DANIEL 3:24 - Pathien Lekhabu Inthieng (BSI)

²⁴ Chun, lal Nebukadnezzar chun mak a ti ta hle a, inhmawtakin a tho a, a rorêltuhai chu a biek a, an kuomah, “Mi pathum kha khuop sain mei lai ei pei lût a ni naw am a ni kha?” a ta. Anni chun an dawn a, lal kuoma chun, “Aw lalpa, pei e,” an ta.

DANIEL 3:24 ပူးပေါင်းရင်းမြစ်များ

2 CHANCHIN SUINA 22:4

Ahab sûngkuoin an thaw ang khan Lalpa mithmuah thil ṭha naw chu a thaw a; a pa a thi hnung chun anni chu a sietna ding chena a thu rawtpuituhai an ni si a.

DANIEL 3:17

Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

DANIEL 3:23

Chun, chuong mi pathum, Sadrak, Mesak le Abednego chu khuop hlawm saa umin meithuk chawklai râpthlâktakah chun an tla lût ta a.

DANIEL 3:25

Ama chun a dawn a, “En ta u, mei laia khun mi pali sût sain inlawnin ka hmu a, na hrim an ti nawh; a palina hmêl putzie chu pathienhai naupa ang a nih,” a ta.

DANIEL 4:22

Aw lalpa, nang hi i nih: i hung inṭhangin i hung hrât a, i ropuina chu a hung lien a, vân a hung tawng a, i ram hlak chu hnuoi tâwp chen a ni bawk si a.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i tluongtlungna hi sukseia a um theina dingin,” a ta.

DANIEL 5:18

Aw nang lalpa, Achunghnungtak Pathien chun i pa Nebukadnezzar chu ram dâm, ropuina dâm, nasatna dâm, inlalna dâm a pêk a;

DANIEL 5:6

Chun, lal hmêlput dân chu a hung danglam a, a ngaituonahai chun ama a sukbuoi ta a; a kâwngru insuktuoknahai chu a hung inthâwt a, a khûp le khûp chu an invuoktuo ta a.

DANIEL 6:22

Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm iengkhawm ka sukpawi nawh,” a ta.

DANIEL 6:7

Hi rama hotuhai, ram awptuhai, biel awptuhai, sipai hotuhai le rorêltuhai po po kan inkhâwm a, aw lalpa, ni sâwmthum sûng chu nangma kuoma chau naw chu tukhawmin mi dang amanih, pathien amani kuoma hnina a siem hrim hrim chu, ama chu sakeibakneihai pûka pei lût ni raw se tia dân dettak siem dingin kan inbiekthlûk tah a nih.

THILTHAWHAI 12:13

Chun, tuolpûk kawtkhâr a hei nawk phingleh, a hming Rodi, nunghâk pakhat, dawn dingin a va fe a.

THILTHAWHAI 26:13

chun, i aw, lalpa, lampuia ka fe laiin, sûnchang lai takin, vâna inthawkin var, nisa nêka var lem, kei le ka fepuihai vêl chu a hung khaw var a.

THILTHAWHAI 26:27

Lal Agrippa, zâwlneihai thu i awi am? I awi ti ka hriet,” a ta.

THILTHAWHAI 9:6

Lalpa chun, “Isu i suknawmnat hi ka nih; nisienlakhawm, tho la, khuoah lût rawh, chuongchun, i thaw ding lo hril an ti che,” a ta.

1 SAMUEL 17:55

Chun, Saulan Philistin mihai thaw dinga David a fe lai a hmu khan sipai hotu Abner kuoma chun, “Abner, hi tleirâwl hi tu nau am a na?” a ta. Chun, Abner chun, “I hringna sâlin ka hril a nih, aw lalpa, ka hriet dêr naw a,” a ta.