DANIEL 4:23 - Pathien Lekhabu Inthieng (BSI)

²³ Chun, lalin vâna inthawka vêngtu le mi inthieng hung thlaa, Thing kha phûr thlu unla sukbohmang ro, amiruokchu, a zunghai kûnghmui ruok chu hnuoia hlobet innêm lai thîr le dârsen hnânga khuopin mâksan ro, vâna inthawka daidâw chun hu hlak sienla, a fâk ding khawm chu ramhnuoia ramsahai fâk ang chu ni raw se; ama chunga hun sarihai a fe liem hmakhat chun, ti thu an hung hril ruok hi chu,

DANIEL 4:23 ပူးပေါင်းရင်းမြစ်များ

DANIEL 4:26

Chun, thing zunghai kûnghmui hla dinga thu an pêk chungthua hin chu; i ram hi chu nangma ta ni zing a ta; chu hnunga chun vânhai chun ro an rêl ngei a nih ti hre tâng i tih.

DANIEL 5:21

chun, mihriem nauhai laia inthawk chun hnawt hmangin a um a; a lungril chu ramsahai lungril anga siem a hung na; a umna hmun chu ram sabengtunghai lai a ni ta a; chun, bâwngchal angin hlobet chu a ring a, a taksa chu vâna inthawka daidawin a sukhu ta bawk a: mihriemhai ram chunga hin Pathien Chunghnungtakin ro a rêl a, a nuom nuom chu a chunga chun a sie hlak ti a hriet hmakhat chun.

DANIEL 8:13

Chun, mi inthieng pakhat thuhril ka hriet a; chun, mi inthieng dangin tu amanih thuhriltu kuoma chun, “Mipuihai le Hmun Inthiengtak sirdea um ve ve dinga pêk ding le, sukrêmtu bawsietna le, pumrawhmang thilinhlân zing zing chungthua thil hmulâwk hi ieng chen am nîng a ta?” a ta.