AMOS 9:8 - Pathien Lekhabu Inthieng (BSI)

⁸ Ngai ta u, Lalpa Pathien mit chu ram suol chungah a fu a; chun, hnuoi chunga inthawkin sukbo ka ta; amiruokchu, Jakob sûngkuohai chu sukse vawng naw ning,” a ta.

AMOS 9:8 ပူးပေါင်းရင်းမြစ်များ

INṬANNA 6:7

Chuongchun, Lalpa chun, “Ka mihriem siem hi hnuoi chunga inthawk hin sukbohmang el ka tih, mihriem dâm, sa dâm, thilhring dâm, chunglêng vate dâm chen hin; ka lo siem ta leiin kân sîr a nih,” a ta.

INṬANNA 7:4

Ni sari a la bâk a, chu hnunga chun hnuoi chunga hin ni sâwmli le zân sâwmli sûng ruo insûrtir ka ta; ka thilhring siem tinrêng hi hnuoi chunga inthawkin sukbohmang ka tih,” a ta.

1 LALHAI 13:34

Chun, thil chu Jeroboam sûng- kuo suolna, anni ngei sukchimittu le khawvêla inthawka sukbohmang hlautu a hung ni ta a.

THUVARHAI 15:3

Lalpa mithai chu hmun tinah a um a, Thil ṭha le thil ṭha naw chu a hmu zing hlak.

THUVARHAI 5:21

Mihriem lampuihai chu Lalpa mithai hmaah a um si a, Ama chun a lampuihai po po chu a siemruol hlak.

JEREMIA 30:11

Nangma sandam ding chein i kuomah ka um si a, Lalpa chun a tih: nang ka sukdarna tieng chea hnamhai po po tâwpna letdêr chu siem ka ta, nang ruok chu suktâwp letdêr naw ning che; amiruokchu, rorêlnain sukdik lem ka ti che a, hrem lovin ieng kawnga khawm mâksan naw ning che.

JEREMIA 44:27

Ngai ta u, thil ṭha tiengah ni lovin, thil ṭha naw tienga dingin anni chu ka enkai dêk a nih: Aigupta rama Juda mi um po pohai chu, an ram dêr hmakhat chun, ṭâmna dâm le kâwlhnâm dâma anni chu sukbohmang nîng an tih.

JEREMIA 46:28

Aw ka siehlaw Jakob, ṭi naw rawh, Lalpa chun a tih; i kuomah ka um si a, nang ka hnawt hmangna che tienga hnamhai po po chu suktâwp vawng ka ta, nang ruok chu suktâwp letdêr naw ning che a; rorêlnain sukdik lem ka ti che a, ieng kawnga khawm hrem lovin mâksan naw ning che,” tiin.

JEREMIA 5:10

“Grêp tlar lai chun hang fe unla, sukse ro; tâwp ṭhuoina ruok chu thaw naw unla, a kauhai chu la thla unla, Lalpa ta an ni si naw a.

HOSEA 1:4

Chun, Lalpa chun a kuomah, “A hmingah Jezreel sak rawh; Jezreel thisen phuba chu Jehu sûnghai chungah lâng ka ta; Israel sûnghai ram chu suktâwp ka tih.

HOSEA 1:6

Chun, nau a vawn nâwk a, naunuhmei a nei a. Chun, a kuomah, “A hmingah Lo-ruhama sak rawh; Israel sûnghai chu ka lainat ngai ta naw ding a nih, ka ngaidam vak ta âwm si naw a.

JOEL 2:32

Chun, hieng ang hi nîng a ta, tukhawm Lalpa hming lam taphawt chu sanhim nîng an tih; Lalpain a hril ang khan a tlânsuokhai chu Zion tlânga le Jerusalem khuoah an um âwm si a, chu hai lai chun Lalpain a kohai chu ṭhang an tih.”

AMOS 3:12

Lalpa chun hieng ang hin a tih. “Berâmpu chun sakeibaknei baua inthawkin ke pahni amanih, nakâwr hlek amanih a sansuok angin, chuong angin Samari khuoa khum kila le khum tuktulungêk puon phan lukham chunga Israel nau umhai chu sansuok a tih.

AMOS 7:17

chuleiin, Lalpa chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheilovin, Israel chu a rama inthawkin salah ṭhuoi hmang an tih,’ tiin,” a dawn a.

AMOS 9:10

Ka mihai mi suol po po, ‘Sietna chun mi hnawt phâk naw ni a, mi nang bawk naw ni,’ tihai chu kâwlhnâmin thîng an tih.

AMOS 9:4

An hmêlmahai hmaah salah fe hai sien khawm, chutaka kâwlhnâm chu thu pêng ka ta, anni chu sât hlum a tih, ṭhatna ni lovin, ṭhat nawna dingin an chungah ka mit infûktir ka tih,”

DÂN PAHNINA 4:31

Lalpa in Pathien chu zângai theitak Pathien a ni si a; thlâthlam naw ni cheu a, sukbohmang naw bawk a ti cheu a, in pi le puhai kuoma inkhâma a thutiem chu theinghil naw bawk a tih.

DÂN PAHNINA 6:15

Nangni laia um Lalpa in Pathien chu Pathien thîkthusie a nih; Lalpa in Pathien lung chu in chungah inthawk a ta, leihnuoia inthawk hin sukbohmang el rawi a ti cheu.