DANIEL 10:6 - Pathien Lekhabu Inthieng (BSI)

⁶ a taksa khawm chu berul lung ang a na, a hmêl inlang dân chu kâwlinlep ang a na, a mithai chu khâwnvar chawklai ang an na, a kuthai le a kehai chu dârsen tlemi ang an na, a thu hril rihai chu mi tamtak râwlri ang a nih.

DANIEL 10:6 ပူးပေါင်းရင်းမြစ်များ

FESUOKNA 28:20

a palina chu birul, onik le jasper lung nîng a ta, a phûmna chu rângkachaka tuom khum seng ni bawk an tih.

HLAHAI HLA 5:14

A kuthai chu rângkachak tluon, berul lung phûm ang chu an na, A taksa chu saihaa siem, Sapphir lunga tuom ang a nih.

EZEKIEL 1:14

Chun, thilhringhai chu kâwl inlep var inkhaw ang hin an tlân a, an kîr nâwk a.

EZEKIEL 1:16

Chu tawlailîr ke inlang dân le an sinthaw chu berul lung zie ang a na, an pali chun inangna an nei seng a; an inlang dân le an sinthaw dân chu tawlailîr kekuol sûnga tawlailîr kekuol um ang a nih.

EZEKIEL 1:24

Chun, an lâwn pha chun, an thla ri chu: tui nasatak ri ang elin, Iengkimthawthei râwl ri ang elin, sipai ruol ri ang, buoi mur mur ri ang ka hriet a. An ngîr pha chun, an thlahai chu an sie thlâk a.

EZEKIEL 1:7

An kehai chu ke intluon ringawt hi an na; an kephahai chu bâwngtê kepha ang a nih; dârsen nâwttle angin an tle a.

EZEKIEL 10:9

Chun, ka hei en a, ngai ta, cherubhai sîra chun kekuol pali, cherub pakhat sîrah kekuol pakhat, cherub dang sîrah kekuol dang pakhat ka hmu a. Chuong kekuolhai inlang dân chu berul lung ang el a nih.

EZEKIEL 40:3

Chun, chu tieng chun a mi ṭhuoi a, chun, ngai ta, mi pakhat, a hmêlput dân chu dârsen ang, a kuta ziza hruol le, inkhina luonghmawl chawi a um a; dâi kawtkhâra chun ama chu a ngîr a.

EZEKIEL 8:2

Chun, ka en a, mei inlang anga inlang hi ka hmu a; a kâwng le hnuoitieng inlang dân chu mei a na, a kâwng le a chungtieng inlang dân chu var ang, ṭhihna zie ang a na.

MATTHAI 17:2

an hmaa chun a hmêl umzie chu a hung danglam ta a; a hmai nisa angin a hung var a; a silfênhai chu vûr angin a hung vâr ta a.

MATTHAI 28:3

A hmêl umzie chu kâwlinlep ang a na, a silfên chu vûr angin a vâr a.

LUKA 9:29

Chun, a ṭawngṭai laiin a hmêl umzie chu a hung danglam a, a silfênhai chu a hung vâr a, mi elkhal theiin a um ta a.

THUPUONGSUO 10:1

Chun, vântirko hrâttak dang pakhat, sûma inthuom, vâna inthawka hung ṭum ka hmu a; a lua chun sumrisâng ân zâm a, a hmai chu nisa ang a na, a kehai chu mei ban ang a nih.

THUPUONGSUO 19:12

A mithai chu meichawk ang a na, lallukhum tamtak a khum a, achun, hming ziek ama chau naw chun tûkhawmin an ihriet naw a nei a.

THUPUONGSUO 2:18

Chun, Thuatiraa kohran tirko kuoma chun hieng hin ziek rawh: “ ‘Pathien Naupa, mit meichawk ang nei, a kephahai dâr tle mi ang khan, hieng thu hi a hril a nih:

THUPUONGSUO 21:20

a pangana chu sardonuk lung a na, a parukna chu sardion lung a na, a pasarina chu kruso lung a na; a parietna chu birul lung a na, a pakuona chu topaz lung a na; a sâwmna chu krusopra lung a na; a sâwmpakhatna chu ngên lung a na; a sâwmpahnina chu amethusto lung a nih.