DANIEL 2:47 - Pathien Lekhabu Inthieng (BSI)

⁴⁷ Chun, lal chun Daniel chu a dawn a, “Indiktakin, i Pathien chu pathienhai Pathien, lalhai Lalpa, hi thurûk hi i puong theizie hmu hrim hin, thurûkhai puongtu chu a ni ngei hi,” a ta.

DANIEL 2:47 ပူးပေါင်းရင်းမြစ်များ

INṬANNA 41:39

Pharao bawk chun Josef kuomah, “Pathienin chuong po po chu ân hriettir che leiin, nang anga bengvâr le var hrim hi an um nawh:

2 LALHAI 5:15

Chun, Pathien mi kuoma chun ama le a ruolhai po po leh an hung kîr nâwk a, a hmaa chun a ngîr a; ama chun, “Tuhin ngai ta, hnuoi chung po poah, Israel rama chau naw hin chu Pathien a um nawh ti ka hriet tah; chuleiin, tuhin ka ngên che a nih, i siehlaw thilpêk hi la rawh,” a ta.

JOB LEKHABU (THE BOOK OF JOB) 12:19

Thiempuhai chu ṭhuoi hmangin a suksiet a; Mi hrât chu a nam thlûk bawk a.

INPÂKNA HLABU 136:2

Aw, pathienhai Pathien kuoma chun lâwmthu hril ro, A ngilneina chu kumkhawtluongin a um ding a ni si a.

INPÂKNA HLABU 136:3

Aw, lalpahai Lalpa kuoma chun lâwmthu hril ro, A ngilneina chu kumkhawtluongin a um ding a ni si a.

INPÂKNA HLABU 72:11

Anih, lal po po chu a hmaah bawkkhup an ta, Hnam tinrêngin a rawng bâwl an tih.

INPÂKNA HLABU 82:1

Pathien chu Pathien inkhâwmna siema chun a ngîr a; Pathienhai lai chun ro a rêl a.

INPÂKNA HLABU 96:4

Lalpa chu a ropui a, nasataka inpâk ding a ni si a, Pathien po po nêka ṭî ding a nih.

EZEKIEL 26:7

Lalpa Pathien chun hieng hin a ti si a: Ngai ta, hmartienga inthawkin, lalhai lal Babulon lal Nebukadnezzar chu, sakawr tawlailîrhai leh, pâwl ruol le mi tamtak leh Tura chunga hin hung ṭhuoi ka ta.

DANIEL 11:36

“Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîkthlâk a ni hmakhat chu hlawtling pei a tih.

DANIEL 2:19

Chun, zâna inlârnain Daniel kuoma chun chu thurûk chu puongin a um ta a. Chun, Daniel chun vâna Pathien chu ân pâk ta a.

DANIEL 2:22

Thurûkhai le thil inthûkhai chu an kuomah a puong a, Inthima thil um chu a hriet a, var chu amaa chun a um a nih.

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

DANIEL 2:29

nanga ta ding chun, aw lalpa, hi hnunga thil la hung tlung dinghai chu i khum chungah i ngaituonahai chu i lungrilah a hung lût a nih; thurûkhai puongtu chun thil la hung tlung ding chu ân hriettir che a ni chu.

DANIEL 2:30

Keima chungthua chun, mi dang hrim nêka varna ka hau lem leia hi thurûk hi phuong a ni naw a; amiruokchu, a umzie chu lal kuoma inhriettir a ni theina ding le i lungrila i ngaituohai chu i hriet theina dingin a ni lem.

DANIEL 2:37

Aw lalpa, nang chu lalhai lal, vâna Pathienin ram dâm, thilthawtheina dâm, hrâtna dâm le ropuina dâm a pêk che chu i nih;

DANIEL 3:15

tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chibai in bûk ding chun a ṭha; amiruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.

DANIEL 3:28

Chun, Nebukadnezzar chun a hril a, “Sadrak, Mesak le Abednego hai Pathien, a vântirko hung tir a, a siehlaw ama ringtuhai hung sanhimtu chu inpâkin um raw se; lal thuhai chu a hung sukdanglam a, an Pathien chau naw chu pathien dang hrim hrim chu a rawng an bâwla chibai an bûk nawna dingin an taksahai chu a humpêk ta a.

DANIEL 3:29

Chuleichun, thupêk ka siem, mi tin, hnam tin, le ṭawng tin, hieng Sadrak, Mesak le Abednego hai Pathien chunga thil hril suol taphawt chu, sât nawi vawng nîng an ta, an inhai khawm chu êk siekhâwmnaa siem nîng a tih; hieng ang kawnga mi sanhim thei pathien dang hrim an um naw leiin,” a ta.

DANIEL 4:17

Hi thu sukthlûk hi vêngtuhai thupêk le, mi inthienghai thua phût: hringna nei taphawt chun Achunghnungtak chun mihriemhai rama chun ro a rêl a, a nuomna kuoma chun a pêk a, mi inhnuoitakhai khawm a chunga chun a sie thei ti an hrietna dingin a nih,’ tiin.

DANIEL 4:25

chuongchun, mihriem laia inthawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlobet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 4:32

Chun, mihriemhai laia inthawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung ti a.

DANIEL 5:11

I rama hin mi pakhat amaa pathien inthienghai thlarau umna chu a um a; i pa damlai khawm êngna dâm, hrietthiemna dâm, pathienhai varna anga varna dâm amaa chun hmu suokin a um tah a: aw lalpa, i pa Nebukadnezzar, i pa chun ama chu mitvaidawithiemhai, aisânthiemhai, Kaldai mihai le vânghriltuhai hotuah a siem a,

AMOS 3:7

Indiktakin Lalpa Pathien chun a rawngbâwltu, a zâwlneihai kuoma a thurûk hril lovin iengkhawm thaw naw ni.

1 KORINTH 14:25

a lungril thurûk chu phawr nîng a ta, chuongchun, bawkkhupin Pathien chibai bûk a ta, Pathien nangni lai a um takzet ti hril a tih.

DÂN PAHNINA 10:17

Lalpa in Pathien chu pathien-hai Pathien, hotuhai Hotu, Pathien ropuitak, hrâttak, ṭiumtak el, tukhawm ditsak bîk nei lo, thamna khawm la ngai lo a ni si a.

1 TIMOTHE 6:15

Chu inlârna chu a hun taka chun inpâktlâk thuneitu tak chau, laltakhai laltak, lalhai lal chun inentir a ti che.

JOSUA 22:22

an kuomah, “Lalpa, pathienhai Pathien, Lalpa, pathienhai Pathien chun a hriet a; Israelhai khawmin hre raw se! Kan maichâm siem hi Lalpa nghatsan tuma hel tumna amanih, thil suksuol tumnaa mania siem kan ni chun, (vawisûn ngei khawm hin mi hla naw el ro)

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, kohai, thlanghai, ringumhai chun hne bawk an tih,” a ti a.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.