DANIEL 4:34 - Pathien Lekhabu Inthieng (BSI)

³⁴ Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

DANIEL 4:34 ပူးပေါင်းရင်းမြစ်များ

2 SAMUEL 22:31

Pathien chu a lampui a ṭha famkim a, Lalpa thutiem chu ândikzie sukchieng a ni tah. Ama ringtuhai po po ta dingin ama chu phaw a nih.

1 CHANCHIN SUINA 29:10

Chuleichun, David chun mipui inkhâwmhai po po hmaa chun Lalpa chu ân pâk a; David chun a hril a, “Aw Lalpa, kan thlatu Israel Pathien, chatuon chatuonin nang chu inpâkin um la;

1 CHANCHIN SUINA 29:13

Chuleiin, tuhin, kan Pathien, i hming ropui chu kan inpâkin, lâwmthu kan hril che.

JOB LEKHABU (THE BOOK OF JOB) 1:21

“Ka nu phîng sûnga inthawkin saruokin ka hung suok a, saruok bawkin kîr nâwk ka tih; Lalpa chun a pêk a, Lalpa chun a lâk hmang nâwk tah a ni chu; Lalpa hming chu inpâkin um raw se,” a ta.

INPÂKNA HLABU 10:16

Lalpa chu kumkhawtluonga dingin laltak a na, Hnam tin chu ama rama inthawkin bohmang an tih.

INPÂKNA HLABU 102:24

“Aw ka Pathien, ka vânglai nihaia hin mi la hmang naw la, Nanga kumhai chu suon um sûng po po um a tih,” ka ti a.

INPÂKNA HLABU 107:15

Aw mihriemhai hin Lalpa chu a ngilneina lei le, Mihriem nauhai chunga a thilmak thawhai lei hin inpâk hai sien aw!

INPÂKNA HLABU 107:22

Anni chun lâwmthu hrilna inthâwinahai chu inhlân hai sienla, A thilthawhai chu hlaa sakin hril raw hai se.

INPÂKNA HLABU 107:31

Aw, mihriemhai hin Lalpa chu a zainêmna lei le Mihriem nauhai chunga a thilmak thawhai lei hin inpâk hai sien chu aw!

INPÂKNA HLABU 107:8

Aw, mihriemhai hin Lalpa chu a ngilneina lei le, Mihriem nauhai chunga a thilmak thawhai lei hin inpâk hai sien aw!

INPÂKNA HLABU 111:7

A kut thilthawhai chu thutak le rorêlna fel a na, A thununna thu po pohai chu ring a um a nih.

INPÂKNA HLABU 121:1

Tlâng tiengahai khin ka mit hang inlên ka ta, Khâwtienga inthawkin am a mi ṭhangpuina ding hung tlung a ta?

INPÂKNA HLABU 123:1

Aw, nang vâna ṭhung hlak, Nanga tieng ka mit ka hung inlên hlak.

INPÂKNA HLABU 145:13

I ram chu chatuon ram ding a na, I thuneina chu suon um sûng po poin um zing a tih.

INPÂKNA HLABU 146:10

Lalpa chu kumkhawtluongin lalah ṭhung a ta, Aw Zion, i Pathien chu suon po po chenin lalah ṭhung a tih. Lalpa chu inpâk ro.

INPÂKNA HLABU 50:14

Pathien kuoma lâwmthu hrilna inthâwina inhlân lem la, I thutiem khawm Achunghnungtak kuomah hlen rawh.

INPÂKNA HLABU 66:7

A thilthawtheina chun kumkhuoin ro a rêl a, A mitin hnam tin a en hlak: Hel hmanghai chu anni le anni inchawimawi naw raw hai se.

INPÂKNA HLABU 7:17

Lalpa chu a felna lei hin a kuomah lâwmthu hril ka ta, Lalpa Achunghnungtak hming inpâkin sak bawk ka tih.

INPÂKNA HLABU 9:2

Nangmaa chun lâwmin hlim ka ta; Aw nang Achunghnungtak, i hming inpâkin hla sak ka tih.

INPÂKNA HLABU 92:1

Lalpa kuoma lâwmthu hril le, Aw Achunghnungtak, i hming inpâkna hla sak hi thil ṭhatak a nih;

ISAI 13:11

Chun, khawvêl hi an suolna leiin hrem ka ta, mi rilohai chu an khawhlona leiin hrem bawk ka tih, chun, mi chapo ṭawng uongna chu sukbo ka ta, mi ṭium chapona chu sukhnuoi bawk ka tih.

ISAI 2:11

Mihriem inditnahai chu suktlâwmin um a ta, mihai chapona chu sukhnuoiin um a tih; chu nia chun Lalpa chau chu chawisângin um a tih.

ISAI 24:15

Chu chu lei chun Lalpa chu khawsaktieng chun chawimawi ro, Lalpa Israelhai Pathien hming ngei chu tuisuoriet thlierkârahai chun chawimawi ro.

JEREMIA 10:10

Amiruokchu, Lalpa chau Pathien diktak chu a na, Pathien hring chu a na, chatuon lal a nih; a lunginsenna chun hnuoi chu ân thin a, a lungawi nawna chu hnamhai chun an tuor thei nawh.

