DANIEL 10:13 - Pathien Lekhabu Inthieng (BSI)

¹³ Nisienlakhawm, Persia ram lal chun ni sâwmhni pakhat sûng chu a mi lo dangkîr a; amiruokchu, ngai ta, Mikael hotu laia lutak pakhat chu kei mi ṭhangpui dingin a hung a; chuongchun, Persia ram lalhai le chun chutaka chun ka um zing ta a.

DANIEL 10:13 ပူးပေါင်းရင်းမြစ်များ

EZRA 4:24

Chuongchun, Jerusalema um, Pathien in sinthaw chu a lo tâwp ta a; Persia lal Daria rorêl kum hnina chen chun châwlsan a ni ta a.

DANIEL 12:1

“Chu pha chun lal naupa ropuitak Mikael, i mihai ta dinga ngîr chu ngîrsuok a ta; chun, buoina hun chu a hung um ding a nih, hnam um tira inthawka chu chu hun chena khawm la um ngai hrim hrim lo chu; chu pha chun, i mihai, lekhabua zieka hmu taphawthai chu sanhim nîng an tih.

EPHESI 6:12

Ei ibuonhai hi taksa le thisen an ni si naw a; inlalnahai le thuneinahai le, hi inthim chunga khawvêl rorêltuhai le, vân hmunhaia thlarau suol umhai chu an ni lem.

KOLOSSA 2:10

Amaa chun in famkim ta bawk a, ama chu inlalna le thuneina po po lu a nih.

1 THESSALONIKA 2:18

in kuomah hung kan tum tlat si a; kei Paula ngei khawm hin vawi hni rau hung ka tum nghe nghe ta a; nisienlakhawm, Setanin a mi hluo hlak a nih.

1 PETER 3:22

Isu Krista chu vâna fein, Pathien chang tieng a um a, vântirkohai dâm, thuneina dâm, thilthawtheina dâm, ama thu thua inumtirin a um.

JUDA 1:9

Nisienlakhawm, Mikael, vântirko chunghnungtak hman khan, Diebol le an inbeia a, Mosie ruong thua an insêl laiin, Diebol chungthu rêl pêkin a hrilsiet ngam naw a, “Lalpân hal lem raw se che,” a ti ta lem a.

THUPUONGSUO 12:7

Chun, vâna chun indona a hung um a; Mikael le a vântirkohai chun dragon chu an do a;