DANIEL 4:30 - Pathien Lekhabu Inthieng (BSI)

³⁰ Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

DANIEL 4:30 ပူးပေါင်းရင်းမြစ်များ

INṬANNA 10:10

Ân lal phutna chu Sinar rama Babel, Erek, Akkad le Kalne khuo a nih.

ESTHER 1:4

chu huna chun ama chun a lalram ropuitak hausaknahai le ân lalzie inzaûmna chu ni tamtak el, ni za khat le sâwmriet sûng zet ân entir a.

INPÂKNA HLABU 104:1

Aw ka hringna, Lalpa chu inpâk rawh, Aw Lalpa ka Pathien, nang chu i ropui êm êm a, Chawimawina le ropuinain în thuom a.

INPÂKNA HLABU 49:20

Mihriem chawimawia uma, hrietthiemna nei si lo chu, Sa bohmang hlakhai ang el hi an nih.

INPÂKNA HLABU 73:8

An innuisan a, suoltakin nêksâwrna thu an hril a; Chapotakin an ṭawng hlak.

THUVARHAI 11:2

Chapona chu a hung pha chun, inzaknain a hung zui; Varna ruok chu inngaitlâwmhai kuomah a um.

THUVARHAI 16:18

Chapona hi sietna hmaah a fe hlak a; Chun, lungril uong chu tlûkna hmaah.

THUVARHAI 29:23

Mi chu a chapona chun ama chu sukhnuoi a ta, Lungrila inngaitlâwm ruok chun chawimawina hmûng a tih.

ISAI 13:19

Chun, Babulon ramhai ropuina, Kaldai mihai isuong thil mawitak chu, Pathienin Sodom le Gomorra a sukbohmang lai ang khan la um a tih.

EZEKIEL 29:3

hieng hin ti rawh; Lalpa Pathien chun hieng hin a tih: ‘Ngai ta, Aigupta lal Pharao, Rûlpui a vadungpuihai laia bawk a, Ka vadungpui hi keia ta bîk a na, Keima ta dingin ka siem tah,’ titu, ka dodâl che a nih.

DANIEL 4:31

Lalin chuonga thu a hril lai zing chun, vâna inthawkin râwl a hung thla a, “Aw lal Nebukadnezzar, nangma kuoma inthawkin ram chu ṭhe hmang a ni tah ti hi i kuomah hril a nih.

HABAKKUK 1:11

Thli angin an mût a, bâwthleng an ta, Thiemnaw changin um an tih, Anni thilthawtheina ngei pathiena neituhai chu.

LUKA 14:11

Inngaihlu taphawt chu tlâwm an ta; inngaitlâwm chu chawimawiin um an tih,” a ta.

LUKA 14:9

chuongchun, a fieltu che chun, ‘Hi pa ṭhungna ding hi inkien rawh,’ hung tîng a che a; chun, nang inzaktakin ṭhungpha ṭha nawtakah i ṭhung nâwk si ding a nih.

1 KORINTH 10:31

Chuongchun, in fâk khawmin, in dâwn khawmin, in thaw taphawta chun Pathien ropuina ding ruokin thaw ro.

1 PETER 5:5

Chuong ang bawkin, nangni tleirâwl deuhai, upahai kuomah intuklût ro. Anih, in rêngin rawng inbâwltuo seng dingin thuhnuoirawlnain inthuom ro; Pathienin chapohai a kal a, inngaitlâwmhai ruok chu lunginsietna a pêk hlak si a.

THUPUONGSUO 14:8

Chun, vântirko dang, a pahnina chun, “Babulon khaw ropui, a mi dit chîngna leia lunginsenna uoiin hnam po po indâwntirtu chu, a tlâwm tah!” tiin a hung zui a.

THUPUONGSUO 16:19

Chuongchun, khaw ropui chu hmun thumah a hung inṭhe a, hnam tin khuohai chu a hung chim a; chun, a lunginsen nasatna uoin no chu a kuoma pêk dingin Babulon khaw ropui chu Pathien hmaa hriet zingin a lo um ta a.

THUPUONGSUO 17:5

A bâwka chun thurûk, “BABULON KHAW ROPUI, HNUOIA NAWCHIZAWRHAI LE THIL TIRDAKUMHAI NU,” tia hming ziek a um a.

THUPUONGSUO 18:10

sawisakna ṭi leia hlataka ngîrin, Babulon khaw ropui, khaw det chu a chung a rik, a chung a rik! Dârkâr khat chauah i chungah rorêlna chu a hung tlung ta si,” an ti a.

THUPUONGSUO 18:21

Chun, vântirko hrâttak hin burawtnawina lung lientak ang hi lung a lâk a, tuipuiah a peithlâk a, “Babulon khaw ropui chu hieng anga nasa hin peithlâk nîng a tih, tûkhawmin hmu nâwk ta naw tawp an tih.