DANIEL 2:21 - Pathien Lekhabu Inthieng (BSI)

²¹ Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 2:21 ပူးပေါင်းရင်းမြစ်များ

1 LALHAI 10:24

Pathienin a lungrila varna thu a siepêk chu ngai dingin khawvêla mi po pohai chun Solomon chu an hung pan huoi huoi hlak a.

1 LALHAI 3:28

Chun, Israelhai po po chun chu thua lal rorêl dân chu an lo hriet a; lal chu an ṭi ta hle el a; rorêlna dinga Pathien varna amaa chun a um ti an hriet ta si a.

1 LALHAI 4:29

Chun, Pathienin Solomon chu varna le hrietna nasatak le, lungril lienna tuipui kama phaiphin ang el a nasa a pêk a.

1 CHANCHIN SUINA 22:12

Lalpa chun hrietthiem theina le thlierthiem theina pe sienla che; Israel chunga thuneina pe raw se che; chuongchun, Lalpa i Pathien dân chu i kawl zing theina dingin,

1 CHANCHIN SUINA 29:30

rambunghaia lalramhai po po chunga le, Israelhai chunga le ama chunga hun lo liem tahai le, a thilthawtheizie le a rorêlhai po po chu chuonghaia chun ziek an nih.

ESTHER 1:13

Chun, lal chun mi varhai, a hunhai hretuhai kuoma chun, (dân le rorêl dân hretuhai po po kuoma chun, hi hi lal thaw dân a ni hrim a:

JOB LEKHABU (THE BOOK OF JOB) 12:18

Lalhai khuopna chu a sût a; An kâwnghai chu kâwngkhiin a khitpêk a,

FESUOKNA 31:3

ama chu Pathien Thlarauin ka suksip ta a, varna le hrietthiemna le kutthiem sin tinrêng thawtheina leh,

FESUOKNA 31:6

Chun, ngai ta, ama inthlawppui dingin Dan hnama mi Ahisamak naupa Oholiab chu ka ruot bawk a; theina nei mihai po kuoma chun themthiemna ka sie ta a, thu ka pêk ta chehai po po kha an siem theina dingin;

DANIEL 1:17

Chun, hieng tleirâwlhai pali hi Pathien chun varna le thiemna po poa bengvarna le hrietna a pêk a; chun, Daniel chun thilhmulâwkhai le manghai chung po poa chun hrietthiemna a nei a.

DANIEL 10:1

Persia lal Kura inlal kum thumnaa chun a hming Beltesazzar inbûk, Daniel kuomah thil suklangin a um a, chu thil chu thil indik, indona ropuitak a na, chu thil chu a hriet a, thilhmulâwk chu hrietthiemna a nei bawk a.

DANIEL 11:6

Kum iengzât amani hnunga chun anni chu hung inzawm khâwm an ta, simtienga lal naunu chu hmârtienga lal kuoma chun inremna siem dingin hung a tih; nisienlakhawm, a kut hrâtna chu nei sawng naw nih; amapa chu ngîr naw ni a, a kut khawm châng bawk naw ni; nisienlakhawm, chuong nihaia amanu lo sukhrâttu le amanu lo thlatupa le, ama hung ṭhuoituhai chu amanu le chun bânsanin um an tih.

DANIEL 2:20

Daniel chun a dawn a, “Pathien hming chu chatuon chatuon chenin inpâkin um raw se, Varna le hrâtna dâm chu ama ta a ni si a.

DANIEL 2:23

Aw nang kan thlatuhai Pathien, varna le hrâtna mi petu, Kân pâk che a, i kuomah lâwmthu ka hung hril hi, Kan hung ngên chu i mîn hriettir ta a, Lal thu chungchâng hi kan kuomah i hung inhriettir ta si a,” tiin.

DANIEL 2:9

Nisienlakhawm, mang chu in mîn hriettir naw chun, in ta dingin dân pakhat chau a um a nih: hun a hung inthleng hmakhat chu ka hmaa hin thu sie le khêl hril dingin in inbuotsai a ni si a; chuleiin, mang chu mi hril unla; chun mang chu a hrilfiena in mîn entir thei ngei a nih ti ka hriet ding annâwm,” a ta.

DANIEL 4:14

Ama chu inringtakin a khêk a, ‘Thing kha phûr thlu unla, a kâuhai kha tan thla ro, a hnahai kha sâwi ṭil unla, a ra kha the dar bawk ro; a kâuhaia vatehai le, a hnuoia ramsahai kha fe hmang raw hai seh.

DANIEL 4:17

Hi thu sukthlûk hi vêngtuhai thupêk le, mi inthienghai thua phût: hringna nei taphawt chun Achunghnungtak chun mihriemhai rama chun ro a rêl a, a nuomna kuoma chun a pêk a, mi inhnuoitakhai khawm a chunga chun a sie thei ti an hrietna dingin a nih,’ tiin.

DANIEL 4:22

Aw lalpa, nang hi i nih: i hung inṭhangin i hung hrât a, i ropuina chu a hung lien a, vân a hung tawng a, i ram hlak chu hnuoi tâwp chen a ni bawk si a.

DANIEL 4:32

Chun, mihriemhai laia inthawka hnawt hmang nîng i ta, i chêngna ding chu rama ramsahai lai nîng a tih; bâwngchal anga hlobet infâktir nîng i ta; chun, hun sarihai chu i chungah fe liem a tih; mihriemhai ram chunga hin Achunghnungtak chun ro a rêl a, a nuom nuom kuomah a pêk hlak ti i hriet hmakhat chun,” a hung ti a.

DANIEL 7:25

Achunghnungtak chu kalin thu hril a ta, Achunghnungtak mi inthienghai chu hung suksieng a tih: chun, hunhai le dân chu sukdanglam dingin ngaituong a ta, hun khat le hunhai le hun chenve sûng chu a kuta pêk nîng an tih.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 13:1

Mi tin an chunga rorêltuhai thu thuin um raw se. Pathien thu lovin tukhawm rorêltu an um ngai si naw a; rorêltua umhai hi Pathien iruot an nih.

1 KORINTH 1:30

Nangni ruok chu ama zârah, Krista Isua chun in um a nih; ama chu Pathien kuoma inthawka ei ta dinga varnaa siem a nih, felnaa dâm, inthiengnaa dâm, intlannaa dâm leh.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun danglamna le inherna hlim hrim hrim a um thei nawh.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.

THUPUONGSUO 19:16

Chun, a puona le a êlpuia chun, “Lalhai Lal le hotuhai Hotu,” tia hming ziek a um.