DANIEL 2:44 - Pathien Lekhabu Inthieng (BSI)

⁴⁴ Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 2:44 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

2 SAMUEL 7:13

Ama chun ka hming dingin in bâwl a ta; chun, a ram lalṭhungpha chu kumkhuoa dingin suknghet ka tih.

2 SAMUEL 7:16

Chun, i sûngkuo le i ram chu chatuona suknghet tlat nîng a ta, i lalṭhungpha chu chatuona suknghet nîng a tih,’ a tih,” tiin Lalpa thu a hung tlung a.

INPÂKNA HLABU 145:13

I ram chu chatuon ram ding a na, I thuneina chu suon um sûng po poin um zing a tih.

ISAI 60:12

I rawng bâwl nuom naw hnam le ram chu a bohmang âwm si a; anih, chuong hnamhai chu suksiet dêrin um an tih.

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

DANIEL 2:34

Chun, kut lovin lungpui a hung insât thlâk a, chu milim thîr le pil kehaia ngîr chu a hung del a, nawi tamtaka a suknawi vawng chen i en a.

DANIEL 2:35

Chun, thîr dâm, pil dâm, dârsen dâm, tangkaruo dâm le rângkachak dâm chu inang rawngin an innawi ta a; nipui laia hrizâwlhaia busi ang el an hung ni ta a; chun, anni ta ding hrimin hmun hmu a ni ta naw a, thli chun a lên hmang vawng ta a; chun, kha lung milim deltu kha tlâng ropuitak a hung na, khawvêl po po a hluo sip ta a.

DANIEL 2:37

Aw lalpa, nang chu lalhai lal, vâna Pathienin ram dâm, thilthawtheina dâm, hrâtna dâm le ropuina dâm a pêk che chu i nih;

DANIEL 2:43

Chun, thîr chu bepil inhnâk le inpawla i hmu ang tak khan anni chu mihriem chiah inchawkpawl an ta; nisienlakhawm, thîr chun pil chu ân pâwlpui thei naw ang bawkin anni chu inzawm tlat naw ni hai.

DANIEL 4:3

Ân chiknahai chu a va ropui ngei de! A thilmakhai chun thil a va thaw thei ngei de! A ram chu chatuon ram a na, A rorêlna khawm chu ṭhanga inthawk ṭhang nâwksâwng chen a nih.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

DANIEL 6:26

Thupêk chu ka siem a; ka ram leilunga mi po pohai chun Daniel Pathien chu ṭiin a hmaa chun inthin raw hai se. Ama chu Pathien hring, chatuona pângngai zing a ni si a, A ram khawm chu suksiet ni ngai naw ni a, A rorêlna chu chatuonin um zing lem a tih.

DANIEL 6:27

Ama chun a sansuokin a sanhim a, Hnuoi le vâna khawm thilmakhai le inchiknahai a thaw a, Ama chu sakeibakneihai thilthawtheinaa inthawka Daniel sanhimtu chu a nih,” tiin.

DANIEL 7:27

Chun, vânhnuoia ram le lalram le ram ropuinahai chu Achunghnungtak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

DANIEL 8:25

A remruot dân hmangin a kuta chun vervêkna chu inhlawtlingtir a ta; a lungrila chun ama le ama chu inchawimawi a tih; chun, an inring naw kârin mi tamtak chu suksieng a ta, lalhai lal chungah ngîrsuok bawk a ta, nisienlakhawm, kut lova suksiet nîng a tih.

MIKA 4:7

kebai chu hlâbîkah siem ka ta, hlataka hnawt hmanga um chu hnam hrâttakah siem ka tih: tuta inthawk chu Zion tlângah kumkhuoin Lalpa chun an chungah ro rêl a tih.

HAGGAI 2:22

ramhai lalṭhungpha khawm chu pei thlâng ka tih; chun, hnamhai lalram hrâtna chu sukse bawk ka tih; chun, tawlailîrhai chu pei thlâng ka ta, a chunga chuongtuhai le chun; sakawrhai le a chunga chuong, mi tin chu mâni unau kâwlhnâm ngeia suktlâwm ni tâng a tih,’ tiin.

HAGGAI 2:7

hnam po pohai chu sukhnîng ka ta; hnam tin thil duthusâmhai chu hung tlung a ta, chun, hi in hi ropuinain suksip ka tih, sipaihai Lalpa chun a tih.

MATTHAI 28:18

Chuongchun Isu chu an kuomah a hung a, anni rawi chu a biek a, “Hnuoi le vâna thuneina po po ka kuomah pêk a ni tah.

JOHAN 12:34

Chun, mipui chun a kuomah, “Krista chu chatuonin a um zing ding a nih ti Dân Lekhabuah kan hriet ie, nangin, ‘Mihriem Naupa khaikângin a um ding a nih,’ ieng ti tia ti am i na? Chu Mihriem Naupa chu tu am a na?” an ta, an dawn a.

HEBRAIHAI 12:28

Chuongchun, ram sukhnîng ruol lo ei chang leiin, lâwmtakin um ei tiu, chu zâra chun inza le ṭidêk pumin Pathien lâwm zâwngin rawng ei bâwl thei ding a nih;

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 2:27

chun, ama chun bêlhemtu bêlhai kawinawi dapa a um angin thîr hmawlin ro rêlpêk a tih,