DANIEL 10:14 - Pathien Lekhabu Inthieng (BSI)

¹⁴ Ni nuhnungahai chun i mihai chu iengin am a hung tlâkbuok ding a na ti inhriettir ding chein tuhin ka hung a nih; thilhmulâwk kha ni tamtakhaia ding a la ni chau si a,” a ta.

DANIEL 10:14 ပူးပေါင်းရင်းမြစ်များ

INṬANNA 49:1

Chun, Jakobin a naupasalhai chu a ko a, a hril a; “Ni nuhnunghaia in chunga thil la tlung ding chu ka hril theina ding cheuin hung inkhâwm ro.

ISAI 2:2

Ni nuhnungahai chun Lalpa in umna tlâng chu tlâng lien chungahai chun sukdetin um a ta, tlâng chînhai chunga chun dawm sângin um bawk a ta, chutaka chun hnam tinrênghai chu fe nguoi nguoi an tih.

EZEKIEL 12:27

“Mihriem naupa, ngai ta, Israel sûngkuohai chun hieng hin an ta, ‘Thil hmulâwk a hmuhai hi ni sâwttak la hung tlung dinghaia mi ding chu a na, hun la hlataka mi dinghai chu a lo hril a nih,’ tiin.

EZEKIEL 38:16

ka mi Israelhai chu hung do i ta, sûmpuiin ram a hung tuom ding ang elin; chun, ni nuhnungahai chun aw Gog, an mithmu ngeia nangmaa sukthienga ka um phaa hnam tamtakhai chun an mi hriet theina dingin, ka ram chu indodâl tir ka ti che.

DANIEL 10:1

Persia lal Kura inlal kum thumnaa chun a hming Beltesazzar inbûk, Daniel kuomah thil suklangin a um a, chu thil chu thil indik, indona ropuitak a na, chu thil chu a hriet a, thilhmulâwk chu hrietthiemna a nei bawk a.

DANIEL 12:4

Nisienlakhawm, nang aw Daniel, hun tâwp chena dingin thuhai chu khâr la, lekhabu chu châr tlat rawh: mi tamtak chu hnungtieng hmatieng tlân an ta, hrietna chu a pung ding a ni si a,” tiin.

DANIEL 12:9

Ama chun, “Daniel, fe el rawh, hun tâwp chena dingin hieng thuhai hi khârkhum tlat le chârde tlat an ni si a.

DANIEL 2:28

amiruokchu, vânah Pathien, thurûkhai phuongtu chu a um a, ama chun lal Nebukadnezzar chu ni nuhnunga thil um dinghai chu ân hriettir a nih. I mang le i khum chunga i lua i thil hmulâwkhai chu hienghi an nih:

DANIEL 8:16

Chun, mihriem râwl hi Ulai vapanghai inkâra chun ka hriet a, chu râwl chu a khêk a, “Gabriel, hi mipa hi thil hmulâwk kha inhriettir rawh,” a ta.

DANIEL 8:26

Chun, zântienghai le zîngtienghai thilhmulâwka thil hril chu ân dik a nih; nisienlakhawm, thil hmulâwk chu la khâr hri phawt rawh; ni la hung tlung ding tamtakhai ta ding chu a ni si a,” a ta.

DANIEL 9:22

Chun, hre dingin a mi khîkhmu a, kei a mi biek a, “Aw Daniel, hrietna tienga thiemtaka siem ding chein ka hung a nih.

HOSEA 3:5

Chu hnunga chun Israel mipuihai chu hnungkîr an ta, Lalpa an Pathien le an laltak David chu zawng an ta; ni nuhnunghaia chun Lalpa le a ṭhatna chu inthin pumin pan an tih.

MIKA 4:1

Nisienlakhawm, ni nuhnungahai chun hieng ang hi hung nîng a ta; Lalpa in umna tlâng chu tlâng lienhai chunga chun sukdet nîng a ta, tlâng chînhai chunga chun chawisângin um bawk a tih; chutaka chun chi tinrênghai chu fe hum hum an tih.

HABAKKUK 2:3

Inlârna hi hun ruota hung tlung ding a la na, A tâwp chu a hnai mêk zing a, inkhêl bawk naw nih; A muong khawma nghâk zing la, A hung tlung ngei ding a ni leiin,” tiin.

NAMBAR 24:14

Ngai ta! tuhin ka mihai kuomah ka fe ding a nih; hung la, hieng mihai hin hi hnunga i mihai chunga an thaw dân ding hril ka ti cheu,” a ta.

DÂN PAHNINA 31:21

Thil ṭha naw le lunginzîngna tamtak an chunga a hung tlung pha chun, hi hla hi ân hrietsuoktirtu nîng a tih; (an thlahai baua inthawkin theinghil thei a ni âwm si naw a); tuta kân khâmna rama ka ṭhuoi hma hrim khawmin an insuongtuo vêl dan chu ka hrietsa zing a nih,” a ti a.

DÂN PAHNINA 31:29

Ka thi hnung chun nasatakin insuksieng in ta, ka thupêk cheu lampuia inthawk hin pêthmang in tih ti ka hriet zing a nih; chun, a tâwpa lem chu thil ṭha nawin tlâkbuok a ti cheu a; in kut thilthawa suklungsen dinga Lalpa mithmua thil ṭha naw in thaw ding leiin,” tiin.

DÂN PAHNINA 4:30

Rinuma in uma, in chunga chuong thilhai po po chu a hung tlung pha chun a tâwp a tâwpa chun Lalpa in Pathien tieng chu ngha kîr nâwk in ta, a thu chu pawm tâng in tih.

2 TIMOTHE 3:1

Chun, hi hi hre rawh, ni nuhnungahai chun hun khirtakhai hung um a tih.

HEBRAIHAI 2:3

hieng ang lâwma sandamna ropui hi inthlathlam inla, iengtin am tlân suok thei hlak ei ta? Chu Sandamna thu chu Lalpa hmanga a tîra hril a ni ta a, a hretuhai chun an mi sukdet pêk pei a.