ṬAP HLA 3:38

A chunghnungtak baua inthawk chun thu sie le ṭha chu a suok ni lo am a nih?

DANIEL 12:7

Chun, puon zai inhmia inthuom, vadung tuihai chunga ngîr chun a kut changtieng le vawitieng chu vân tieng a phar a, chatuona Hring kuoma chun inkhâmin, “Hun khat le, hunhai le, hun chenve sûng nîng a tih; chun, mi inthienghai thilthawtheina chu a nâwia suknâwi vawng chu an zo pha chun hieng thil po po hi thaw zo ni tâng a tih,” a ti ka hriet a.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 4:2

Pathien Chunghnungtakin ka kuomah inchiknahai le thilmakhai a thaw chu inentir hi ṭhain ka hriet a.

DANIEL 4:26

Chun, thing zunghai kûnghmui hla dinga thu an pêk chungthua hin chu; i ram hi chu nangma ta ni zing a ta; chu hnunga chun vânhai chun ro an rêl ngei a nih ti hre tâng i tih.

DANIEL 4:3

Ân chiknahai chu a va ropui ngei de! A thilmakhai chun thil a va thaw thei ngei de! A ram chu chatuon ram a na, A rorêlna khawm chu ṭhanga inthawk ṭhang nâwksâwng chen a nih.

DANIEL 4:32

Chun, mihriemhai laia inthawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung ti a.

DANIEL 4:36

Chu chu huna chun ka hrietthiemna chu ka kuomah a hung kîr nâwk a; ka ram ropuina le ka înlalna le êngna chu ka kuomah an hung kîr nâwk si a; chun, ka upahai le ka lalhai chun an mi zawng a; ka rama chun tungdingin ka um a, ropuina nasatak el chu ka kuomah belsain a um ta a.

DANIEL 5:18

Aw nang lalpa, Achunghnungtak Pathien chun i pa Nebukadnezzar chu ram dâm, ropuina dâm, nasatna dâm, inlalna dâm a pêk a;

DANIEL 5:21

chun, mihriem nauhai laia inthawk chun hnawt hmangin a um a; a lungril chu ramsahai lungril anga siem a hung na; a umna hmun chu ram sabengtunghai lai a ni ta a; chun, bâwngchal angin hlobet chu a ring a, a taksa chu vâna inthawka daidawin a sukhu ta bawk a: mihriemhai ram chunga hin Pathien Chunghnungtakin ro a rêl a, a nuom nuom chu a chunga chun a sie hlak ti a hriet hmakhat chun.

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

DANIEL 7:27

Chun, vânhnuoia ram le lalram le ram ropuinahai chu Achunghnungtak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

DANIEL 9:14

Chuleiin, Lalpa chun thil ṭha naw chu a hmu zing a, kan chungah a hung intlungtir tah a nih; Lalpa kan Pathien chu a sinthaw a thawhai po poa chun a fel a nih, keini ruok chun a râwl chu kan awi naw a.

JONA 1:14

Chuleichun, Lalpa chu an ko a, “Aw Lalpa, hi mipa hringna lei hin mi sukbohmang naw la, mithiem thisen maw chu kan chunga innghat lul lo dingin kan ngên che, Aw Lalpa, kan ngên che, nangin i nuom anga i thaw a ni si a,” an ti a.

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin Lalpa chun an chungah ro rêl a tih.

LUKA 1:33

Jakob thlahai chungah chatuonin inlal a ta, a ramin tâwp ni nei naw ni,” a ta.

LUKA 18:13

Siedâwltu ruok chu hlatakah a ngîr a, vân tieng khawm a dâk ngam naw a, ‘Pathien, kei mi suol hi mi lunginsiet rawh,’ tiin a âwm ân chum ân chum ta lem a.

JOHAN 5:26

Pa chun mânia hringna a nei ang bawkin, Naupa mânia hringna neiin a siem;

DÂN PAHNINA 32:4

“Lungpui chu, a thilthaw chu a fel famkim a; A lampui po po chu ân dik a nih. Pathien ringum, rîtlona nei lo, Fel le ṭha a nih.

1 TIMOTHE 1:17

Laltak chatuona um, se thei lo, hmu thei lo Pathien tak chau chu chatuona chawimawi le ropuiin um raw se. Amen.

1 TIMOTHE 6:16

Ama chau chun thi thei nawna a nei a, var hnai thei ruol lova chun a um a, ama chu tûkhawmin an hmu ngai naw a, hmu khawm an hmu thei naw bawk a, ama kuoma chun chatuona chawimawina le thilthawtheina chu um raw se. Amen.

THUPUONGSUO 10:6

chatuona hring zing, vân, a chunga thil umhai le hnuoi, a chunga thil umhai le, tuipui, a sûnga thil umhai le siemtu chu sâlin, “Hun um ta naw ni.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 4:10

upa sâwmhni le pali hai chu lalṭhungphaa ṭhung hmaa chun an bawkkhup a, chatuona hring zing chu chibai an bûk a, an lallukhumhai chu lalṭhungpha hmaa chun an sie a,

THUPUONGSUO 4:9

Chun, thilhringhai chun lalṭhungphaa ṭhung chatuona hring zing chu an sukropuia, an chawimawia, lâwmthu an hril po leh,