DANIEL 12:10 - Pathien Lekhabu Inthieng (BSI)

¹⁰ Mi tamtak chu anni le anni insukthieng an ta, insukvâr an ta, insukthieng an tih; nisienlakhawm, mi khawhlohai chun khawhlotakin thâwng an ta; mi khawhlohai tukhawmin hrethiem naw ni hai; amiruokchu, a varhai chun hrethiem an tih.

DANIEL 12:10 ပူးပေါင်းရင်းမြစ်များ

INPÂKNA HLABU 107:43

Tukhawm a var taphawt chun chuong chu vawng ṭhâng an ta, Lalpa ngilneina chu ngaituong an tih.

INPÂKNA HLABU 51:7

Husopin mi sukfai la, chuongchun, fai ka tih; Mi sâwpfai la, chuongchun, vûr nêkin vâr ka tih.

THUVARHAI 1:5

Mi var chun a hriet a, thiemnaa chun a belsa theina ding le, Hrietthiemna nei mi chun rorêlna ṭhahai chu a changna dingin;

ISAI 1:18

Lalpa chun, “Hung ta u, ngaituo tlâng ei tiu! In suolhai chu sen inlâr angin um ta sienla khawm, vûr angin vâr a tih; sen duk angin sen ta sienla khawm, berâm hmul angin um a tih.

EZEKIEL 36:25

Tui inthieng chu thinkhum ka ti cheu a, inthieng tâng in tih; in inthiengnawna po poa inthawk le in milimhai po poa inthawkin sukthieng ka ti cheu.

EZEKIEL 47:11

Amiruokchu, chutaka dûm hmunhai le dieldâwk hmunhai chu sukthieng ni naw ni hai a, chi dinga mâksan ni lem an tih.

DANIEL 11:33

Chun, mihai laia a varhai chun, mi tamtak inchûktir an ta; ni tamtak sûng, râllâk le, sala manin mei le kâwlhnâmin tlûng an tih.

DANIEL 11:35

Chun, chuong a varhai chu hun tâwpa chun anni chu sukvar ding le, sukfai ding le, sukṭha dingin tlûng an tih; hun ruota ding chu a la ni leiin.

DANIEL 12:3

Chun, mi varhai chu vâna var ang khin var tâng an ta; chun, mihai felna tienga lo ṭhuoi lûttuhai chu chatuonin arasihai angin var tâng an tih.

HOSEA 14:9

Tu am vara hieng hi hrethiem thei ding? Tu am var hlea hre thei ding? Lalpa lampuihai chu an indik a; Mi indikhai chun an hraw ding a ni si a; Bawsetuhai ruok chu chutaka chun An insui thlu ding a nih.

ZEKARIA 13:9

Chun, a hmun thumna chu meiah infethlengtir ka ta, tangkaruo chu sukthieng a ni angin sukthieng ka ta, rângkachak chu fie a ni angin fieng ka tih: chun, ka hming lam an ta, kei khawma anni chu ngai tâng ka tih; ‘Ka mihai an nih,’ tîng ka ta; chun, anni khawma, ‘Lalpa chu ka Pathien a nih,’ mi tîng an tih,” a ta.

MALAKI 3:3

ama chu tangkaraw sukthiengtu le sukfaitu angin ṭhung a ta, Levi naupasalhai chu sukthieng a ta, anni chu rângkachak le tangkaruo angin sukfai a tih; chun, anni chun Lalpa kuomah felnain thilinhlânhai chu inhlân an tih.

MARKA 4:11

Chun, ama chun an kuomah, “Pathien ram thurûk chu nangni hai hriet chu phal a na, puotienga mihai ta ding ruok chun iengkim tekhithua hril a nih;

LUKA 24:25

Chun, ama chun an kuomah, “Mi invêthai, zâwlneihai thu hril po po awi kawnga ngawnghai!

JOHAN 18:37

Chun, Pilatin a kuomah, “Chu lal i ni am a nih?” a ta. Isûn, “Lal ka nizie i hril zing chu. Thutak inhriettir hi ka pieng san le khawvêla ka hung san a nih. Tukhawm thutaka mi taphawt chun ka thu an pawm hlak,” a ta.

JOHAN 7:17

Tûkhawm ama dit zâwng thaw nuom chun, thu inchûktir hi Pathien suksuok am a ni, keia phuokfâwma ka hril, hrieng a tih.

JOHAN 8:47

Pathien kuoma inthawka suok chun Pathien thu a pawm hlak; hi lei hin in pawm naw a nih, Pathien kuoma inthawka suok in ni naw leiin,” a ta.

1 KORINTH 6:11

Chun, nangni ṭhenkhat chuong ang mi in ni hlak kha; nisienlakhawm, Lalpa Isu Krista hminga le ei Pathien Thlaraua sâwpfai in ni ta a, sukthieng in ni ta a, thiemchang in ni tah.

2 KORINTH 7:1

Chuongchun, dittakhai, chuong thutiem chu ei nei leiin, tisa le thlarau inthiengnaw po poah insukfai ei tiu, Pathien ṭi puma inthiengna sukfamkimin.

TITA 2:14

Ama chun bawsietna po poa inthawka a mîn tlan theina dingin le, chi thlang bîk, thil ṭha thawa ṭhahnemngaia, ama ta dinga a sukthieng theina dingin ei aiin ân pêk kha.

HEBRAIHAI 12:10

Anni chun ni sâwt nawtê ṭha an ti ang peiin an mi thunun ngei luo a, Ama ruok chun ân thiengna chu ei chang ve theina dingin, ei ṭhatna dingin a mi thunun lem a nih.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 PETER 1:7

in ringna fiena, rângkachak meia fie hnung khawma bohmang hlak nêka hlu lem chu, Isu Krista inlâr pha chun inpâkna le chawimawina le ropuina ding a hung ni theina dingin.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.

THUPUONGSUO 16:11

an nahai le an pânnahai leiin vâna Pathien chu an hrilsiet a; an thilthawhai chu an sim chuong nawh.

THUPUONGSUO 19:14

Vâna sipaihai chun, puon zai inhmi vârtak, faitak silin, sakawr vârhai chunga chuongin an zui a.

THUPUONGSUO 19:8

Puon zai inhmi faitak, vârtak sil phal pêk a ni a, (puon zai inhmi chu mi inthienghai thilthaw fel a ni si a.)

THUPUONGSUO 22:11

Mi felnaw chu sukfelnawin um zing raw se, mi inthiengnaw chu sukthiengnawin um zing raw se, mi fel chu sukfelin um zing raw se, mi inthieng chu sukthiengin um zing raw se.

THUPUONGSUO 3:18

i hung hausak theina dingin rângkachak meia sukthieng dâm, puon i sil theina ding le i saruok zamaw chu ân lang nawna dingin puon vâr dâm, i hmu theina dingin i mita i nâl ding mitna hlo dâm ka kuoma inchaw dingin ka ngên che.

1 SAMUEL 24:13

Tienlai mihai thuvarin, ‘Mi suola inthawkin suol a hung suok hlak a,’ a tih a, nisienlakhawm, i chungah kut thlâk naw ning,