DANIEL 2:26 - Pathien Lekhabu Inthieng (BSI)

²⁶ Lal chun a dawn a, Daniel, a hming Beltesazzar kuoma chun, “Mang ka ihmu tâk le a umzie chu nang hin i mîn hriettir thei ding maw?” a ti a, ân dâwn a.

DANIEL 2:26 ပူးပေါင်းရင်းမြစ်များ

INṬANNA 41:15

Chun, Pharao chun Josef kuomah, “Mang ka nei a, a hrilfie thei tukhawm an um naw a, nangin mang hi a thu i hriet chun i hrilfie thei ti i chanchin mi hril ka lo hriet a,” a ti a.

DANIEL 1:7

Chun, mitillâk hotu chun anni chu hming tharhai a pêk a; Daniel chu Beltesazzar ân bûk a, Hanania chu Sadrak, Misael chu Mesak, Azaria chu Abednego.

DANIEL 4:8

Amiruokchu, a tâwp taka chun ka hmaa chun Daniel chu a hung lût a, a hming chu ka pathien hming ang peiin Beltesazzar a nih; amaa chun pathien inthienghai thlarau chu a um a; chuongchun, a hmaa chun mang chu ka hril ta a;

DANIEL 5:12

lalin Beltesazzar ân bûk Daniela chun, thu ringhla umhai sukfelin, thu khirtakhai a umzie inentirin le manghai hrilfiein, amaa chun hrietna dâm, thiemna dâm le lungril ṭha bîk chu hmu suokin a um a. Tuhin Daniel chu inkotir la, a umzie chu inentir el a tih,” a ta.

DANIEL 5:16

Amiruokchu, a umziehai chu i hril theiin, thu ringhlaumhai khawm chu i sukfel thei tiin i chanchin hi ka lo hriet a; tuhin, lekhaziek hi i tiem thei a, a umzie chu i mîn hriettir thei chun puon senduk insiltir nîng i ta, i rîngah rângkachak khaidiet inhlitir ni bawk i ta, hi rama hin rorêltu pathumna chu nîng i tih,” a ta.

DANIEL 7:1

Babulon lal Belsazzar inlal kum khatnaa chun Daniel chun mang neiin a khum chunga chun a lua thil hmulâwkhai chu a hmu tah a; chun, mang chu a ziek a, chuong thilhai umzie chu a hril bawk a.

1 SAMUEL 17:33

Chun, Saulân David kuomah, “Nang chu, hi Philistin mi hi thaw dingin fe thei êm naw ti nih ie, tleirâwl el i la ni si a, ama chu a tleirâwl tîra inthawka indo mi a ni si a,” a ta.