DANIEL 3:26 - Pathien Lekhabu Inthieng (BSI)

²⁶ Chun, Nebukadnezzar chu meithuk chawklai râpthlâktak bula chun a hung hnai a, “Sadrak, Mesak, Abednego, nangni Pathien Chunghnungtak siehlawhai, hung suok unla, hi tieng hin hung ro,” tiin a biek a. Chun, Sadrak, Mesak le, Abednego chu mei laia inthawk chun an hung suok ta a.

DANIEL 3:26 ပူးပေါင်းရင်းမြစ်များ

INṬANNA 14:18

Chun, Salem lal Melkizedek chun bei le uoin a hung lâk a; ama chu Pathien Chunghnungtak thiempu a nih.

1 LALHAI 8:51

i mi i rochan, Aigupta rama inthawka, thîr rawtuina sûnga inthawka i ṭhuoisuokhai an ni si a,

EZRA 5:11

Chun, anni chun hieng ang hin an mi dawn a, ‘Hnuoi le vân Pathien siehlawhai kan na, Israel lal ropuitakin a lo bâwl, kum tamtak a lo bâwl tah, in hi, kan bâwl a nih.

INPÂKNA HLABU 66:12

Mihai tawlailîr chunga chuongin, kan lu chungah în fetir a, Mei le tui kan fe thleng a, Nisienlakhawm, hmun chênghnâwngtaka lût dingin i mi ṭhuoi suok a;

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 52:12

Inhmâwtakin in fe suok âwm si naw a, tlânsiein fe bawk naw ti niu; Lalpa chun in hma a ṭhuoi ding a ni si a; Israelhai Pathien chu in hnung dâltu nîng a tih.

JEREMIA 11:4

Aigupta ram, thîr sutna pûm meia inthawka anni ka ṭhuoi suok laia, ‘Ka râwl ngai unla, thaw ro, chuongchun, ka mihai nîng in ta, kei khawm in Pathien nîng ka tih,’ tia in thlatuhai kuoma thu ka lo pêk tah thuhai chu.

DANIEL 2:47

Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i puong theizie hmu hrim hin, thurûkhai puongtu chu a ni ngei hi,” a ta.

DANIEL 3:17

Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

DANIEL 4:2

Pathien Chunghnungtakin ka kuomah inchiknahai le thilmakhai a thaw chu inentir hi ṭhain ka hriet a.

DANIEL 6:20

Daniel kuomah, sakeibakneihai pûk kâwl chu a hung tlung hnai chun, ṭap râwlin a khêk a; lal chun Daniel kuoma chun, “Aw Daniel, Pathien hring siehlawpa, i Pathien a rawng i bâwl zing zing hlak chun sakeibakneihaia inthawkin a sansuok thei che am a nih?” a ta.

DANIEL 6:21

Daniel chun lal kuoma chun, “Aw lalpa, kumkhuoin dam rawh.

DANIEL 7:25

Achunghnungtak chu kalin thu hril a ta, Achunghnungtak mi inthienghai chu hung suksieng a tih: chun, hunhai le dân chu sukdanglam dingin ngaituong a ta, hun khat le hunhai le hun chenve sûng chu a kuta pêk nîng an tih.

THILTHAWHAI 16:17

Ama chun Paula le keini a mi zui a, “Hienghai, sandamna lampui hriltu cheu hi, Achunghnungtak Pathien suokhai an ni hi,” tiin a khêk a.

THILTHAWHAI 16:37

Nisienlakhawm, Paula chun an kuomah, “Rom mi kan ni si a, kan thiem le kan thiem naw hre lovin vântlâng mithmuin an mi vuok a, intângna inah an mi khum a; tuhin arûkin an mi hnawt suok vei ding a ni maw? Ni thei naw ni; anni ngei hung hai sienla mi hung ṭhuoi suok raw hai se,” a ta.

THILTHAWHAI 27:23

A ta ka na, a rawng ka bâwl hlak Pathien kha, ama vântirko pakhat vawizân hin ka kâwlah a hung ngîr a, ka kuomah,

GALATI 1:10

Anleh, tuhin mihriem suklâwm tum am ka ni, Pathien suklâwm? Annawleh, mihriem laia tlâktlum tum ringawt am ka nih? Lo ni lang chu Krista suok ni naw ningah.

DÂN PAHNINA 4:20

Lalpa chun a mihai, a ro ni dinga thîr rawtuinaa inthawk, Aigupta rama inthawk chun a ṭhuoi suok lem cheu a ni kha, tuta in ni ang hin.

JOSUA 3:17

Chun, Lalpa thuthlung bâwm zâwntu thiempuhai chu Jordan vadung laia chun, hnuoi hulah an ngîr zing ta a; mipui po po chun Jordan vadung chu an kai fai vawng chenin Israelhai po po chu hnuoi hula chun an fe kai ta vawng a.

JOSUA 4:10

Mosiein Josua kuoma thu a lo pêk ta po po anga, Lalpain mipuihai kuoma hril dinga Josua thu a pêk chu thaw vawng a ni hmakhat chun thiempu bâwm zâwntuhai chu Jordan vadung lailunga chun an ngîr zing el a. Chuongchun, mipuihai chu inhmawtakin an kai tâwl ta a.

THUPUONGSUO 19:5

Chun, lalṭhungphaa inthawkin rawl a hung suok a, “Nangni a suok po po, ân zâtu mi lien le mi chînhai, ei Pathien chu inpâk ro,” a ta.