DANIEL 4:22 - Pathien Lekhabu Inthieng (BSI)

²² Aw lalpa, nang hi i nih: i hung inṭhangin i hung hrât a, i ropuina chu a hung lien a, vân a hung tawng a, i ram hlak chu hnuoi tâwp chen a ni bawk si a.

DANIEL 4:22 ပူးပေါင်းရင်းမြစ်များ

INṬANNA 11:4

Chun, “Thaw ro, khawpui siem ei ta, in insâng a sîpin vân tawng dingin bâwl bawk ei tiu a, ei hming sukthang ei tiu; chuong naw chun hnuoi chung po poa hin sukdarin um râwi ei tih,” an in ti a.

INṬANNA 28:12

Chun, mang a nei a, hnuoi chunga hin leilâk a lo indaw a, a tâwp chun vân a sun a; a chunga chun Pathien vântirkohai ṭum le kaiin a hmu a.

2 SAMUEL 12:7

Chuongchun, Nathan chun David kuomah, “Chu mi chu nang hi i nih, Lalpa, Israelhai Pathien chun hieng ang hin a tih, Israelhai lal ni dingin hriek ka nâl che a, Saula kuta inthawkin ka sansuok che a;

2 CHANCHIN SUINA 28:9

Amiruokchu, Lalpa zâwlnei chutaka chun a lo um a, a hming chu Oded a nih; ama chu sipai ruol Samariaa hung lût dinghai chu tuok dingin a fe a, an kuoma chun, “Ngai ta u, in thlatuhai Pathien Lalpa chu Juda ram chunga chun a lunginsen leiin anni chu an kutah a pêk ta a, chun, anni chu lunginsenin in that a, chu chu vânah a hang tlung tah a nih.

INPÂKNA HLABU 108:4

I ngilneina chu vân khûm khawpin a nasa si a, I thutak chun vân dumhai khi a tawng hiel bawk a.

INPÂKNA HLABU 36:5

Aw Lalpa, i ngilneina chu vânhaia khin a um a, I ringumna chun vân dumhai khi a tawng a nih.

JEREMIA 27:5

ka bân phar le ka thilthawtheina nasatak chun hnuoi phêk chunga ramsahai le mihriem le leihnuoi chu ka siem a; chun, ka ngaia pêk ding âwm kuoma chun ka pêk ta a.

EZEKIEL 17:3

Lalpa Pathien chun hieng hin a ti a, Mupui ropuitak, thla ropuitak le chang seitakhai nei, hmula sip, ze hran hran nei chu Lebanona chun a hung a, sidar thing zîka chun a hung a;

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 4:11

Thing chu a hung inṭhang a, a hung lien a, ân sângzie chun vân a hung phâk a, ân hmu theina chun khawvêl po po tâwp chen a huop bawk a.

DANIEL 4:21

a hnahai chu mawi êm êm a, a râhai chu tam êm êm a, thil chi tin ta dinga fâk ding hung ni a, chu hnuoia chun ramhnuoia sahai chu an chêng a, a kauhaia chunglêng vatehaiin umna an siemna thing chu,

DANIEL 4:29

Thla sâwm pahnihai tâwpa chun Babulon ram lal ina chun a fe a.

DANIEL 4:36

Chu chu huna chun ka hrietthiemna chu ka kuomah a hung kîr nâwk a; ka ram ropuina le ka înlalna le êngna chu ka kuomah an hung kîr nâwk si a; chun, ka upahai le ka lalhai chun an mi zawng a; ka rama chun tungdingin ka um a, ropuina nasatak el chu ka kuomah belsain a um ta a.

MATTHAI 14:4

Johan chun a kuomah, “Ama i nei hi a thieng nawh,” a ti pêk leiin.

THUPUONGSUO 18:5

A suolnahai chun vân khawm a tawng ta hiel a, Pathienin a thilthaw felnawhai khawm chu a hriet zing si a.