DANIEL 5:11 - Pathien Lekhabu Inthieng (BSI)

¹¹ I rama hin mi pakhat amaa pathien inthienghai thlarau umna chu a um a; i pa damlai khawm êngna dâm, hrietthiemna dâm, pathienhai varna anga varna dâm amaa chun hmu suokin a um tah a: aw lalpa, i pa Nebukadnezzar, i pa chun ama chu mitvaidawithiemhai, aisânthiemhai, Kaldai mihai le vânghriltuhai hotuah a siem a,

DANIEL 5:11 ပူးပေါင်းရင်းမြစ်များ

INṬANNA 41:38

Chun, Pharao chun a siehlawhai kuomah, “Hieng ang, Pathien thlarau umna mi hi, ei hmu zo ding am a nih?” a ta.

2 SAMUEL 14:17

Chuongchun, i suoknu ta ding hin, lalpa, ka pu thu chu lungmuongumtak ni sienla, ka hni che a nih, a sie a ṭha lo thlier dingin lalpa ka pu chu Pathien vântirko ang el a ni si a; chun, Lalpa Pathien chu i kuomah um raw se, ka ti a nih,” a ta.

EZEKIEL 28:3

ngai ta, Daniel nêkin i var lem a nih; nangmaa inthawka thup thei ding thurûk hrim hrim a um naw a,

EZEKIEL 28:4

i varna lei le i hrietthiemna leiin hausaknahai în siempêk a, i ro inhaia chun rângkachak le tangkahai i nei a,

DANIEL 1:4

anni chu tleirâwl demkailo, ditumtak lem, varna po poa thiem, hrietna kawnga bengvâr, hrietna inthûktak hre mi, lal ina ngîr dinga theina nei mi an ni ding a na; chun, Kaldai ṭawng le thiemna ân chûktir bawk ding a nih.

DANIEL 2:11

Lal thil dit dân hi thil vâng tak a nih; taksaa chêng nilo pathienhai ti chau naw chu tukhawm lal hmaa inentir thei ding hrim hrim an um nawh,” an ta.

DANIEL 2:22

Thurûkhai le thil inthûkhai chu an kuomah a puong a, Inthima thil um chu a hriet a, var chu amaa chun a um a nih.

DANIEL 4:18

Hi mang hi kei Nebukadnezzar hin ka hmu ta a, Aw Beltesazzar, a umzie chu hrilfie rawh, ka ram sûnga mi varhai chun a umzie chu an mîn hriettir thei si naw a: nisienlakhawm, nang chun i thei a nih; pathien inthienghai thlarau chu nangmaa chun a um si a,” ka ti a.

DANIEL 4:5

Mang mi sukṭi êm êm el chu ka hmu a, ka khum chunga ka ngaituonahai le, ka lua ka thil hmulâwknahai chun a mi suklungzîng êm êm a.

DANIEL 4:6

Chuleichun, mang umzie chu an mi hrilfie theina dingin Babulon rama mi var po pohai hung ṭhuoi khâwm dingin thupêk ka siem ta a.

DANIEL 5:14

I chanchin ka lo hriet a, pathienhai thlarau chu nangmaah a um a, nangmaa chun êngna le thiemna le varna ṭha bîk chu hmuin a um ti ka lo hriet bawk a.

DANIEL 5:7

Chun, aisânthiemhai, Kaldai mihai le vânghriltuhai chu hung ṭhuoi dingin lal chu inringtakin a khêk ta a. Lal chun Babulona mi varhai kuoma chun, “Tukhawm hi lekhaziek hi tiem a, a umzie mîn entir thei taphawt chu puon senduk insiltirin a rînga chun rângkachak khaidiet inhlitir nîng a ta, hi ram rorêltu pathumna chu ni bawk a tih,” a ta.

THILTHAWHAI 12:22

Mi po po chun, “Pathien rawl a ni hi, mihriem rawl a ni naw hi,” an ta, an khêk a.

THILTHAWHAI 14:11

Chun, mipuihaiin Paula thilthaw chu an hmu phingleh, Lukaoni ṭawngin inringtakin, “Pathienhai chu mihriem angin ei kuomah an hung ṭum tah a ni hi!” an ta.

THILTHAWHAI 16:16

Chun, ṭawngṭaina hmuna kan fe lai chun suok nunghâk tû amanih, khawhrizâwl aisânthiemin a mîn tuokpui a, ama chun a aisân lei chun a puhai chu sum tamtak ân hmutir hlak a.

THUPUONGSUO 3:9

Ngai ta, Setan inkhâwmna inhai laia mi, Juda tak ni lova, khêl hrila Juda intihai laia mi chu, ka tir ding a nih, ngai ta, i ke bulah chibai hung inbûktir ka ta, ka hmangai che ti inhriettir bawk ka tih.