DANIEL 10:16 - Pathien Lekhabu Inthieng (BSI)

¹⁶ Chun, ngai ta, mi pakhat, mihriem naupahai angtak el hin ka hmûrhai chu a hung them a; chun, ka bau chu ka ka a, ka hmaa ngîr kuoma chun thu ka hril ta a, “Aw ka lalpa, thilhmulâwk lei chun ka lungngainahai chu ka chungah a tla ta a, chuongchun, hrâtna hrim ka nei ta dêr nawh.

DANIEL 10:16 ပူးပေါင်းရင်းမြစ်များ

FESUOKNA 4:10

Mosie chun Lalpa kuomah, “Tuhin le a hma khawmin, i siehlaw kuomah thu i hung hril chena khawm, mi danginnâl ka ni naw a, ṭawng muongtak le danginâwk ka ni si a,” a ti a.

FESUOKNA 4:13

Ama ruok chun, “Aw Lalpa, ka hni che, mi dang tir lem el rawh,” a ti a.

THUHRILTU 1:18

Varna tamtak umnaa chun lungngaina tamtak a um ve a; Hrietna insukpungtu khawm chun lungngaina ân sukpung bawk a nih.

ISAI 6:7

ka bau a hang bel a, “Ngai rawh, hi hin i hmûr a tâwk tah; chuongchun, i khawhlona lâk hmang a ni ta a, i suol khawm tlêngfai a ni tah,” a ta.

JEREMIA 1:9

Chun, Lalpa chun a kutin a hung ban a, ka bau chu a tâwk ta a; chun, Lalpa chun ka kuoma chun, “Ngai ta, i baua chun ka thuhai chu ka sie tah,

EZEKIEL 1:26

An luhai chunga, vân chunga chun, lalṭhungpha ang, sapphir lung anga inlang a um a; lalṭhungpha angtak chunga chun mihriem anga inlang a um a.

EZEKIEL 3:27

Nisienlakhawm, nanga kuoma thu ka hung hril pha chun, i bau chu hawng ka ta, an kuoma chun, ‘Lalpa Pathien chun hieng hin a tih,’ tîng i tih. A hre taphawt chun lo ngai raw se; a ngaisak naw taphawt chu ngaisak lovin um raw se; sûngkaw hel hmang an ni si a.

EZEKIEL 33:22

Chun, chu hung tlân suok hung hma, zântieng chun Lalpa kut chu ka chungah a um a, zîngkâra ka kuoma a hung hma po chun ka bau chu a mîn kâktir a; ka bau chu inkâktirin a um a, ṭawng thei lovin ka um ta naw a.

DANIEL 12:8

A ri chu ka hriet a, a ngaina ruok chu ka hriet naw a; chun, kei chun, “Aw ka Lalpa, hieng thilhai tâwpna chu ieng am nîng a ta?” ka ta.

DANIEL 4:19

Chun, Daniel a hming dang Beltesazzar chu chawmkhat tak chu mak ti takin a um a, a ngaituonahai chun ama a sukbuoi vieu a. Lal chun a dawn a; “Beltesazzar, mang chun amanih, a umzie chun amanih sukbuoi naw raw se che.” a ta. Beltesazzar chun a dawn a. “Ka lalpa, mang chu nangma theidatuhai che ta ding a na, a umzie chu i hmêlmahai ta ding a nih.

DANIEL 7:15

“Kei Daniel ruok chu, ka taksa sûnga chun ka lungril chu suknatin a um a, ka lua thil hmulâwkhai chun an mi suklungzîng hle a.

DANIEL 7:28

“Hi hi thu tâwpna chu a ni a; kei Daniel ta ding chun ka ngaituonahai chun a mi sukbuoi hle a, ka hmêlputziehai chu a hung danglam a; nisienlakhawm, chu thil chu ka lungrilah ka vawng zing a,”tiin.

DANIEL 8:15

Chun, kei Daniel ngei hin, hre dinga ka izawng thilhmulâwk chu ka hmu ta a; chun, ngai ta, ka hmaa chun mihriem hmêlput hi a hung ngîr a.

DANIEL 8:17

Chuongchun, ka ngîrna hmun kâwla chun a hung hnai a; chun, a hung hnai chun ka ṭi a, ka bawkkhup ta a; nisienlakhawm, ka kuoma chun, “Aw mihriem naupa, thil hmulâwkhai chu hun tâwpa ding a nih ti hi hre rawh,” a ta.

DANIEL 8:18

Ka kuoma thu a hril lai chun ka hmai chu hnuoi tieng innghatin inhniktakin ka in a; nisienlakhawm, a mi them a, a mîn tungtho ta a.

DANIEL 8:27

Chun, kei Daniel chu ka châu a, ni iengzât amani chu ka damnaw a; chun, ka tho a, lal sin chu ka thaw ta a: nisienlakhawm, thilhmulâwka chun mak ka ti êm êm a, tukhawma an hriet thiem si naw a.

DANIEL 9:21

ṭawngṭaia ka ṭawng lai zing chun, mi pakhat Gabriel, a tîra thil hmulâwka ka hmu khan, zântienga thilinhlân hun lai hin, hrâttaka invuongtira umin a mi them a.

LUKA 1:64

Chun, kârlovin a lei le a bau chu a hung insût a. Pathien inpâkin a hung ṭawng suok ta a.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

JOHAN 20:28

Thoman a kuomah ,“Ka Lalpa le ka Pathien i nih,” a ta, a dawn a.

JOSUA 5:14

Ama chun, “Ni lo e, Lalpa sipaihai hotu dinga hung ka ni lem,” a ti a. Chuongchun, Josua chu hnuoiah a bawkkhup a, chibai a bûk a, a kuomah, “Ka Lalpa chun a siehlaw kuoma hin ieng am hril ding a nei a?” a ta.

THUPUONGSUO 1:13

khâwnvar siena lai chun, mi tu amanih mihriem naupa ang, ke lêr chena puon sil, a âwma rângkachak kâwngkhia inkhit ka hmu bawk a.

RORELTUHAI 13:8

Chun, Manoain Lalpa kuomah a ngên ta rak a, a kuomah, “Aw Lalpa, ka hni che, Pathien mi i hung tir kha kan kuomah hung nâwk sienla, naupang hung pieng ding chu ieng tin am a na kan thaw ding mi hung inchûktir raw se,” a ti a.

RORELTUHAI 6:13

Gideon chun a kuomah, “Aw pu, Lalpa kan kuomah a um si chun, iengtiziea hienga kan chunga thil tlung el am a ni a? Kan thlatuhai khan, ‘Lalpa chun Aiguptaa inthawk khan a mi ṭhuoi suok ni lo am a nih?’ tia a thilthaw maktak takhai an mi hrilhai dâm kha khâwlai am a um zo ta leh? Tuhin chu Lalpa chun a mi nghatsan dêr ta a, Midianhai kutah a mi pêk tah a ni hi,” a ti a.

RORELTUHAI 6:15

Ama chun a kuomah, “Aw Lalpa, iengtin am Israelhai hi hang sansuok el hlak ka ti lie? Ngai ta, Manasse thlahai laia hnam châu tak ka ni a, kei hlak hi ka pa sûngkuo laia a chîn tak ka ni bawk si a,” a ti a.