DANIEL 4:35 - Pathien Lekhabu Inthieng (BSI)

³⁵ Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

DANIEL 4:35 ပူးပေါင်းရင်းမြစ်များ

JOB LEKHABU (THE BOOK OF JOB) 23:13

Nisienlakhawm, ama chu ngaituona thleng lo a na, tuin am ama chu herhmang thei a ta? A lungrilin a nuomtak chu, chu ngei chu a thaw hlak.

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga t haw amani khawm ni sien, angkhat a nih.

JOB LEKHABU (THE BOOK OF JOB) 40:2

“Iengkimthawthei kaltu chun ama ân chûktir ding am a nih? Pathien sêlkaltu chun dawn raw se,” tiin.

JOB LEKHABU (THE BOOK OF JOB) 42:2

“Thil po pohai chu i thaw thei vawng ti ka hriet a, I thiltum khawm dang ruol a ni naw a.

JOB LEKHABU (THE BOOK OF JOB) 9:4

Ama chu lungrila var, hrâtnaa thilthawthei a na, Ama chunga insukngara hlawtling tu am um an ta?

INPÂKNA HLABU 115:3

Kan Pathien chu vânah a um si a, A nuom taphawt a thaw a nih.

INPÂKNA HLABU 135:6

Lalpa chun a nuom taphawt chu a thaw hlak a, Vânahai, hnuoiahai, tuisuorietahai, tui inthûktak po pohaia khawm.

INPÂKNA HLABU 33:14

Hnuoia um po po hi, A umna hmuna inthawk khin a hung thlîr hlak,

INPÂKNA HLABU 39:5

Ngai ta, ka dam chen hi kutpha bawk chen chauin i siem a, Ka kum hi i mithmua chun ieng khawp khawm a ni naw a; Mi tin an ṭhat lai tak khawmin an pumin iengkhawm an ni nawh.

INPÂKNA HLABU 49:1

Mi tinrênghai, hi hi ngai unla, Khawvêla um po pohai na lo sit ro.

THUVARHAI 21:30

Lalpa kal zâwnga thurâwn amanih, Hrietthiemna amanih, varna amani khawm a um nawh.

THUHRILTU 8:4

Lal thu chun thilthawtheina a nei leiin, tuin am a kuomah, “Ieng am i thaw a” ti thei a ta?

ISAI 19:17

Juda rama umhai chu Aigupta mihai ta ding chun râpthlâktak hung ni tâng an ta, an hming an lamna taphawthai chun ṭîng an ta, an chunga tlung ding sipaihai Lalpa thuruot lei chun.

ISAI 26:9

Ka hringna hin zâna chun a ngai che a; anih, ka sûnga thlarau um hin zîngkâr chun ka zawng che; i rorêlnahai chu hnuoiah a um po leh khawvêla umhai chun felna chu an inchûk hlak si a.

ISAI 43:13

Anih, ni um china inthawk khan kei chu ama chu ka nih, chuongchun, ka kuta inthawka sansuok thei tukhawm an um dêr nawh, sin thâwng ka ta, tuin am chu chu sût an ta?” tiin.

DANIEL 6:27

Ama chun a sansuokin a sanhim a, Hnuoi le vâna khawm thilmakhai le inchiknahai a thaw a, Ama chu sakeibakneihai thilthawtheinaa inthawka Daniel sanhimtu chu a nih,” tiin.

JONA 1:14

Chuleichun, Lalpa chu an ko a, “Aw Lalpa, hi mipa hringna lei hin mi sukbohmang naw la, mithiem thisen maw chu kan chunga innghat lul lo dingin kan ngên che, Aw Lalpa, kan ngên che, nangin i nuom anga i thaw a ni si a,” an ti a.

THILTHAWHAI 11:17

Chuongchun, Lalpa Isu Krista an ring phingleh, Pathienin thil thlâwnpêk a mi pêk ang kha an kuoma a pêk tahnung chu, kei tê hi Pathien sêl ruol am ka nih?” a ta.

THILTHAWHAI 4:28

i kut le i lungrilin tlung dinga i ruot lâwk taphawthai kha thaw dingin.

THILTHAWHAI 5:39

amiruokchu, Pathien ithaw suok a ni chun anni sukbohmang thei naw ti niu; chuong naw chun, Pathien do ni hlau rawi in tih,” a ta. Chun, a hril chu rem an ti ta a.

THILTHAWHAI 9:5

Chun, ama chun, “Tû am i na, Lalpa?” a ta.

1 KORINTH 10:22

Annawleh, Lalpa chu thîk dingin chawk tho ei tum a ni maw? Ama nêkin ei hrât lem am a nih?

1 KORINTH 2:16

Tûin am Lalpa lungril hre taa ama inchûktir thei ding? Eini ruok chun Krista lungril ei put a nih.

EPHESI 1:11

Ama ditzâwnga remruot ang peia iengkim thawtu tum anga ruot lâwk ni tain, amaa bawk chun a ro dinga siem kan nih,

JOSUA 2:2

“Ngai ta, vawizân hin ram enthla dingin Israel mi ṭhenkhat an hung a,” tiin Jeriko khuo lal chu an hril a.

1 SAMUEL 3:18

Chun, Samuel chu a hung a, iengkim el chu a hril fai vawng a, a kuoma chun iengkhawm ip a nei naw a. Chun, ama chun, “Lalpa a nih annâwm, ṭha a ti ang peiin thaw raw se,” a ta.