DANIEL 4:17 - Pathien Lekhabu Inthieng (BSI)

¹⁷ Hi thu sukthlûk hi vêngtuhai thupêk le, mi inthienghai thua phût: hringna nei taphawt chun Achunghnungtak chun mihriemhai rama chun ro a rêl a, a nuomna kuoma chun a pêk a, mi inhnuoitakhai khawm a chunga chun a sie thei ti an hrietna dingin a nih,’ tiin.

DANIEL 4:17 ပူးပေါင်းရင်းမြစ်များ

1 LALHAI 21:25

(A nuhmei Jezebel infuipawr a, Lalpa mithmua thil ṭha naw thaw dinga inzawr Ahab ang hrim hrim hi tukhawm an um nawh.

2 CHANCHIN SUINA 28:22

Chuongchun, hi lal Ahaz hi, a lunginzîng hun laia khawm chun Lalpa chungah a bawsiet zuol det pei a.

INPÂKNA HLABU 103:19

Lalpa chun a lalṭhungpha chu vâna khin a sukdet a, A ram chun iengkim chungah ro a rêl a.

INPÂKNA HLABU 12:8

Mihriem nauhai lai hin suolna chu chawimawia a umin, Mi rilohai chu an invâk vêl ruoi hlak.

INPÂKNA HLABU 9:16

Lalpa chun ân hriettir a, rorêlna chu a tirsuok ta a, Mi rilo chu ama kutsuok ngeia chun a âwk hlak.

FESUOKNA 9:16

nisienlakhawm, hi thilthaw kawng ngeihaia hin ka thilthawtheinahai chu nangmaa inentir a ni theina ding le khawvêl po poa ka hming chu puongdar a ni theina dingin ka la dawmngir zing che a ni hi.

ISAI 6:3

Chun, “Sipaihai Lalpa chu ân thieng ie, ân thieng ie, ân thieng ie, hnuoi pumpui chu a ropuinain a sip a,” tiin, an inkhêk tuo an inkhêk tuo hlak a.

ISAI 6:8

Chun, “Tu am tir ka ta, tu am ei ta dingin fêng a ta?” tiin Lalpa râwl chu ka hriet a.

EZEKIEL 25:17

Chun, kâwkna ṭiumtak leh phubalâkna nasatak chu intlungtir ka ta; chun, Lalpa chu ka nih ti mi hre tâng an tih; ka phubalâkna chu an chunga kân nghat pha chun,” tiin.

EZEKIEL 7:24

Chuleichun, awi naw mi ṭha nawtakhai chu hung ṭhuoi ka ta, an inhai chu neipêk an tih; mi hrâthai chapona chu suktâwp bawk ka ta; chun, an hmun inthienghai chu sukpawrche nîng an tih.

DANIEL 11:21

Chun, ama hmuna chun mi hmusitumtak hung ngîrsuok a ta, ama kuoma chun ram ropuina chu pêk ni naw ni; nisienlakhawm, muongna hun laitak hung a ta, simbudawiin ram chu lâng a tih.

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 4:2

Pathien Chunghnungtakin ka kuomah inchiknahai le thilmakhai a thaw chu inentir hi ṭhain ka hriet a.

DANIEL 4:25

chuongchun, mihriem laia inthawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlobet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 7:25

Achunghnungtak chu kalin thu hril a ta, Achunghnungtak mi inthienghai chu hung suksieng a tih: chun, hunhai le dân chu sukdanglam dingin ngaituong a ta, hun khat le hunhai le hun chenve sûng chu a kuta pêk nîng an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:1

Mi tin an chunga rorêltuhai thu thuin um raw se. Pathien thu lovin tukhawm rorêltu an um ngai si naw a; rorêltua umhai hi Pathien iruot an nih.

1 KORINTH 1:28

chun, khawvêl thil sie le hmusitumhai, thil umnawhai chenin a thlang a, thil umsahai chu iengkhawm ni lova a siem theina dingin;

1 TIMOTHE 5:21

Hieng thu hi thlier bîk nei lovin, thlier bîk neia iengkhawm thaw lovin, Pathien le Krista Isu le Vântirko thlanghai mithmuin zâwm dingin ṭhahnemngaitakin kân hriettir che.

THUPUONGSUO 4:8

Chun, thilhring pali chu thla paruk seng nei, an pumin an sûng tieng chena mita sip an nih. “Lalpa Pathien Iengkimthawthei, Um ta le, um zing le hung um ding chu, Ân thieng ie, ân thieng ie, ân thieng ie,” tiin sûn le zân an châwl ngai nawh.

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu Lalpa ta a nih; Khawvêl chu a chungah ân nghat ta si a.