, Hnuoiah ka pei thlawr che a, An hmu theina ding chein lalhai hmaa chun kân zâltir che a nih.

EZEKIEL 28:2

“Mihriem naupa, Tura lal kuoma chun hril la, Lalpa Pathien chun hieng hin a ti a nih; i lungril chu chawisângin a um a, Pathien ka na, Pathien ṭhungphaa chun ka ṭhung a, tuipuihai lairila chun i ti leiin i lungril chu Pathien lungrilah ngai la khawm, mihriem i ni si a, Pathien ni lovin;

EZEKIEL 28:5

I varna nasatak le i sumdâwngnaa chun i hausaknahai chu i sukpung a, i hausakna lei chun i lungril chu a lo insâng ta a,

EZEKIEL 31:10

“Chuleichun, Lalpa Pathien chun hieng hin a tih; Insâng tienga chun chawisângin i um a; a lêrzîk chu kâubuk sataka chun ân umtir a, ân sâng lei chun a lungril chu suksângin a um a;

DANIEL 11:12

Chun, mipui chu ṭhuoi hmang hung nîng an ta, ama chu a lungril chu hung inchawisâng a ta, sâng sâwm tamtak chu hung pei thlûng a ta, nisienlakhawm, hrât pha ngai naw ni.

DANIEL 4:37

Tuhin, kei Nebukadnezzar hin vâna Pathien chu ka chawimawiin, ka chawisângin kân pâk a; a sinthawhai po po chu indikna a na, a lampuihai chu felna a nih; chun, chapoa fehai chu a sukhnuoi thei a nih.

DANIEL 8:11

Anih, mipuihai lal kuoma ngei khawm chun ama le ama chu ân chawimawi a; pumrawhmanga inthawina zing zinghai chu amaa inthawkin a lâk hmang a; a Hmun Inthiengtak chu a pei thlâkpêk a.

HABAKKUK 2:4

En ta u, a lungril chu a chapo a, amaa chun ân dik naw a nih, Mi fel ruok chu a ringna lei chun hring a tih.

THILTHAWHAI 17:25

Thil tlasam angin mihriem kuta rawngbâwlpêkin a um bawk nawh. Ama ngei chu iengkim kuoma hringnahai, inthuoknahai, le thil po po petu chu a ni lem.

1 KORINTH 8:4

Chuongchun, milimhai kuoma inthawina thil fâk kawnga chu, khawvêla hin milim hrim hrim chu iengkhawm an ni nawzie le, pakhat chau naw chu Pathien dang hrim an um naw chu ei hriet a.

1 TIMOTHE 3:6

Ringthar a ni ding a ni naw a, chuong naw chun, chapoin um a ta, Diebol thiemnaw changna chu chang ve rawi a tih.

HEBRAIHAI 4:13

Thil siem ama mithmua inlang naw hrim hrim a um nawh. Ei chanchin ei intlunna ding mithmua chun iengkim saruok le inhawng sain a um lem a nih.

THUPUONGSUO 9:20

Mihriem, chuong hremnaa sukhlum mahlahai chu, an kut thilthawhaia inthawk chun an sim chuong naw a. Khawhrihai le rângkachak milim dâm, tangka milim dâm, dâr milim dâm, lung milim dâm, thing milim dâm, iengkhawm hmu theilo, hre theilo le lâwn theilo dâm biek chu an ma chuong nawh.

RORELTUHAI 16:23

Chun, Philistin mihai mi lienhai chu an pathien Dagon kuoma inthâwina ropuitak inhlân ding le insukhlim dingin an pung khâwm tâwl a, “Ei pathienin ei hmêlmapa Samson a mi pêk tah annâwm,” an ti a.

1 SAMUEL 17:26

Chun, David chun a kâwla ngîrhai kuoma chun, “Hi Philistin mi hi sukhlum a, Israelhai hmingsietna sukbotu chu iengti anga thaw ding am nîng a ta? Hi sertan lo Philistin mi hi tu am a na Pathien hring sipaihai a hei cho vei chu?” a ta.

1 SAMUEL 17:36

I siehlaw hin sakeibaknei le savawm khawm ka sukhlum ve ve ta hlak a; chu sertan lo Philistin mi chu anni ang bawk chun um ve el a ti maw le, Pathien hring sipaihai a cho vei a,” a ta.