DANIEL 3:28 - Pathien Lekhabu Inthieng (BSI)

²⁸ Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

DANIEL 3:28 ပူးပေါင်းရင်းမြစ်များ

INṬANNA 9:26

“Lalpa, Sem Pathien chu inpâkin um raw se. Kanaan chu Sem siehlawin um raw se

1 CHANCHIN SUINA 5:20

Anni chunga chun ṭhangpuiin an uma, Hagar mihai chu an kuta pêkin an um ta a; anni le um po pohai le chun; indonaa chun Pathien chu an ko a, ama chun anni chu a dawn a, anni chun amaa chun ringna an innghat si a.

2 CHANCHIN SUINA 20:20

Chun, zîngkâr inhmatakin an tho a, Tekoa thlalêra chun an hang fe a, chun, chuonga an fe suok lai chun Jehosaphat chu a ngîr a, “Aw Juda le Jerusalema chêngtuhai, mi lo ngai ta u; Lalpa in Pathien chu ring unla, chuongchun, sukdetin um in tih; a zâwlneihai chu ring unla, chuongchun, hlawtling in tih,” a ta.

2 CHANCHIN SUINA 32:21

Chun, Lalpa chun vântirko a hung tir a, ama chun Assuria lal riebûka mi hrât khawkhênghai po po le ṭhuoituhai le hotuhai po po chu a sukhlum a. Chuongchun, hmai thûmtakin a ramah a kîr nâwk ta a. Chun, ama chu a pathien ina a hung lût laiin ama rîla rasuokhai ngei chun chutaka chun kâwlhnâmin an that ta a.

EZRA 1:3

A mi po pohai, nangni laia mi tukhawm kuomah a Pathien chu um raw se! Juda rama Jerusalema chun hang fe sienla, Lalpa Israelhai Pathien (ama chu Jerusalema um Pathien chu a nih) in chu hang bâwl raw se.

EZRA 6:11

Chun, hi thupêk khawm hi ka hung siem bawk a nih: tukhawm hi thu hi lo sukdanglam taphawt chu, a ina inthawka a tlungpûm chu kei dawk ni sienla, ama chu chutaka chun khai kânga khuopde ni raw se; hi lei hin a in chu êkpeinaa siem ni sienla:

INPÂKNA HLABU 103:20

A vântirkohai, a thu ngaia, a thu zâwma, hrâtnaa ropui hlakhai, Lalpa chu inpâk ro.

INPÂKNA HLABU 147:11

Lalpa chun ama ṭituhai chunga chun lâwmna a nei hlak, A ngilneina beiseituhai chunga chun.

INPÂKNA HLABU 33:18

Ngai ta, Lalpa mit chu ama ṭîtuhai chunga chun a fu zing hlak a, A ngilneina beiseituhai chunga chun.

INPÂKNA HLABU 33:21

Amaa chun ei lungril hi a hlim ding a nih, A hming inthieng ei ring leiin.

INPÂKNA HLABU 34:22

Lalpa chun a siehlawhai hringna chu ân tlan hlak a, Amaa ringna innghattuhai chu pakhat khawm thiemnaw chang um naw ni hai.

INPÂKNA HLABU 62:8

Nangni mipuihai, ienglai khawmin ama chu ring unla, In lungril chu a hmaa chun bunthla ro: Pathien chu ei ta dinga inhumhimna a nih.

FESUOKNA 20:5

an kuoma chun kûnin an rawng i bâwl ding a ni nawh: Lalpa i Pathien hi Pathien thîkthusetak, pahai khawhlona chu nauhai chunga hung intlungtir hlaktu, a mi theidatuhai chu an thla suon thum le suon li chen chunga khawm, hremna intlungtir hlaktu le

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 37:36

Chuongchun, Lalpa vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni ta a.

ISAI 50:10

Nangni laia Lalpa chu ṭi a, a siehlaw thuawi chu, tu am a na? Inthima lênga var hrim hrim nei naw chun Lalpa hming chu ring sienla, a Pathien chungah innghat raw se.

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i puong theizie hmu hrim hin, thurûkhai puongtu chu a ni ngei hi,” a ta.

DANIEL 3:25

Ama chun a dawn a, “En ta u, mei laia khun mi pali sût sain inlawnin ka hmu a, na hrim an ti nawh; a palina hmêl putzie chu pathienhai naupa ang a nih,” a ta.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

DANIEL 6:16

Chun, lal chun thu a pêk a, Daniel chu an hung ṭhuoi a, sakeibakneihai pûka chun an pei lût ta a. Lal chun a hril a, Daniel kuoma chun, “I Pathien a rawng i bâwl zing hlak chun sansuok a ti che, ” a ta.

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

THILTHAWHAI 4:19

Nisienlakhawm, Peter le Johanin an kuomah, “Pathien mithmuin, Pathien thu zâwm nêkin nangni thu zâwm ân dik lem am chu, ngaituo ro.

THILTHAWHAI 5:19

Nisienlakhawm, Lalpa vântirko pakhatin, kawtkhârhai chu a hung hawng a, a ṭhuoi suok ta a,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:1

Chuongchun, unauhai, Pathien lunginsietna lei hin inthâwina hring le inthieng le Pathien ilâwmtlâk ni dingin, in taksa chu inhlân dingin ka ngên cheu a nih; chu chu in rawngbâwlna âwm hrim a nih.

1 KORINTH 13:3

Chun, mi rimsihai châwmna dingin ka sum po po khawm pe vawng lang, ka taksa khawm kâng dingin inpe lang hmangaina ka nei si naw chun, ka ta dingin iengkhawm ṭhahnem naw ni.

PHILIPPI 1:20

Ka beiseina le ka înhâwkna ang peiin ienga khawm sukmuolphoin um naw ningah a, huoitakin, ka um pângngai ang rawpin, tu khawm hin, hringna leiin amanih, thina leiin amanih, ka taksaa hin Krista chu chawimawiin a um ding a nih.

HEBRAIHAI 1:14

Anni po po chu rawngbâwlna thlarauhai, sandamna rohluotu dinghai ta dinga rawngbâwl dinga tirsuok an ni naw am a nih?

HEBRAIHAI 11:37

lunga dêngin an um a, thingâtnaa ât bawngin an um a, thlêmna an tuok a, kâwlhnâma sât hlumin an um a, berâm vun le kêl vun silin an invai a; rimsitakin, rinumtakin, suknawmnatin an um a.

1 PETER 1:21

ama leiin mithi laia inthawka a keithotu le a ropuina petu Pathien ringtuhai in na, in ringna le in beiseina chu Pathiena a um theina dingin.

THUPUONGSUO 12:11

Berâmte thisen lei le an inhriettirna thu leiin, ama chu an hne a nih; thi ngam khawpin an hringna an ngainêp bawk a.