DANIEL 1:17 - Pathien Lekhabu Inthieng (BSI)

¹⁷ Chun, hieng tleirâwlhai pali hi Pathien chun varna le thiemna po poa bengvarna le hrietna a pêk a; chun, Daniel chun thilhmulâwkhai le manghai chung po poa chun hrietthiemna a nei a.

DANIEL 1:17 ပူးပေါင်းရင်းမြစ်များ

1 LALHAI 3:12

ngai ta, varna le hrietna lungril ka pêk che a nih; chuongchun, i hmaah nangma ang hrim hrim tukhawm an um naw a, i hnunga khawm nanga ang hrim hrim chu tukhawm hung um ta naw bawk an tih.

1 LALHAI 3:28

Chun, Israelhai po po chun chu thua lal rorêl dân chu an lo hriet a; lal chu an ṭi ta hle el a; rorêlna dinga Pathien varna amaa chun a um ti an hriet ta si a.

2 CHANCHIN SUINA 1:10

Hi mipuihai hmaa hin ka lûta ka suok theina dingin tuhin varna le hrietthiem theina nangin mi pe la; chuong naw chun, hi i mihai hieng zât lâwm lâwm hi tuin am ro rêlpêk thei an ta?” a ta.

2 CHANCHIN SUINA 1:12

varna le hrietthiem theina chu i kuoma pêk a ni ta a; i hmaa lalhai tukhawma an nei dêr lo le, nangma hnunga tukhawma chuong anga an nei dêr lo ding hausaknahai le, neinungnahai le, inzâkaina pêng ka ti che,” a ta.

2 CHANCHIN SUINA 26:5

Pathiena thil hmulâwk hrietthiemna nei Zekaria dam sûng po chun Pathien chu zawng dingin ân siem a; Lalpa chu a zawng sûng po chu, Pathien chun ân hlawtlingtir bawk a.

JOB LEKHABU (THE BOOK OF JOB) 32:8

Amiruokchu, mihriema chun thlarau a um a, Iengkimthawthei chun a thuokin anni chu hrietthiemna a pêk lem a nih.

THUVARHAI 2:6

Lalpa chun varna a pêk si a; A baua inthawk chun hrietna le hrietthiemna hung suok a tih.

THUHRILTU 2:26

Pathien chun ama suklungawitu kuoma chun varna le hrietthiem theina le hlimna a pêk a, mi suol kuoma ruok chun Pathien suklungawitu kuoma pêk dinga lâkkhâwmna le siekhâwlna sin a pêk a. Hi khawm hi teplo el a na, lungril rimsikna el a nih.

ISAI 28:26

A Pathien chun ama chu feltakin a thununin ân chûktir hlak si a.

EZEKIEL 28:3

ngai ta, Daniel nêkin i var lem a nih; nangmaa inthawka thup thei ding thurûk hrim hrim a um naw a,

DANIEL 1:18

Chun, lalin anni hung ṭhuoilûtna dinga a ruot nihai tâwpa chun mitillâkhai hotu chun anni chu Nebukadnezzar hmaa chun a hung ṭhuoi ta a.

DANIEL 1:20

Chun, varna le hrietthiemna kawng tinrêngah, lalin a indawn ta hrim hrima chun, a ram sûnga aisânthiemhai le mitvaidawi thiemhai po po nêka le sâwma var lemin anni chu a hriet a.

DANIEL 1:4

anni chu tleirâwl demkailo, ditumtak lem, varna po poa thiem, hrietna kawnga bengvâr, hrietna inthûktak hre mi, lal ina ngîr dinga theina nei mi an ni ding a na; chun, Kaldai ṭawng le thiemna ân chûktir bawk ding a nih.

DANIEL 10:1

Persia lal Kura inlal kum thumnaa chun a hming Beltesazzar inbûk, Daniel kuomah thil suklangin a um a, chu thil chu thil indik, indona ropuitak a na, chu thil chu a hriet a, thilhmulâwk chu hrietthiemna a nei bawk a.

DANIEL 2:19

Chun, zâna inlârnain Daniel kuoma chun chu thurûk chu puongin a um ta a. Chun, Daniel chun vâna Pathien chu ân pâk ta a.

DANIEL 2:21

Hunhai le hunbihai chu a sukdanglam a, Lalhai chu a suktlâwmin lalhai chu a tungding a; Mi varhai kuoma chun varna a pêk a, hrietna neihai kuoma chun hrietthiemna a pêk bawk a;

DANIEL 2:23

Aw nang kan thlatuhai Pathien, varna le hrâtna mi petu, Kân pâk che a, i kuomah lâwmthu ka hung hril hi, Kan hung ngên chu i mîn hriettir ta a, Lal thu chungchâng hi kan kuomah i hung inhriettir ta si a,” tiin.

DANIEL 2:30

Keima chungthua chun, mi dang hrim nêka varna ka hau lem leia hi thurûk hi phuong a ni naw a; amiruokchu, a umzie chu lal kuoma inhriettir a ni theina ding le i lungrila i ngaituohai chu i hriet theina dingin a ni lem.

DANIEL 4:6

Chuleichun, mang umzie chu an mi hrilfie theina dingin Babulon rama mi var po pohai hung ṭhuoi khâwm dingin thupêk ka siem ta a.

DANIEL 5:14

I chanchin ka lo hriet a, pathienhai thlarau chu nangmaah a um a, nangmaa chun êngna le thiemna le varna ṭha bîk chu hmuin a um ti ka lo hriet bawk a.

DANIEL 7:1

Babulon lal Belsazzar inlal kum khatnaa chun Daniel chun mang neiin a khum chunga chun a lua thil hmulâwkhai chu a hmu tah a; chun, mang chu a ziek a, chuong thilhai umzie chu a hril bawk a.

DANIEL 8:1

Lal Belsazzar rorêl a kum thumnaa chun thil hmulâwkhai, a hmaa ka kuoma hung inlang hnunga khan, ka kuomah, kei Daniel kuoma ngei a hung inlang a.

NAMBAR 12:6

Ama chun, “Ka thu hi ngai ro, nangni lai hin zâwlnei in um chun ama chu kei Lalpa hi inlârnain inhriettir ka ta, mang tieng bieng ka tih.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

THILTHAWHAI 6:10

Nisienlakhawm, a varna le a hrilpuitu Thlarau chu an letthlâk thei naw a.

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.

THILTHAWHAI 7:22

“Chun, Mosie chu Aigupta mihai varna po po an inchûktir a, a thu le a thilthawah a ropui bêk bêk a.

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh.

JAKOB 1:17

Thilpêk ṭha le thilpêk famkim po po chu chung tienga inthawkin, varhai Pa kuoma inthawkin a hung ṭum hlak a nih, amaa chun danglamna le inherna hlim hrim hrim a um thei nawh.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.