DANIEL 2:37 - Pathien Lekhabu Inthieng (BSI)

³⁷ Aw lalpa, nang chu lalhai lal, vâna Pathienin ram dâm, thilthawtheina dâm, hrâtna dâm le ropuina dâm a pêk che chu i nih;

DANIEL 2:37 ပူးပေါင်းရင်းမြစ်များ

1 LALHAI 4:24

Vadung râltieng ram po po, Tipsaa inthawka Gaza chenin; Vadung râla lalhai po po chunga chun ân lal a; a vêla mihai po po le chun râlmuongin an um hlak a.

2 LALHAI 25:28

a kuomah ṭhatakin thu a hril a, Babulona lalruol um vehai lalṭhungpha chunga chun a lalṭhungpha chu a sie sâng ta bîk a.

2 CHANCHIN SUINA 36:23

“Persia lal Kura chun hieng ang hin a tih, Vâna Pathien Lalpa chun hnuoi chunga ram po po chu a mi pêk a; Juda rama Jerusalema chun in bâwlpêk dingin a mi ruot ta a. Nangni laia ama mihai taphawt kuoma chun Lalpa a Pathien chu um sienla, hang fe raw se,” tiin.

EZRA 1:2

“Persia lal Kura chun hieng ang hin a hril, ‘Leihnuoia ram po pohai chu Lalpa vâna Pathien chun a mi pêk a; Juda rama Jerusalema chun a ta dinga in bâwl dingin a mi phût bawk a nih.

EZRA 7:12

“Lalhai lal, Artazerzia chun, thiempu Ezra, vâna Pathien dân ziektu Ezra kuomah muongna kim um raw se.

INPÂKNA HLABU 62:11

Pathien chun vawikhat a hril a, E! hi hi vawi hni ka hriet tah: Thilthawtheina hi Pathien ta a nih ti hi.

THUVARHAI 8:15

Lalhaiin keimain ro an rêl a, Lal nauhai chun keimain rorêl dik chu an sukthlûk bawk a.

ISAI 10:8

“Ka mi lien po pohai hi lal vawng an ni naw am a nih? Kalno khuo chu Karkemis khuo ang el a ni tah a ni naw am a nih?

ISAI 47:5

Aw Kaldai naunu, to zingin ṭhung la, inthim hnuoiah lût ta, “Ram tin lalnu,” an ti ta naw ding che a nih.

JEREMIA 28:14

Israel Pathien, sipaihai Lalpa chun hieng hin a tih: Babulon lal Nebukadnezzar rawng chu an bâwl theina dingin hieng hnam po pohai rînga hin thîr rîngkawl chu kân kawltir tah a nih; ama rawng chu bâwl an ta, ramhnuoia ram sahai chenin ama chu ka pêk tah a nih,” tiin.

JEREMIA 34:1

Babulon lal Nebukadnezzar le a sipaihai po po le, a ram sûnga hnuoi chunga lalram po pohai le mi po poin Jerusalem le a khawpuihai po po an do laia Lalpa kuoma inthawka Jeremia kuoma thu hung tlung chu:

EZEKIEL 26:7

Lalpa Pathien chun hieng hin a ti si a: Ngai ta, hmartienga inthawkin, lalhai lal Babulon lal Nebukadnezzar chu, sakawr tawlailîrhai leh, pâwl ruol le mi tamtak leh Tura chunga hin hung ṭhuoi ka ta.

DANIEL 1:2

Chun, Juda lal Jehoiakim chu Pathien ina bûr le bêl ṭhenkhat leh Lalpa chun ama kuta chun a pêk tah a; Sinar rama a pathien ina chun a lâk a, chuong bûr le bêlhai chu a pathien sum ina chun a hung lâk ta a.

