DANIEL 4:13 - Pathien Lekhabu Inthieng (BSI)

¹³ Ka khum chunga thil hmulâwkhai ka hmua chun, ngai ta, vâna inthawkin vêngtu le mi inthieng pakhat a hung thla a.

DANIEL 4:13 ပူးပေါင်းရင်းမြစ်များ

JOB LEKHABU (THE BOOK OF JOB) 12:24

Hnuoia mipuihai lalhai lungril chu a lâk hmang a, Thlalêr hmun ampui um nawna hmuna chun ân vâktir hlak.

INPÂKNA HLABU 103:20

A vântirkohai, a thu ngaia, a thu zâwma, hrâtnaa ropui hlakhai, Lalpa chu inpâk ro.

INPÂKNA HLABU 89:7

Mi inthienghai inrâwn khâwmnaa Pathien ṭiumtak, A kâwlvêla mi po po nêka ṭitak ding chu tu am a um leh?

DANIEL 4:10

Ka khum chunga ka lua thil hmulâwkhai ka hmu chu hieng ang hi a nih; hnuoi lailung lai hin thing ka hmu a, ka en zing a, ân sângzie chu a nasa hle a.

DANIEL 4:17

Hi thu sukthlûk hi vêngtuhai thupêk le, mi inthienghai thua phût: hringna nei taphawt chun Achunghnungtak chun mihriemhai rama chun ro a rêl a, a nuomna kuoma chun a pêk a, mi inhnuoitakhai khawm a chunga chun a sie thei ti an hrietna dingin a nih,’ tiin.

DANIEL 4:23

Chun, lalin vâna inthawka vêngtu le mi inthieng hung thlaa, Thing kha phûr thlu unla sukbohmang ro, amiruokchu, a zunghai kûnghmui ruok chu hnuoia hlobet innêm lai thîr le dârsen hnânga khuopin mâksan ro, vâna inthawka daidâw chun hu hlak sienla, a fâk ding khawm chu ramhnuoia ramsahai fâk ang chu ni raw se; ama chunga hun sarihai a fe liem hmakhat chun, ti thu an hung hril ruok hi chu,

DANIEL 4:5

Mang mi sukṭi êm êm el chu ka hmu a, ka khum chunga ka ngaituonahai le, ka lua ka thil hmulâwknahai chun a mi suklungzîng êm êm a.

DANIEL 7:1

Babulon lal Belsazzar inlal kum khatnaa chun Daniel chun mang neiin a khum chunga chun a lua thil hmulâwkhai chu a hmu tah a; chun, mang chu a ziek a, chuong thilhai umzie chu a hril bawk a.

DANIEL 7:17

‘Hieng sahrâng pali hi, lal pali hnuoi chunga la hung suok dinghai chu an nih.

DANIEL 7:23

Chun, ama chun a hril a, ‘Sahrâng palina chu hnuoi chunga ram palina, ram dang po poa inthawka danglam tak ding, hnuoi po po chu lem zo a, sirde a, a suknâwia suknâwitu ding chu a nih.

DANIEL 8:13

Chun, mi inthieng pakhat thuhril ka hriet a; chun, mi inthieng dangin tu amanih thuhriltu kuoma chun, “Mipuihai le Hmun Inthiengtak sirdea um ve ve dinga pêk ding le, sukrêmtu bawsietna le, pumrawhmang thilinhlân zing zing chungthua thil hmulâwk hi ieng chen am nîng a ta?” a ta.

ZEKARIA 14:5

Chun, ka tlâng kâra ruomah chun tlânsieng in ta; tlâng kâra ruom chun Azel a tlung rak ding a ni si a: anih, Juda lal Uzzia inlal laia simkhawleihnuoi inhnînga in tlânsiet ang khan, tlânsieng in tih; chun, Lalpa ka Pathien chu hung a tih, a kuoma mi inthienghai po po leh.

MATTHAI 25:31

“Mihriem naupa ruok chu a vântirkohai po po leh a ropuinaa inthuoma a hung phâ chun, a ropuina ṭhungphaah ṭhung a ta;

MARKA 1:24

ama chun, “Nazareth Isu, keini le nang ieng am ei inzâwlna a um a? Mi sukbohmang dingin i hung am a nih? Nang ka hriet che, Pathien mi inthieng i nih,” tiin a khêk suok nghâl ta a.

LUKA 4:34

“A! Nazareth Isu, keini le nang ieng am ei inzâwlna? A mi sukbohmang dingin i hung a ni maw? Nang ka hriet che, Pathien Mi Inthieng i nih,” tiin a khêk suok a.

DÂN PAHNINA 33:2

“Sinaia inthawkin Lalpa chu a hung a, Seira inthawkin an kuomah a tho a, Paran tlânga inthawkin a var a suok a; Mi inthieng sângsâwm laia inthawkin a hung; A kut changtieng chun an ta dingin dân chawk thei a um a.

JUDA 1:14

Chuong mihai chungthu chu Enok, Adama inthawka pasarina chun a hrillâwk a, “Ngai ta u, Lalpa chu a mi inthieng sîng khathai leh a hung:

THUPUONGSUO 14:10

a lunginsenna noa iengkhawm pawl lova siem chu dâwn a ta, vântirko inthienghai mithmua le Berâmte mithmua chun mei le kâta sawisakin um bawk a tih.