DANIEL 3:29 - Pathien Lekhabu Inthieng (BSI)

²⁹ Chuleichun, thupêk ka siem, mi tin, hnam tin, le ṭawng tin, hieng Sadrak, Mesak le Abednego hai Pathien chunga thil hril suol taphawt chu, sât nawi vawng nîng an ta, an inhai khawm chu êk siekhâwmnaa siem nîng a tih; hieng ang kawnga mi sanhim thei pathien dang hrim an um naw leiin,” a ta.

DANIEL 3:29 ပူးပေါင်းရင်းမြစ်များ

2 LALHAI 10:27

Chun, Baal lungphun chu an sukchim a, Baal in chu an suksiet a, inhnâwmna inah an hmang ta a; tu chen hin an la hmang zing a nih.

EZRA 6:11

Chun, hi thupêk khawm hi ka hung siem bawk a nih: tukhawm hi thu hi lo sukdanglam taphawt chu, a ina inthawka a tlungpûm chu kei dawk ni sienla, ama chu chutaka chun khai kânga khuopde ni raw se; hi lei hin a in chu êkpeinaa siem ni sienla:

INPÂKNA HLABU 3:8

Sandamna chu Lalpa ta a na, I malsâwmna chu i mihai chungah um raw se.

INPÂKNA HLABU 76:10

Matheilovin mihriem lunginsenna hin la hung inpâk ngei a ti che, Lunginsenna mahla chun inkhit i tih.

DANIEL 1:19

Lal chun anni chu a lo biek tâwl a, an rênga lai chun Daniel hai, Hanania hai, Misael hai le Azaria hai ang tukhawm an um naw a, chuleiin, anni chu lal hmaa chun an ngîr ta a.

DANIEL 1:7

Chun, mitillâk hotu chun anni chu hming tharhai a pêk a; Daniel chu Beltesazzar ân bûk a, Hanania chu Sadrak, Misael chu Mesak, Azaria chu Abednego.

DANIEL 2:17

Chun, Daniel chu a ina chun a va fe a, a ruolhai Hanania hai, Misael hai, Azaria hai chu thil chu ân hriettir ta a;

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i puong theizie hmu hrim hin, thurûkhai puongtu chu a ni ngei hi,” a ta.

DANIEL 2:49

Chun, Daniel chun lal chu a hni a, ama chun Sadrak hai, Mesak hai, Abednego hai chu Babulon chungchâng thuha hotu dingin a ruot a. Daniel ruok chu lal rorêlna ina chun a um ta lem a.

DANIEL 2:5

Chun, lal chun a dawn a, Kaldai mihai kuoma chun, “Chu thil chu keimaa inthawkin a fe hmang tlat ta a: mang le hrilfiena chu in mîn hriettir naw chun sât nawi vawng nîng in ta, in inhai chu êk pei khâwmna hmuna siem ni bawk a tih.

DANIEL 3:12

Juda mi ṭhenkhat hieng Sadrak, Mesak le Abednego hai Babulon biel sûng chungchânga hotua i ruothai kha, khânghai rawi khan, aw lalpa, an pawisa naw che a nih, i pathienhai rawng chu an bâwl naw a, rângkachak milim în ngîrtir khawm kha chibai an bûk bawk nawh,” an ta.

DANIEL 3:15

tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chibai in bûk ding chun a ṭha; amiruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.

DANIEL 3:17

Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

DANIEL 6:28

Chuongchun, Daniel chu Daria rorêl sûng le Persia mi Kura rorêl sûng po chu a hung hlawtling ta hle a.

DÂN PAHNINA 32:31

An lungpui chu ei Lungpui ang a ni naw a, Ei hmêlmahai ngei ngaidân khawma.