DANIEL 4:32 - Pathien Lekhabu Inthieng (BSI)

³² Chun, mihriemhai laia inthawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung ti a.

DANIEL 4:32 ပူးပေါင်းရင်းမြစ်များ

2 CHANCHIN SUINA 33:13

Chun, ama kuoma chun a ṭawngṭai a, ama chu dawnsakin a um a, a hnina chu ngaiin a um a, ama ramah, Jerusalema chun hung ṭhuoi nâwkin a um ta a. Chun, Manasse chun Lalpa chu Pathien a nih ti a hriet ta a.

JOB LEKHABU (THE BOOK OF JOB) 42:2

“Thil po pohai chu i thaw thei vawng ti ka hriet a, I thiltum khawm dang ruol a ni naw a.

JOB LEKHABU (THE BOOK OF JOB) 9:12

En ta, a lâk el a, tuin am dang thei a ta? ‘Ieng am i thaw a?’ tuin am a kuomah tîng a ta?

INPÂKNA HLABU 115:3

Kan Pathien chu vânah a um si a, A nuom taphawt a thaw a nih.

INPÂKNA HLABU 135:6

Lalpa chun a nuom taphawt chu a thaw hlak a, Vânahai, hnuoiahai, tuisuorietahai, tui inthûktak po pohaia khawm.

FESUOKNA 8:10

Ama chun, “Zînga leh,” a ti a. Ama chun, “I thu ang peiin ni raw se: Lalpa kan Pathien ang hi mi tukhawm an um nawh ti i hriet theina dingin.

FESUOKNA 9:14

Hnuoi chung po poah keima ang tukhawm an um nawh ti i hriet theina dingin, tuta ṭum hin chu, i mihai le i siehlawhai le nangma chunga ngei ka hri po po ka hung tir ding a ni si a.

FESUOKNA 9:29

Mosie chun a kuomah, “Khawpui hi ka suoksan phingleh, Lalpa tieng ka kut phar ka ta, hnuoi hi Lalpa ta a nih ti i hriet theina dingin, vâninrûmhai chu mâng a ta; riel hrim khawm um nâwk ta dêr naw nih.

ISAI 37:20

Chuleiin, aw Lalpa kan Pathien, nang hi, nang chau hi, Lalpa i nih ti leihnuoi hluo ram po po hin an hriet theina dingin annia inthawk hin mi sandam rawh,” tiin.

ISAI 40:15

Ngai ta, hnam tin chu bâlṭina tui far khat ang chau an na, bûknaa thil nawi mahla kai ang chaua ngai an nih; ngai ta, ama chun thlierkârhai chu thil chiterek angin a lâk nel nel el hlak a.

ISAI 40:17

Hnam tinrênghai chu a hmaa chun iengkhawm an ni naw a, ama ngai chun iengkhawm ni lo nêka tlâwm lem, boruok el an nih.

ISAI 45:3

chun, Lalpa, i hminga kotu che, Israelhai Pathien ngei chu ka nih ti i hriet theina dingin inthim laia rohai chu pêng ka ti che a, hmun fienrielhaia sum thuphmanghai khawm chu pêng ka ti che.

JEREMIA 27:5

ka bân phar le ka thilthawtheina nasatak chun hnuoi phêk chunga ramsahai le mihriem le leihnuoi chu ka siem a; chun, ka ngaia pêk ding âwm kuoma chun ka pêk ta a.

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 4:31

Lalin chuonga thu a hril lai zing chun, vâna inthawkin râwl a hung thla a, “Aw lal Nebukadnezzar, nangma kuoma inthawkin ram chu ṭhe hmang a ni tah ti hi i kuomah hril a nih.

DANIEL 5:21

chun, mihriem nauhai laia inthawk chun hnawt hmangin a um a; a lungril chu ramsahai lungril anga siem a hung na; a umna hmun chu ram sabengtunghai lai a ni ta a; chun, bâwngchal angin hlobet chu a ring a, a taksa chu vâna inthawka daidawin a sukhu ta bawk a: mihriemhai ram chunga hin Pathien Chunghnungtakin ro a rêl a, a nuom nuom chu a chunga chun a sie hlak ti a hriet hmakhat chun.

JOSUA 4:24

Leihnuoia hnam tinrêngin Lalpa kut hi a lo hrât a nih ti an hriet thei a, Lalpa in Pathien chu kumkhuoa an ṭi theina dingin,” tiin.