DANIEL 5:17 - Pathien Lekhabu Inthieng (BSI)

¹⁷ Daniel chun a dawn a, lal hmaa chun, “I thilpêkhai chu nangma ta ni lem sienla, i lâwmmanhai chu mi dang kuomah pe lem rawh, amiruokchu, lekhaziek chu lal kuoma chun tiem ka ta, a umzie chu inhriettir ka tih.

DANIEL 5:17 ပူးပေါင်းရင်းမြစ်များ

INṬANNA 14:23

pat zai khat khawm, kekawkhrui hlek khawm, i nei hrim hrim chu la dêr naw ning, chuong naw chun, ‘Abram chu keia sukhausak annâwm,’ ti rawi i tih:

2 LALHAI 3:13

Chun, Elisa chun Israel lal kuoma chun,“ Nang le kei hin ieng am inhmangna ei nei a? fe la, i nu le i pa zâwlneihai kuomah fe dai rawh,” a lo ti a. Chun, Israel lal chun a kuomah, “Ni lo e, Lalpa chun hi lal pathumhai hi Moab mihai kuta pêk dingin a mi ko khâwm a ni ta hi,” a ta.

2 LALHAI 5:16

Nisienlakhawm, ama chun, “A hmaa ka ngîrna hlak, Lalpa hming sâlin ka hril a nih, iengkhawm la naw ning,” a ta. Chun, la dingin a ti ṭâl a, nisienlakhawm, a sêl tlat a.

2 LALHAI 5:26

Chun, ama chun a kuomah, “A be ding chea a tawlailîra inthawka mi hung ṭum lai khan ka lungril chu i kuomah a fe ve pei a ni naw am a nih? Tangka dâm, silfên dâm, oliv huon dâm, grêp huon dâm, berâm dâm, sebâwng dâm, suokpa le suoknu dâm hi lâk hun a nîm a nih?

INPÂKNA HLABU 119:46

I thuinhriettir thuhai chu lalruol hmaah hril ka ta, Inzak naw ningah.

DANIEL 2:6

Nisienlakhawm, mang le a hrilfiena chu in mîn hriettir thei chun keimaa inthawkin thilpêkhai le lâwmmanhai le inzaumna nasatak hai hmûng in tih; chuleiin, mang le a hrilfiena chu mîn hmutir ro,” a ta.

DANIEL 5:29

Chun, Belsazzar chun thu a pêk a, Daniel chu puon senduk an insiltir a, a rînga chun rângkachak khaidiet an inhlitir a; chun, ama chungthua chun ram sûnga rorêltu pathumna chu a ni ding a nih ti thupuong a siem ta a.

THILTHAWHAI 8:20

Nisienlakhawm, Peterin a kuomah, “I tangka hi nanga ruolin bohmang raw se, Pathien thilpêk tangka suma inchâwk i tum leiin.