AMOS 9:7 - Pathien Lekhabu Inthieng (BSI)

⁷ Lalpa chun, “Aw Israel nauhai, ka chungah Ethiopia nauhai angin in um naw am a nih? Aigupta rama inthawka Israel le Kaphtor rama inthawk Philistin mihai le Kir rama inthawka Suria mihai ka ṭhuoi suok nâwm a nih?

AMOS 9:7 ပူးပေါင်းရင်းမြစ်များ

2 LALHAI 16:9

Chun, Assuria lal chun a thuhril chu a lo zâwm a; chuongchun, Assuria lal chun Damaska khuo chu a hang thaw a, a lâk a, a mihai chu Kir ramah salah a ṭhuoi a, Rezin chu a that a.

2 CHANCHIN SUINA 14:12

Chuongchun, Lalpa chun Asa hmaa le Juda mihai hmaa chun Ethiopia mihai chu a hung thaw a; Ethiopia mihai chu an tlânse ta a.

2 CHANCHIN SUINA 14:9

Chun, Ethiopia mi Zera chun sipai maktaduoi khat le sakawr tawlailîr za thum leh anni chu a hung thaw a; ama chu Maresa chenin a hung a.

FESUOKNA 12:51

Chu ni ngei chun Lalpa chun Israel mihai chu an pâwl ruol ang peiin Aigupta rama inthawk a ṭhuoi suok ta a.

ISAI 20:4

Assuria lal chun Aiguptahai manhai le Ethiopiahai salhai chu, a nuhmei a pasalin, saruok le kekawk bun lo le mawng inlangin Aiguptahai muolphona dingin ṭhuoi hmang a tih.

ISAI 22:6

Chuongchun, Elam mihai chun thal bâwm an chawi a, mihriem chuongna tawlailîrhai le sakawr chung chuong mihai leh; Kir mihai chun phaw tuomna chu an sût a.

ISAI 43:3

Kei hi Lalpa in Pathien Israelhai Mi Inthieng, nangni sandamtu ka ni si a; nangni intlanna dingin Aigupta ram ka pêk a, Ethiopia le Seba ramhai chu nangni aiah ka pêk a.

JEREMIA 13:23

Ethiopia mi chun a vun chu a thlengin, keitê khawma a zie chu a thleng thei am a nih? Thil ṭha naw thaw ngaia hmanghai hin thil ṭha chu in thaw ding am a nih?

JEREMIA 47:4

ṭhangpuitu la um taphawthai chu Tura le Zidona inthawka sât thlâk dingin, Philistin mihai po po suksietna dinga ni hung tlung chu a ni leiin, Kaphtor thlierkâra la umsunhai, Philistin mihai chu Lalpa chun a sukbohmang ding a ni si a.

HOSEA 12:13

Zâwlnei hmangin Israel chu Aiguptaa inthawkin Lalpain a ṭhuoi suok a; Zâwlnei bawk hmang chun a hum bawk a.

AMOS 1:5

Damaska khaw kawtkhâr thîr chu suktliek ka ta, Aven ruoma inthawka a hluotuhai le Eden ina inthawka lal hmawl chawituhai chu sukbo ka ta; chun, Suria mihai chu Kir ramah salah um an tih,” Lalpain a tih.

AMOS 2:10

Amor mihai ram chu nei dingin Aigupta rama inthawkin ka ṭhuoi suok cheu a, thlalêra khan kum sâwmli sûngin ka ṭhuoi cheu a.

DÂN PAHNINA 2:23

chun, Gaza chena khaw chînhaia um Av mihai chu Kaphtora inthawka hung suok Kaphtor mihai vêk chun an sukbohmang a, an hmuna chun an um ta a.)