DANIEL 3:17 - Pathien Lekhabu Inthieng (BSI)

¹⁷ Chuong chu a ni ding chun, kan Pathien a rawng kan ibâwl chun meithuk chawklai râpthlâka inthawk chun a mi sanhim thei a; aw lalpa, i kuta inthawk khawmin a mi sanhim thei a nih.

DANIEL 3:17 ပူးပေါင်းရင်းမြစ်များ

INṬANNA 17:1

Chun, Abram chu kum sawmkuo pakuo mi a niin Lalpa chu Abram kuomah a hung inlâr a, a kuomah, “Kei Pathien Iengkimthawthei ka nih, ka hmaah um la, ṭha famkimin um rawh.

INṬANNA 18:14

Lalpa ta dingin thil hrim hrim intak taluo a um am a nih? Hun ruotah, hun a tlung tiktik chun, i kuomah hung nâwk ka tih, chun Sara chun naupasal nei a tih,” a ta.

JOB LEKHABU (THE BOOK OF JOB) 34:29

To ṭawk ṭawka a um laiin, tuin am dem thei an ta? Chun, a hmai a thup lai chun tuin am ama chu hmu thei an ta? Hnam pumpui chunga thaw amanih mi pakhat chunga t haw amani khawm ni sien, angkhat a nih.

JOB LEKHABU (THE BOOK OF JOB) 5:19

Buoina paruka inthawkin sansuok a ti che a, Anih, pasaria thil ṭha naw hrimin nang nâwk ta naw ni che.

INPÂKNA HLABU 115:3

Kan Pathien chu vânah a um si a, A nuom taphawt a thaw a nih.

INPÂKNA HLABU 37:39

Mi felhai sandamna ruok chu Lalpa kuoma inthawk a ni a. Ama chu lunginzîng laia an kulbîng a ni hlak a.

INPÂKNA HLABU 37:40

Lalpain anni chu a ṭhangpuiin a sanhim hlak a, Amaa chun an tlûklût leiin; Mi rilohaia inthawk chun a sanhimin a sandam hlak.

INPÂKNA HLABU 73:20

Miin meng hnunga mang an ngainêp angin, Aw Lalpa, i har pha chun anni hlimthla chu ngainêp i tih.

ISAI 12:2

Ngai ta, Pathien chu ka sandamna a na, ring ka ta, ṭiin um naw ning ah; Lalpa Jehova chu ka hrâtna le ka hla a ni si a; a mi sandamtu a lo ni ta bawk a,” tiin.

ISAI 54:14

Felnaa sukdetin um i ta, nêksâwrnaa inthawka hlatakah um i tih; i ṭi ta naw ding a nih; thil râpthlâka inthawka hlatakah um bawk i ta; a hnai naw ding che a nih.

JEREMIA 1:8

Anni lei chun ṭi naw la, Nang chu sanhim ding chein i kuomah ka um si a; Lalpa chun a tih,” tiin.

JEREMIA 15:20

Chun, hi hnam ta ding hin dârsen bang kulah siem ka ti che a; nang chu hung do hlak an ti che a, nisienlakhawm, hne ngai naw ni hai che; sandam ding le sansuok ding chein i kuomah ka um zing si a, Lalpa chun a tih.

JEREMIA 15:21

Mi rilohai kuta inthawk chun sansuok ka ti che a, thil ṭium kuta inthawk chun intlansuok bawk ka ti che.

DANIEL 3:26

Chun, Nebukadnezzar chu meithuk chawklai râpthlâktak bula chun a hung hnai a, “Sadrak, Mesak, Abednego, nangni Pathien Chunghnungtak siehlawhai, hung suok unla, hi tieng hin hung ro,” tiin a biek a. Chun, Sadrak, Mesak le, Abednego chu mei laia inthawk chun an hung suok ta a.

DANIEL 4:35

Hnuoi chung hluotuhai po po chu iengkhawm ni lo anga ngai an na, Hnuoi chung hluotuhai le vâna sipai pâwl ruolhai chunga chun A nuom ang angin a thaw a, Tukhawmin a kut chu an chel thei naw a. “Nangin ieng am i thaw an leh?” an ti thei bawk nawh.

DANIEL 6:16

Chun, lal chun thu a pêk a, Daniel chu an hung ṭhuoi a, sakeibakneihai pûka chun an pei lût ta a. Lal chun a hril a, Daniel kuoma chun, “I Pathien a rawng i bâwl zing hlak chun sansuok a ti che, ” a ta.

DANIEL 6:23

Chun, lal chu nasatakin a lâwm tah a, Daniel chu pûka inthawka la suok ding chun anni chu thu a pêk tah a, chuongchun, Daniel chu pûka inthawk chu lâk suokin a um a, ama chun Pathien chu a ring tlat leiin amaa chun suknatna iengkhawm hmuin a um naw a.

DANIEL 6:27

Ama chun a sansuokin a sanhim a, Hnuoi le vâna khawm thilmakhai le inchiknahai a thaw a, Ama chu sakeibakneihai thilthawtheinaa inthawka Daniel sanhimtu chu a nih,” tiin.

MIKA 7:7

Kei ruok chun chu Lalpa en ka ta; ka sandamna Pathien chu nghâk ka tih; ka Pathien chun a mi ngai ding a nih.

LUKA 1:37

Pathien ta ding chun thaw thei naw iengkhawm a um si naw a,” a ta.

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha inhriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

THILTHAWHAI 21:13

Paula chun a dawn a, “Iem a ta, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni lovin, thi khawm ka huom in sawnnaw,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:31

Chuong thua chun ieng am hril tâng ei ta? Pathien eini tieng a ṭhang chun tuin am mi do thei a ta?

2 KORINTH 1:10

Ama chun chuong ang lâwma thina nasaa inthawk chun a mi lo sansuok ta a, mi la sansuok nâwk a ta: mi la sansuok nâwk pei a tih ti kan beisei tlat a nih,

HEBRAIHAI 7:25

Chuongchun, amaa Pathien kuoma hunghai chu a tâwp khâwk chenin a sandam thei bawk a nih; anni ṭawngṭai pêk dingin chatuona a hring zing leiin.

1 SAMUEL 17:37

Chun, David chun, “Sakeibaknei kutbâwra inthawk le, savawm kutbâwra inthawka mi sansuoktu Lalpa chun chu Philistin mi kuta inthawk chun mi sansuok a tih,” a ta. Chun, Saula chun David kuoma chun, “Fe raw le, i kuomah Lalpa um a tih” a ta.

1 SAMUEL 17:46

Vawisûn hin Lalpain nang hi ka kutah a mi pêk ding a nih, chun, that ka ti che a, i lu ka tanpêk ding che a nih; chun, Philistin sipaihai ruong chu vawisûn hin ramsahai le chunglêng vatehai kân fâktir ding a nih; chuongchun, hnuoi chunga mi po po hin Israelhai lai hin Pathien a um ti hre thei an tih;