DANIEL 2:31

Aw lalpa, ngai ta, milim ropuitak el i hmu a, i en zing a. Chu milim nasatak el le, a varna nasatak el chu i hmaa chun a ngîr a; a hmêlputzie chu râpthlâktak el a na.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 4:19

Chun, Daniel a hming dang Beltesazzar chu chawmkhat tak chu mak ti takin a um a, a ngaituonahai chun ama a sukbuoi vieu a. Lal chun a dawn a; “Beltesazzar, mang chun amanih, a umzie chun amanih sukbuoi naw raw se che.” a ta. Beltesazzar chun a dawn a. “Ka lalpa, mang chu nangma theidatuhai che ta ding a na, a umzie chu i hmêlmahai ta ding a nih.

DANIEL 4:22

Aw lalpa, nang hi i nih: i hung inṭhangin i hung hrât a, i ropuina chu a hung lien a, vân a hung tawng a, i ram hlak chu hnuoi tâwp chen a ni bawk si a.

DANIEL 4:25

chuongchun, mihriem laia inthawka hnawt hmang nîng i ta, i chêngna chu rama ramsahai lai nîng a tih; chun, bâwngchalhai anga hlobet infâktir nîng i ta, vâna inthawka dâidâw chun sukhu ni bawk i tih; chun, hun sarihai chu i chunga chun fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chu.

DANIEL 4:3

Ân chiknahai chu a va ropui ngei de! A thilmakhai chun thil a va thaw thei ngei de! A ram chu chatuon ram a na, A rorêlna khawm chu ṭhanga inthawk ṭhang nâwksâwng chen a nih.

DANIEL 4:32

Chun, mihriemhai laia inthawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung ti a.

DANIEL 4:34

Chuong nihai tâwpa chun, kei Nebukadnezzar hin ka mithai chu vântieng ka tang a, ka hrietna chu ka kuomah a hung kîr nâwk a, Achunghnungtak chu mal ka sâwm a, chatuona hring zing chu ka chawimawiin kân pâk a: A rorêlna chu chatuon rorêl a na, A lalram chu ṭhanga inthawk ṭhang sâwng tamtak chen a ni si a;

DANIEL 5:18

Aw nang lalpa, Achunghnungtak Pathien chun i pa Nebukadnezzar chu ram dâm, ropuina dâm, nasatna dâm, inlalna dâm a pêk a;

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

HOSEA 8:10

Anih, hnam danghai laia chun intlawn chîng sienla khawm, Tuhin anni chu kei khâwm ka tih, Lal le hotuhai rikphur leiin an kiem ṭan a nih.

MATTHAI 6:13

Suol dinga thlêmnaa chun mi ṭhuoi lût naw la, Mi suol laka chun mi sanhim lem rawh. “Ramhai, thilthawtheinahai, ropuinahai, chatuona i ta a ni si a, Amen.

JOHAN 19:11

Isûn, “Chungtienga inthawka pêk i ni naw chun, ka chunga hin thaw thei hrim hrim nei naw ti ni; chuleiin, i kuoma mi petu khan suol a phur zuol a nih,” a ta.

THUPUONGSUO 1:5

Isu Krista, thu hretu ringumtak, mithi laia inthawka tho hmasatak le hnuoia lalhai rorêltu kuoma inthawk dâm chun, lunginsietna le inremna in kuomah um raw se. A mi hmangai a, a thisenin ei suolhaia inthawkin a mîn tlan suok a,

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, kohai, thlanghai, ringumhai chun hne bawk an tih,” a ti a.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.

THUPUONGSUO 4:11

“Nang kan Lalpa le kan Pathien, Ropuina dâm, chawimawina dâm, thilthawtheina dâm chu Hmu tlâk i nih ie, Nangin iengkim i siem a, I dit leia um le siem An ni bawk si a,” tiin.

THUPUONGSUO 5:12

chuonghai chun rawl inring takin, “Berâmte that ta hi Thilthawtheina dâm, hausakna dâm, Varna dâm, hrâtna dâm, chawimawina dâm, ropuina dâm, Malsâwmna dâm hmu tlâk a nih ie,” an ta.