DANIEL 11:24 - Pathien Lekhabu Inthieng (BSI)

²⁴ Inrem lai huna chun ram buoina um nawna hmun hmunahai chun hung a ta, a thlatuhai thlatuhai amani, a thlatuhaiin amani thil an thaw ngailo chu hung thâwng a tih; chun, anni lai chun hausakna dâm, râllâk thil dâm le râlthat dâm chu the dar a ta; anih, vawikhat nana na chu a tumnahai chu kul dettak tieng chu innghat a tih.

DANIEL 11:24 ပူးပေါင်းရင်းမြစ်များ

NEHEMIA 9:25

Kulnei khawpuihai le ram ṭhatak takhai chu an lâk a, thilṭha tinrênga sip inhai chu an hluo a, tuikhur huotsa hai, grêp huonhai, oliv huon dâm, thei kûng tamtakhai chu an nei a; chuongchun, an fâk a, an khawp a, an hung thâu a, i ṭhatna nasataka chun nuom an chên a.

THUVARHAI 17:8

Thamna hi a neitu ta ding chun mithaia lung hlutak ang a na, Ân her vêlna taphawta chun a hlawtling hlak.

THUVARHAI 19:6

Mi tamtakin mi tiktlai ditsakna an ngên a, Mi tin chu thilthlâwnpêk petu ta dinga ruol a nih.

THUVARHAI 23:7

Ama chu ân ngaituona ang peia um mi a ni si a, I kuoma chun, “Dâwn la, fa rawh,” a ti dea chu, A lungril ruok chu i kuomah a um nawh.

EZEKIEL 34:14

Hlo pet ding ṭhatak chun anni chu châwm ka ta, Israel insângna tlâng chungahai chun an in chu um a tih; in ṭhatak sûnga chun bawk an ta, Israel tlâng chungahai chun hlo petna hmun tuihnâitaka chun tlâng an tih.

EZEKIEL 38:10

“Lalpa Pathien chun hieng hin a ti a nih: Chu ni chun chuong chu hung tlung a ta, thilhai chu i lungrila chun hung lût a ta, ngairuotna rilo ngairuot i ta,

DANIEL 11:23

Chun, ama le inzawmna siem a ni hnung chun, hmusitumtakin sin thâwng a ta; ama chu mi tlâwmte leh hung a ta, a hrât hle ding a ni si a.

DANIEL 7:25

Achunghnungtak chu kalin thu hril a ta, Achunghnungtak mi inthienghai chu hung suksieng a tih: chun, hunhai le dân chu sukdanglam dingin ngaituong a ta, hun khat le hunhai le hun chenve sûng chu a kuta pêk nîng an tih.

NAMBAR 13:20

Chun, huoitakin um unla, chu rama theirahai chu hung phur ro,” a ta. Grêp ra hmasa ra hun lai tak a nih.

MATTHAI 9:4

Isûn an ngaituohai chu a lo hriet a, “Iengdinga in lungrila suol in ngaituo am a na?

RORELTUHAI 9:4

Chun, Baal-berith ina inthawkin tangka sâwmsari an pêk a, chu chun Abimelek chun mi hotak tak le mi rura tak takhai a ruoi a, anni chun ama chu an zui ta a.