DANIEL 10:20 - Pathien Lekhabu Inthieng (BSI)

²⁰ Chun, ama chun, “I kuomah iengdinga hung am ka na ti i hriet am? Tuhin Persia lal chu do dingin kîr nâwk ka ta; chun, ka fe suok pha chun, ngai ta, Grik ram lal chu hung a tih.

DANIEL 10:20 ပူးပေါင်းရင်းမြစ်များ

EZRA 4:4

Chuongchun, chu rama mihai chun Juda mihai kut chu an sukhrâtnaw ta a, in bâwl thua chun an sukbuoi a,

ISAI 37:36

Chuongchun, Lalpa vântirko chu a va suok a. Assuria mihai riekhmuna chun mi nuoi khat, sing riet sâng nga a sukhlum a; chun, zîngkâra mi an hang tho chun ngai ta, mithi ruong khât ngawt a lo ni ta a.

DANIEL 10:13

Nisienlakhawm, Persia ram lal chun ni sâwmhni pakhat sûng chu a mi lo dangkîr a; amiruokchu, ngai ta, Mikael hotu laia lutak pakhat chu kei mi ṭhangpui dingin a hung a; chuongchun, Persia ram lalhai le chun chutaka chun ka um zing ta a.

DANIEL 7:6

Hi hnunga hin, ngai ta, a dang keitê ang, a ruongzânga vate thlahai ang thla pali nei chu ka hmu a; chu sahrâng chun lu pali khawm a nei bawk a, a kuoma chun rorêlna chu pêk a ni ta a.

DANIEL 8:21

Kêlchal nunsetak kha Grik ram lal a nih; chun, a mithai kâra ki ropuitak kha lal hmasatak chu a nih.

THILTHAWHAI 12:23

Ama chun Pathien kuomah chawimawina chu a pêk naw leiin kârlovin Lalpa vântirkoin a man a, rulrukûtin a fâk a, a thi ta a.