DANIEL 2:34 - Pathien Lekhabu Inthieng (BSI)

³⁴ Chun, kut lovin lungpui a hung insât thlâk a, chu milim thîr le pil kehaia ngîr chu a hung del a, nawi tamtaka a suknawi vawng chen i en a.

DANIEL 2:34 ပူးပေါင်းရင်းမြစ်များ

INPÂKNA HLABU 118:22

In bâwltuhai lung dit naw kha, A kila lung ṭhangkaitak a lo ni tah.

ISAI 28:16

chuleiin, Lalpa Pathien chun hieng ang hin a hril, “Ngai ta, lung, lung fie hnung, a kia lung hlutak ka phûm, dettak chu, Ziona chun lungphûm dingin ka rem hi; ama ringtu chu inhmaw naw nih.

ISAI 60:12

I rawng bâwl nuom naw hnam le ram chu a bohmang âwm si a; anih, chuong hnamhai chu suksiet dêrin um an tih.

ISAI 8:9

“Chi tinhai, buoi nuoi nuoi ta unla, kawinawiin in um ding a nih; ram hlataka mi po pohai, na sit unla, inrâlthuom ro; kawinâwiin in um ding a nih; inrâlthuom ro, kawinâwiin in um ding a nih.

EZEKIEL 32:28

Nisienlakhawm, nang chu sertanlohai laia chun suknawi nîng i ta, kâwlhnâma thata lo um tahai laia chun zâl vêng i tih.

EZEKIEL 47:5

Chu hnunga chun sâng ân khi nâwk a, vadungpui a hung ni ta a, ka fethleng thei ta naw a; tui chu a hung insâng a, vadungpui kai theilo hiel, inhlieuna khawp a hung ni ta a.

DANIEL 2:33

a kehai chu thîr a na, a kephahai chu a ṭhen thîr, a ṭhen chu bepil a nih.

DANIEL 7:27

Chun, vânhnuoia ram le lalram le ram ropuinahai chu Achunghnungtak mi inthienghai hnam kuoma chun pêk nîng a ta, ama ram chu chatuon ram a na, ram po pohai chun a rawng bâwl an ta, ama thu awi an tih,’ tiin.

DANIEL 8:25

A remruot dân hmangin a kuta chun vervêkna chu inhlawtlingtir a ta; a lungrila chun ama le ama chu inchawimawi a tih; chun, an inring naw kârin mi tamtak chu suksieng a ta, lalhai lal chungah ngîrsuok bawk a ta, nisienlakhawm, kut lova suksiet nîng a tih.

ZEKARIA 12:3

Chu nia chun hieng hi hung nîng a ta, hnam po pohai ta dingin Jerusalem chu lung phurriksakah siem ka ta, chuonga amaa insukriktuhai po po nasataka sukhliem nîng an ta; chuongchun, hnuoi chunga hnam po pohai a chunga chun inhâwrkhâwm an tih,” tiin.

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

JOHAN 1:13

Chuong mihai chu thisena nei an ni naw a, tisa dit zâwnga nei an ni bawk naw a, pasal dit zâwnga nei khawm an ni naw a, Pathien inei an ni lem.

THILTHAWHAI 4:11

Nangni in bâwltuhai, in lung dehâwn, a kia lung ṭhangkaitak lo ni ta kha ama hi a nih.

2 KORINTH 5:1

Ei umna hnuoia in hi ṭiek sien khawm, vânah, in kuta bawl lo, kumkhuoa um zing ding, Pathien kuoma in nghet chu ei nei ti ei hriet si a.

HEBRAIHAI 9:24

Krista chu kuta bâwl hmun inthieng a tak angpuia chun a lût si naw a; tuhin Pathien hmaa ei aia ngîr dingin vâna ngei a lût ta lem a;

1 PETER 2:7

Chuongchun, nangni a awihai ta ding chun hlutak a nih, a awi nawhai ta ding ruok chun, “In bâwltuhaiin lung an dit naw kha, Chu ngei chu a kia lung ṭangkai tak a lo ni tah,

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

THUPUONGSUO 17:14

Chuongchun, Berâmte chu do an ta, chun, Berâmte chu hotuhai Hotu le lalhai Lal a ni leiin anni chu hnêng a tih; chun, a kuoma um, kohai, thlanghai, ringumhai chun hne bawk an tih,” a ti a.