DANIEL 3:12 - Pathien Lekhabu Inthieng (BSI)

¹² Juda mi ṭhenkhat hieng Sadrak, Mesak le Abednego hai Babulon biel sûng chungchânga hotua i ruothai kha, khânghai rawi khan, aw lalpa, an pawisa naw che a nih, i pathienhai rawng chu an bâwl naw a, rângkachak milim în ngîrtir khawm kha chibai an bûk bawk nawh,” an ta.

DANIEL 3:12 ပူးပေါင်းရင်းမြစ်များ

ESTHER 3:8

Chun, Haman chun lal Ahasuer kuoma chun, “I ram sûng rambung po poa mihai laia indara umdar chi khat an um a nih; an dânhai chu mi danghai dân hrim hrima inthawkin a danglam bîk rieu a, lal dânhai khawm hi an zâwm chuong bawk naw a; chuleiin, anni ngaithei zing hi lal ta dinga ṭhathnemna a ni nawh.

THUVARHAI 27:4

Lunginsenna hi a suol a, lungawi nawna hi a phulliem a; Amiruokchu, tu am îtthîkna hmaa chun ngîr thei a ta?

THUHRILTU 4:4

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmu a. Hi khawm hi teplo el, lungril rimsikna el a nih.

DANIEL 1:7

Chun, mitillâk hotu chun anni chu hming tharhai a pêk a; Daniel chu Beltesazzar ân bûk a, Hanania chu Sadrak, Misael chu Mesak, Azaria chu Abednego.

DANIEL 2:48

Chun, lal chun Daniel chu ropuitakin a siem a, thilpêk ropuitakhai a pêk a, Babulon rama mi var po po chunga hotu tak le Babulon biel sûng po poa rorêl dingin a siem ta a.

DANIEL 2:49

Chun, Daniel chun lal chu a hni a, ama chun Sadrak hai, Mesak hai, Abednego hai chu Babulon chungchâng thuha hotu dingin a ruot a. Daniel ruok chu lal rorêlna ina chun a um ta lem a.

DANIEL 3:11

chun, tukhawm bawkkhupa chibai bûk naw taphawt chu meithuk chawklai râpthlâktaka chun pei lût nîng an tih, tiin.

DANIEL 3:16

Sadrak, Mesak le, Abednego chun an dawn a, lal kuoma chun, “Aw Nebukadnezzar, hi thil chungchâng thua hin kan dawn che a ṭûl nawh.

DANIEL 3:29

Chuleichun, thupêk ka siem, mi tin, hnam tin, le ṭawng tin, hieng Sadrak, Mesak le Abednego hai Pathien chunga thil hril suol taphawt chu, sât nawi vawng nîng an ta, an inhai khawm chu êk siekhâwmnaa siem nîng a tih; hieng ang kawnga mi sanhim thei pathien dang hrim an um naw leiin,” a ta.

DANIEL 3:30

Chun, Babulon biel sûnga chun lal chun Sadrak, Mesak le Abednego hai chu a ân kâisângtir ta a.

DANIEL 6:13

Chun, an dawn a, lal kuoma chun, “Kha Daniel Juda ram mi salintângpa khan, aw lalpa, nang a pawisa naw che a, i thupêk i hming ziek khawm kha a pawisa naw a, ni tin hnina vawi thum a siem zie a nih,” an ta.

DANIEL 6:14

Chun, lal chun hieng thu hi a hriet phingleh nasatakin a lungni ta naw a, Daniel chu sansuok dingin a lungril chu a fu ta tlat a; nisa tlâk hmakhat chun sansuok thei dan ding nasatakin a ngaituo a.

THILTHAWHAI 17:7

Jason hin a lo intlungtir vei a; hienghai po po hi, ‘A hming Isu, lal dang a um,’ tiin Kaisar thu kalin an um hlak a nih,” an ta.

THILTHAWHAI 5:28

“Hi hming hin inchûktir lo ding kan ti tlat ta cheu kha; hre ro, in thu inchûktirin Jerusalem in suksip vawng ta hi; hi mipa thisen maw hi mîn phurtir ṭâl in tum a ni hi,” tiin a suosal a.